ខេត្តមណ្ឌលគិរី ៖ ដើម្បីការពារសុខសុវត្ថិភាពរបស់ប្រជាពលរដ្ឋ និងភ្ញៀវទេសចរ ដែលអញ្ជើញដើរលេងកម្សាន្តនៅខេត្តមណ្ឌលគិរី នាអំឡុងពិធីបុណ្យចូលឆ្នាំចិន វៀតណាម កម្លាំងកងរាជអាវុធហត្ថ នៃបញ្ជាការដ្ឋានកងរាជអាវុធហត្ថខេត្តមណ្ឌលគិរី បានដាក់ល្បាតនៅតាមដងផ្លូវសំខាន់ៗ…
ខេត្តមណ្ឌលគិរី ៖ ដើម្បីការពារសុខសុវត្ថិភាពរបស់ប្រជាពលរដ្ឋ និងភ្ញៀវទេសចរ ដែលអញ្ជើញដើរលេងកម្សាន្តនៅខេត្តមណ្ឌលគិរី នាអំឡុងពិធីបុណ្យចូលឆ្នាំចិន វៀតណាម កម្លាំងកងរាជអាវុធហត្ថ នៃបញ្ជាការដ្ឋានកងរាជអាវុធហត្ថខេត្តមណ្ឌលគិរី បានដាក់ល្បាតនៅតាមដងផ្លូវសំខាន់ៗ ជាក់ស្តែងកាលពីយប់ថ្ងៃទី២៧ ខែមករា ឆ្នាំ២០២៥ កម្លាំងអាវុធហត្ថខេត្តបានចុះប្រតិបត្តិការនៅចំណុច ចម្ការស្រល់ លើបណ្តោយផ្លូវជាតិលេខ៧៦ ក្រុងសែនមនោរម្យ ដើម្បីត្រួតពិនិត្យអាវុធជាតិផ្ទុះគ្រប់ប្រភេទ ជាពិសេសបញ្ហាក្មេងទំនើង ។
លោកឧត្តមសេនីយ៍ត្រី ហែម បូណារ៉ែល មេបញ្ជាការកងរាជអាវុធហត្ថខេត្តមណ្ឌលគិរី នាព្រឹកថ្ងៃទី២៨ ខែមករា មានប្រសាសន៍ថា ក្រោយទទួលបទបញ្ជាពីនាយឧត្តមសេនីយ៍ សៅ សុខា អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស និងការណែនាំពីលោក ថង សាវុន អភិបាលខេត្តមណ្ឌលគិរី កម្លាំងជំនាញអាវុធហត្ថខេត្តបានចេញល្បាតប្រចាំតាមគោលដៅសំខាន់ៗ ដើម្បីបង្ការទប់ស្កាត់រាល់បទល្មើសនានា ដែលប៉ុនប៉ងយាយីដល់សេចក្តីសុខ សុវត្ថិភាពរបស់បងប្អូនប្រជាពលរដ្ឋក្នុងមូលដ្ឋាន ។
ជាមួយនឹងប្រតិបត្តិការល្បាតនេះដែរ កម្លាំងអាវុធហត្ថខេត្ត ក៏បានធ្វើការឆែកឆេរ និងត្រួតពិនិត្យនូវរាល់រថយន្ត ដែលចរាចរនៅពេលយប់ ដើម្បីត្រួតពិនិត្យការដឹកជញ្ជូន ការចរាចរអាវុធជាតិផ្ទុះគ្រប់ប្រភេទ ក្នុងបំណងទុច្ចរិត ពិសេស គឺទប់ស្កាត់ជាមុនរាល់ក្រុមក្មេងទំនើង ដែលអាចបង្កការរំខានដល់មហាជន ៕
ចែករំលែកព័តមាននេះ