ខេត្តកំពង់ចាម ៖ យុវជនល្មោភកាមម្នាក់ឈ្មោះ សន ធាម អាយុ២៥ឆ្នាំ មានទីលំនៅភូមិផ្អាវ ឃុំទឹកជ្រៅ ស្រុកតំបែរ ខេត្តត្បូងឃ្មុំ ត្រូវបានកម្លាំងសមត្ថកិច្ចចាប់ខ្លួនកាលពីយប់ថ្ងៃទី៣១ មករា ២០១៥ ក្រោយពី
ខេត្តកំពង់ចាម ៖ យុវជនល្មោភកាមម្នាក់ឈ្មោះ សន ធាម អាយុ២៥ឆ្នាំ មានទីលំនៅភូមិផ្អាវ ឃុំទឹកជ្រៅ ស្រុកតំបែរ ខេត្តត្បូងឃ្មុំ ត្រូវបានកម្លាំងសមត្ថកិច្ចចាប់ខ្លួនកាលពីយប់ថ្ងៃទី៣១ មករា ២០១៥ ក្រោយពីបានធ្វើសកម្មភាពចាប់នារីម្នាក់អាយុ២៤ឆ្នាំ នៅភូមិលិចវត្ត ឃុំថ្មពូន ស្រុកព្រៃឈរ រំលោភសេពសន្ថវៈមិនបានសំរេច ខណៈពេលជនសង្ស័យជូននាងត្រឡប់មកពីមើលគេរាំលេងក្នុងពិធីមង្គលការនៅក្នុងភូមិ។
លោកវរសេនីយ៍ត្រី កែវ ស៊ាងហ៊ន់ អធិការនគរបាលស្រុកព្រៃឈរបានឲ្យដឹងថា ហេតុការណ៍ចាប់រំលោភនេះបានកើតឡើងកាលពីវេលាម៉ោង៩ និង១០នាទីយប់ ថ្ងៃទី៣១ មករា ២០១៥។ លោកវរសេនីយ៍ត្រី កែវ ស៊ាងហ៊ន់ អធិការនគរបាលស្រុកព្រៃឈរ បានប្រាប់បន្តថា នៅវេលាខាងលើនារីរងគ្រោះបានពឹងឱ្យឈ្មោះធាម ជូនចេញពីផ្ទះមង្គលការត្រឡប់មកផ្ទះរបស់នាងដើម្បីដូរសម្លៀកបំពាក់ និងវិលទៅរោងការវិញ។ លុះពេលជូនមកដល់កន្លែងស្ងាត់ជនសង្ស័យបានចាប់នាងផ្តួលទៅលើដីក្នុងបំណងរំលោភសេពសន្ថវៈ តែមិនបានសម្រេចទេ ដោយនាងប្រឹងរើបំរះរួចស្រែកឲ្យគេជួយទាន់ពេលវេលា និងបានប្តឹងសមត្ថកិច្ចឱ្យជួយអន្តរាគមន៍ចាប់ខ្លួនជនសង្ស័យតែម្តង។
នៅរសៀលថ្ងៃទី១ កុម្ភៈ នេះ ជនសង្ស័យត្រូវសមត្ថកិច្ចកសាងសំណុំរឿងបញ្ជូនទៅកាន់ស្នងការដ្ឋាននគរបាលខេត្តដើម្បីចាត់ការតាមនីតិវិធី៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ