ខេត្តស្វាយរៀង ៖ បុរស់ម្នាក់ដាច់ក្បាលស្លា.ប់ភ្លាមៗនៅនឹងកន្លែងដោយសាររថយន្តនីស្សាន់មួយគ្រឿងបើកបុក ហើយកិនចំពីលើក្បាលលាន់ដូចរន្ទះបែកក្បាលដាច់បាត់ពីដងខ្លួនរកមិនឃើញ ។
ខេត្តស្វាយរៀង ៖ បុរស់ម្នាក់ដាច់ក្បាលស្លាប់ភ្លាមៗនៅនឹងកន្លែងដោយសាររថយន្តនីស្សាន់មួយគ្រឿងបើកបុក ហើយកិនចំពីលើក្បាលលាន់ដូចរន្ទះបែកក្បាលដាច់បាត់ពីដងខ្លួនរកមិនឃើញ ។
ហេតុការណ៍គ្រោះថ្នាក់ចរាចរណ៍នោះកើតឡើងកាលពីរវេលាម៉ោង៦ និង១៥នាទីល្ងាចថ្ងៃទី១១ មករា ២០១៥ នៅលើកំណាត់ផ្លូវជាតិលេខ១ ត្រង់ចំណុចខាងមុខមណ្ឌលសុខភាពឃុំកណ្តៀងរាយ ស្ថិតក្នុងភូមិប្រសូត្រ១ ឃុំកណ្តៀងរាយ ស្រុកស្វាយទាប ។
បើតាមនគបាលប៉ុស្តិ៍រដ្ឋបាលឃុំកណ្តៀងរាយបានឲ្យដឹងថា ជនរងគ្រោះឈ្មោះស ចាន់រឿន ភេទប្រុស អាយុ៤០ឆ្នាំ មានទីលំនៅភូមិពោធិ៍តាហោ សង្កាត់ពោធិ៍តាហោ ក្រុងស្វាយរៀង បើកម៉ូតូម៉ាកស៊ីរុស ពណ៌ខ្មៅលាយក្រហម គ្មានស្លាកលេខ ក្នុងទិសដៅពីកើតមកលិច លុះមកដល់ចំណុចកើតហេតុខាងលើក៏មានរថយន្តមួយគ្រឿងម៉ាកនីស្សាន់ចង្កូតស្តាំ ពាក់ស្លាកលេខ ជ២៧៦៨ ភព២ បើកបញ្ច្រាសទិសគ្នាយ៉ាងលឿនវ៉ាជែងជាមួយរថយន្តបែនដឹកខ្សាច់ ក៏ជ្រុលចង្កូតទៅបុកម៉ូតូជនរងគ្រោះចំពីមុខពេញទំហឹងលាន់ដូចរន្ទះ ថែមទាំងកិនមនុស្ស និងម៉ូតូអូសចម្ងាយជាង១០០ម៉ែត្របណ្តាលឲ្យអ្នកបើកម៉ូតូដាច់ក្បាលបែកខ្ទេចចេញពីដងខ្លួនរកមិនឃើញ ធ្លាយខួរខ្ទាតពេញដងផ្លូវគួរឲ្យញាក់សាច់ រីឯម៉ូតូខូចខាតទាំងស្រុង ។
ក្រោយកើតហេតុអ្នកបើកបររថយន្តបានបើកទ្វារថយន្តរត់គេចខ្លួនបាត់ស្រមោលឈឹង បន្សល់រថយន្តបង្កនៅកន្លែងកើតហេតុ បន្ទាប់មកនគរបាលបានស្គាល់អត្តសញ្ញាណជនរងគ្រោះ ក៏ទូរស័ព្ទហៅក្រុមគ្រួសារមកយកសពទៅធ្វើបុណ្យតាមប្រពៃណី រីឯម៉ូតូ និងរថយន្តបង្កហេតុត្រូវនគរបាលយកទៅរក្សាទុកនៅអធិការដ្ឋានស្រុកស្វាយទាប និងស្រាវជ្រាវរកជនបង្កដើម្បីដោះស្រាយតាមច្បាប់ ។
សមត្ថកិច្ចនិយាយថា មូលហេតុដែលបណ្តាលឱ្យមានគ្រោះថ្នាក់ចរាចរណ៍នេះបណ្តាលមកពីអ្នកបើកបរខ្វះការប្រុងប្រយ័ត្ន និងវ៉ាជែងក្នុងស្ថានភាពគ្រោះថ្នាក់ ហើយជនរងគ្រោះគ្មានពាក់មួកសុវត្ថិភាព ៕
ចែករំលែកព័តមាននេះ