ខេត្តត្បូងឃ្មុំ ៖ អ្នកធ្វើដំណើរតាមមធ្យោបាយកង់ម៉ូតូបានភ័យព្រលឹងចុងសក់គ្រប់គ្នា ខណៈពេលជិះផុតបានតែបនិ្តចស្រាប់តែមានរថយន្តម៉ាកហ៊ីយ៉ាន់ដាយ ពណ៌ស ពាក់ស្លាកលេខភ្នំពេញ3B-6673 ដឹកស្រូវពេញ
ខេត្តត្បូងឃ្មុំ ៖ អ្នកធ្វើដំណើរតាមមធ្យោបាយកង់ម៉ូតូបានភ័យព្រលឹងចុងសក់គ្រប់គ្នា ខណៈពេលជិះផុតបានតែបនិ្តចស្រាប់តែមានរថយន្តម៉ាកហ៊ីយ៉ាន់ដាយ ពណ៌ស ពាក់ស្លាកលេខភ្នំពេញ3B-6673 ដឹកស្រូវពេញទ្រុងបានក្រឡាប់បះជើងច្រូងចាក់ស្រូវពេញថ្នល់ តែតែសំណាងល្អមិនមាននរណាម្នាក់រងគ្រោះថ្នាក់ដល់អាយុជីវិតនោះទេ ។
ហេតុការណ៍នេះកើតឡើងនៅវេលាម៉ោង៦ និង៣០នាទីព្រឹក ថ្ងៃទី១១ កុម្ភៈ ២០១៥ ត្រង់ចំណុចភូមិច្រកចំបក់ ឃុំជុប ស្រុកត្បូងឃ្មុំ ។ លោកវរសេនីយ៍ត្រី សូ សារ៉ាត នាយការិយាល័យចរាចរផ្លូវគោកខេត្តប្រាប់ឲ្យដឹងថា នៅមុនពេលកើតហេតុរថយន្តដឹកស្រូវនេះបានបើកចេញក្នុងទិសដៅពីលិចមកកើតតាមបណ្តោយផ្លូវជាតិលេខ៧ ដោយឆ្លងកាត់ស្ពានគីហ្ស៊ុណា ក្នុងគោលបំណងទៅកាន់ព្រំដែនវៀតណាម ។ ខណៈពេលកំពុងតែបើកបរសុខៗនោះក៏ផ្ទុះកង់រថយន្តបណ្តាលឲ្យរេចង្កូតក្រឡាប់ចាក់ស្រូវរាយប៉ាយពេញថ្នល់តែម្តង ។
នេះចាត់ទុកជាសំណាងល្អដោយមិនបានសង្កត់លើអ្នកធ្វើដំណើរតាមកង់-ម៉ូតូ គឺគ្រាន់តែរងការខូចខាតរថយន្តតែប៉ុណ្ណោះ បន្ទាប់មកប្រជាពលរដ្ឋបានរាយការណ៍ទៅជំនាញនគរបាលចរាចរស្រុកត្បូងឃ្មុំ ឲ្យមកពិនិត្យ និងបានជួយសំរួលចរាចរតាមដងផ្លូវដើម្បីបញ្ចៀសគ្រោះថ្នាក់ផ្សេងៗជាយថាហេតុផងដែរ ៕
ចែករំលែកព័តមាននេះ