ខេត្តកំពង់ចាម ៖ សពយុវជនម្នាក់ត្រូវគេប្រទះឃើញអណ្តែតទឹកព្រែកបង្កឱ្យមានការភ្ញាក់ផ្អើលកាលពីវេលាម៉ោង៨ និង៣០នាទីព្រឹក ថ្ងៃទី ២៨ មករា ២០១៥ នេះ នៅចំណុចភូមិព្រែករំដេង ឃុំព្រែករំដេង ស្រុកស្រីសន្ធរ ។
ខេត្តកំពង់ចាម ៖ សពយុវជនម្នាក់ត្រូវគេប្រទះឃើញអណ្តែតទឹកព្រែកបង្កឱ្យមានការភ្ញាក់ផ្អើលកាលពីវេលាម៉ោង៨ និង៣០នាទីព្រឹក ថ្ងៃទី ២៨ មករា ២០១៥ នេះ នៅចំណុចភូមិព្រែករំដេង ឃុំព្រែករំដេង ស្រុកស្រីសន្ធរ ។
សពយុវជនរងគ្រោះត្រូវគេស្គាល់ឈ្មោះ ស៊ន ប៊ុនស៊ី ហៅក្របី អាយុ២១ឆ្នាំ រស់នៅភូមិ-ឃុំកើតហេតុខាងលើ។
លោកវរសេនីយ៍ត្រី ខេង ស្រេង អធិការនគរបាលស្រុកស្រីសន្ធរបានឱ្យដឹងថា កាលពីល្ងាចថ្ងៃទី២៦ មករា ជនរងគ្រោះបានប្រាប់ឪពុក ម្តាយថា ចេញទៅដាក់ស្មៅឱ្យគោស៊ី ហើយក៏បាត់រហូតមិនឃើញត្រឡប់មកផ្ទះវិញធ្វើឱ្យក្រុមគ្រួសារឆោឡោតាមរកគ្រប់ទិសទី តែរកមិនឃើញ។
ប្រភពដដែលបន្តថា រហូតដល់ព្រឹកថ្ងៃទី២៨ មករានេះ ប្រជាពលរដ្ឋធ្វើដំណើរតាមផ្លូវបានប្រទះឃើញសពផុសអណ្តែតក៏រាយការណ៍ប្រាប់សមត្ថកិច្ចឱ្យចុះមកពិនិត្យ ខណៈនោះមានប្រជាពលរដ្ឋស្គាល់ជនរងគ្រោះបានផ្តល់ដំណឹងដល់ក្រុមគ្រួសារមកមើលនៅកន្លែងកើតហេតុទើបដឹងថា ជាយុវជនដែលបាត់ខ្លួន ។ បន្ទាប់ពីពិនិត្យ និងធ្វើកោសល្យវិច័យរួច សមត្ថកិច្ចបានឱ្យដឹងថា ជនរងគ្រោះស្លាប់ដោយសារលង់ទឹក ហើយក៏ប្រគល់សពឱ្យក្រុមគ្រួសារយកទៅធ្វើបុណ្យតាមប្រពៃណី ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ