ខេត្តមណ្ឌលគិរី ៖ បុគ្គលិកកាស៊ីណូពីរនាក់នៅស្រុកកែវសីមាម្នាក់បានស្លា.ប់ និងម្នាក់ទៀតបានរងរបូសធ្ងន់ ក្នុងគ្រោះថ្នាក់ចរាចរណ៍ដែលបានកើត ឡើងនៅម៉ោងប្រមាណជា៤និង៤០នាទីល្ងាច ថ្ងៃទី០៨ មករា ២០១៥ ស្ថិតតាមបណ្តោយផ្លូវលំ ក្នុងឃុំស្រែព្រះ ស្រុកកែវសីមា ខេត្តមណ្ឌលគិរី ។
ខេត្តមណ្ឌលគិរី ៖ បុគ្គលិកកាស៊ីណូពីរនាក់នៅស្រុកកែវសីមាម្នាក់បានស្លាប់ និងម្នាក់ទៀតបានរងរបូសធ្ងន់ ក្នុងគ្រោះថ្នាក់ចរាចរណ៍ដែលបានកើត ឡើងនៅម៉ោងប្រមាណជា៤និង៤០នាទីល្ងាច ថ្ងៃទី០៨ មករា ២០១៥ ស្ថិតតាមបណ្តោយផ្លូវលំ ក្នុងឃុំស្រែព្រះ ស្រុកកែវសីមា ខេត្តមណ្ឌលគិរី ។
សេចក្តីរាយការណ៍បានឱ្យដឹងថា មុនពេលកើតហេតុគេបានឃើញ ជនរងគ្រោះខាងលើទៅចូលរួមកម្មវិធីភ្ជាប់ពាក្យមួយ ក្នុងភូមិស្រែព្រះ នឹងមានការផឹកស៊ីផងដែរ ។ ក្រោយជិតបញ្ចប់កម្មវិធី ជនរងគ្រោះបានជិះម៉ូតូឌុបគ្នា ចេញពីកម្មវិធីក្នុងល្បឿនយ៉ាងលឿន តាមផ្លូវក្រាលគ្រូសក្រហម និងមានសភាពកោងខ្លាំងផងនោះ ម៉ូតូជនរងគ្រោះបានជ្រុលចូលទៅបុកផ្ទះ មួយខ្នងដែលនៅក្បែរនោះយ៉ាងពេញទំហឹង បណ្តាលឱ្យជាប់គាំងលែងទៅមុខរួច ។ ពេលនោះគេបានឃើញបុរសជាអ្នកកាន់ចង្កូតម៉ូតូ ដេកស្លាប់ភ្លាមៗនៅកន្លែងកើតហេតុតែម្តង ចំណែកបុរសម្នាក់ទៀតរងរបូសធ្ងន់ ត្រូវគេជួយបញ្ជូនទៅសង្គ្រោះនៅមន្ទីរពេទ្យ ។
នគរបាលចរាចរណ៍នៃអធិការដ្ឋានស្រុកកែវសីមា បានឱ្យដឹងថា ជនរងគ្រោះដែល ជិះម៉ូតូ បុកផ្ទះខាងលើ មានឈ្មោះទី១.ឈឹង អ៊ូ អាយុ២៨ឆ្នាំ មានស្រុកកំណើតខេត្តក្រចេះ ជាបុគ្គលិក កាស៊ីណូបម្រើកាងារនៅស្រុកកែវសីមា បានស្លាប់ភ្លាមៗ ចំណែកទី២.មានឈ្មោះ កែវ រដ្ឋា អាយុ២៩ឆ្នាំ ស្រុកកំណើតនៅខេត្តក្រចេះដូចគ្នា រងរបួសធ្ងន់ត្រូវបានបញ្ជូនទៅសង្គ្រោះនៅប្រទេសវៀតណាម ។
សមត្ថកិច្ចបញ្ជាក់ថា ទោះជាយ៉ាងណាម្ចាស់ផ្ទះដែលត្រូវម៉ូតូបុកខាងលើមិន មានគ្រោះថ្នាក់ អ្វីនោះទេ គ្រាន់តែរងការខូចខាត ម៉ូតូ១គ្រឿង គ្រែ១ រូមនិងសម្ភារប្រើប្រាស់ខ្លះតែប៉ុណ្ណោះ។
ចែករំលែកព័តមាននេះ