ខេត្តកណ្តាល ៖ មានហេតុការណ៍គ្រោះថ្នាក់ចរារណ៍មួយ កាលពីវេលាម៉ោង០៩ព្រឹកថ្ងៃទី០៧ មេសា ២០១៥ នេះ ស្ថិតនៅតាមបណ្តោយផ្លូវជាតិលេខ១ ត្រង់ចំណុចភូមិទួលក្របៅ ឃុំទួលក្របៅ ស្រុកកៀនស្វាយ ខេត្តកណ្តាល ខណៈយុវជនម្នាក់កំពុងជិះម៉ូតូ
ខេត្តកណ្តាល ៖ មានហេតុការណ៍គ្រោះថ្នាក់ចរារណ៍មួយ កាលពីវេលាម៉ោង០៩ព្រឹកថ្ងៃទី០៧ មេសា ២០១៥ នេះ ស្ថិតនៅតាមបណ្តោយផ្លូវជាតិលេខ១ ត្រង់ចំណុចភូមិទួលក្របៅ ឃុំទួលក្របៅ ស្រុកកៀនស្វាយ ខេត្តកណ្តាល ខណៈយុវជនម្នាក់កំពុងជិះម៉ូតូទៅស្រុកកំណើត ក៏ត្រូវរថយន្តមិនស្គាល់ម៉ាកមួយគ្រឿងបោះពួយយ៉ាងលឿនបើកកៀរយុវជននោះ បណ្តាលឱ្យធ្លាក់ទៅក្នុងប្រឡាយទឹករងរបួសរហូតដល់សន្លប់បាត់ស្មារតី ។
ប្រភពបានឱ្យដឹងថា ជនរងគ្រោះត្រូវបានស្គាល់ឈ្មោះបាន់ ស៊ីណា អាយុ២៤ឆ្នាំ (សន្លប់) ។ ចំណែករថយន្តបង្កបានបើកគេចខ្លួនបាត់ស្រមោល ។
ប្រភពបន្តថា អ្វីដែលធ្វើឱ្យប្រជាពលរដ្ឋហួសចិត្តនោះ បន្ទាប់ពីកើតហេតុក៏បានទូរស័ព្ទហៅរថយន្តសាមុយរបស់មន្ទីរពេទ្យបង្អែកស្រុកកៀនស្វាយ តែមិនឃើញមកនោះទេ ខណៈដែលគេរង់ចាំយ៉ាងយូរ ។
ប្រភពបន្តទៀតថា ប្រជាពលរដ្ឋឃើញសភាពបែបនេះទ្រាំមិនបាន ខ្លាចជនរងគ្រោះអាចធ្ងន់ធ្ងរជាងនេះ ក៏ជួយដឹកតាមម៉ូតូយកទៅសង្គ្រោះតែម្តង ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ