ខេត្តកំពង់ស្ពឺ ៖ មនុស្ស៧នាក់បានរងរបួសធ្ងន់ និងស្រាលក្នុងហេតុការណ៍គ្រោះថ្នាក់ចរាចរណ៍រថយន្ត៣គ្រឿងបុកបន្តកន្ទុយគ្នា កាលពីវេលាម៉ោង៤ និង២០នាទីរសៀល ថ្ងៃទី២៧ មេសា ២០១៥ នៅតាមបណ្តោយផ្លូវជាតិលេខ៤ ចន្លោះគីឡូ
ខេត្តកំពង់ស្ពឺ ៖ មនុស្ស៧នាក់បានរងរបួសធ្ងន់ និងស្រាលក្នុងហេតុការណ៍គ្រោះថ្នាក់ចរាចរណ៍រថយន្ត៣គ្រឿងបុកបន្តកន្ទុយគ្នា កាលពីវេលាម៉ោង៤ និង២០នាទីរសៀល ថ្ងៃទី២៧ មេសា ២០១៥ នៅតាមបណ្តោយផ្លូវជាតិលេខ៤ ចន្លោះគីឡូម៉ែត្រលេខ៤២-៤៣ ស្ថិតក្នុងភូមិចំបក់ ឃុំវល្លិ៍ស ស្រុកសំរោងទង ។
នគរបាលបានឱ្យដឹងថា មុនពេលកើតហេតុគេឃើញរថយន្តសាំងយ៉ុងបើកចេញពីផ្លូវលំមកពីទិសខាងជើងបត់ឆ្វេងប្រុងឆ្លងផ្លូវជាតិលេខ៤ ស្រាប់តែរថយន្តទីតាន់ បើកពីកើតទៅលិចមកដល់ចាប់ហ្វ្រាំងមិនទាន់ក៏ជ្រុលបុករថយន្តសាំងយ៉ុងពេញទំហឹង ស្របពេលនោះស្រាប់តែមានរថយន្តមួយគ្រឿងទៀតម៉ាកហ្វររេនន័របើកពីទិសខាងលិចមកដល់ក៏បុករថយន្តសាំងយ៉ុងថែមទៀតបណ្តាលឱ្យមនុស្ស៧នាក់ជិះក្នុងរថយន្តទាំង៣គ្រឿងរងរបួសធ្ងន់ និងស្រាល។
ក្រោយកើតហេតុជនរងគ្រោះត្រូវរថយន្តសាមុយដឹកទៅសង្គ្រោះនៅគ្លីនិកឯកជន ចំណែករថយន្តទាំង៣គ្រឿងត្រូវបានស្ទូចយកទៅរក្សាទុកនៅអធិការដ្ឋាននគរបាលស្រុកសំរោងដើម្បីដោះស្រាយតាមផ្លូវច្បាប់ ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ