ក្រុមហ៊ុនផលិតហ្គេមនៅក្រុងសៀងហៃប្រទេសចិន បានជួលនារីរូបស្រស់២នាក់ឱ្យជួយលើកទឹកចិត្តដល់បុគ្គលិកផ្នែកសរសេរកម្មវិធី (Programmer) ដោយម៉ាស្សា ថ្មមៗដល់ពួកគេ ម្តងម្នាក់ៗ ។
យោងតាមគេហទំព័រចិន NetEase ថាអ្នកសរសេរកម្មវិធីកុំព្យូទ័រទាំងអស់នោះធ្វើការយូរម៉ោងហើយពួកគេមួយចំនួនមានអារម្មណ៍ធុញថប់នឹងការងារ និងរួយក ។ ដោយមើលឃើញភាពលំបាករបស់បុគ្គលិកបែបនោះ អ្នកចាត់ការទូទៅបានជួលនារីស្រស់សោភា២នាក់ឱ្យម៉ាស្សាជូនពួកគេ និងនិយាយពីនេះពីនោះដើម្បីបំបាត់ភាពស្មុគស្មាញពេលធ្វើការ ។
ក្រុមហ៊ុនមិនបានអះអាងបញ្ជាក់ពីតម្លៃជួលនារីទាំងពីរនោះទេ ។
មិនត្រឹមតែម៉ាស្សាប៉ុណ្ណោះទេ តែស្រីស្អាតទាំង២នាក់នោះ ក៏បានបង្ហាញកាយវិការបែបលើកទឹកចិត្ត ដូចជាយកកន្សែងជូតញើសលើថ្ងាស និងពិភាក្សាពីការងារផងដែរ ។ ដោយសារតែមានសម្រស់ស្រស់ស្អាត និងស្បែកភ្លឺរលោង នារីទាំង២នាក់ទាក់ទាញការចាប់អារម្មណ៍ពីបុគ្គលិក ប្រុសៗរបស់ក្រុមហ៊ុននោះ។ ពួកនាងត្រូវម៉ាស្សាឱ្យបុគ្គលិកដូចបង្ហាញក្នុងរូបភាព ដោយម៉ាស្សាស្មាខាងឆ្វេង-ខាងស្តាំ និងខ្នងជាដើម ។ អ្នកខ្លះច្រណែនពេល នាងៗម៉ាស្សាឱ្យនរណាម្នាក់យូរពេក ៕
ចែករំលែកព័តមាននេះ