បន្ទាយមានជ័យ ៖ កម្លាំងនគរបាលបង្ក្រាបក្មេងទំនើ.ងរយៈពេល២ថ្ងៃឃាត់ខ្លួនបាន២០នាក់ និងកាំបិតផ្គាក់ និងដាវសាំម៉ូរ៉ៃជាច្រើនដើមនៅក្រុងប៉ោយប៉ែត ត្រូវបានបញ្ជូនទៅសាលាដំបូងខេត្តបន្ទាយមានជ័យនៅថ្ងៃទី២៨ ខែមករា ឆ្នាំ២០២៥ ។ លោកវរៈសេនីយ៍ទោ…
បន្ទាយមានជ័យ ៖ កម្លាំងនគរបាលបង្ក្រាបក្មេងទំនើ.ងរយៈពេល២ថ្ងៃឃាត់ខ្លួនបាន២០នាក់ និងកាំបិតផ្គាក់ និងដាវសាំម៉ូរ៉ៃជាច្រើនដើមនៅក្រុងប៉ោយប៉ែត ត្រូវបានបញ្ជូនទៅសាលាដំបូងខេត្តបន្ទាយមានជ័យនៅថ្ងៃទី២៨ ខែមករា ឆ្នាំ២០២៥ ។
លោកវរៈសេនីយ៍ទោ រ៉ៃន សុភ័ក្រ អធិការរងនគរបាលផ្នែកព្រហ្មទ័ណ្ឌក្រុងប៉ោយប៉ែតបានប្រាប់ថា ៖ រយៈពេលកន្លងមានក្មេងទំនើ.ងបានបង្កើតជាក្រុម និងបក្ខពួកបានធ្វើសកម្មភាពកា.ប់ចា.ក់គ្នា បង្កអសន្តិសុខ នៅក្នុងភូមិសាស្ត្រ ក្រុងប៉ោយប៉ែត ធ្វើប៉ះពាល់សន្តិសុខ និងសណ្តាប់ធ្នាប់ និងភូមិ.ឃុំ គ្មានសុវត្ថិភាពដែលធ្វើអោយប្រជាពលរដ្ឋមានការភ័យខ្លាច និងព្រួយបារម្ភ ។
លោកបានបញ្ជាក់ថា ៖ កម្លាំងអធិការដ្ឋាននគរបាលក្រុងប៉ោយប៉ែតបានសហការជាមួយកម្លាំងនគរបាលព្រហ្មទណ្ឌកម្រិតស្រាល ខេត្តបន្ទាយមានជ័យ ស្រាវជ្រាវបទល្មើសក្មេងទំនើ.ង ដែលកើតមានក្នុងមូលដ្ឋានក្រុងប៉ោយប៉ែតជាញឹកញាប់ចុះប្រតិបត្តិការបង្ក្រាប ជាបន្តបន្ទាប់ រយៈពេល២ថ្ងៃ ចាប់ពីថ្ងៃទី២៦ ដល់២៧ ខែមករា ឆ្នាំ២០២៥ឃាត់ខ្លួនក្មេងទំនើ.ងចំនួន២០នាក់ ក្នុងនោះមានស្រី៣នាក់ និងមធ្យោបាយមានម៉ូតូ និងកាំបិ.តផ្គា.ក់ដាវសាំម៉ូរ៉ៃជាច្រើនដើម ។
លោកវរៈសេនីយ៍ទោ ព្រហ្ម ពិសិដ្ឋ អធិការនគរបាលក្រុងប៉ោយប៉ែតបានបញ្ជាក់ថា ៖ ជាការណែនាំពីលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ កម្លាំងអធិការដ្ឋាននគរបាលក្រុងប៉ោយប៉ែត បានសហការជាមួយកម្លាំងការិយាល័យព្រហ្មទណ្ឌកម្រិតស្រាល ខេត្តបន្ទាយមានជ័យ បង្ក្រាបឃាត់ខ្លួនក្មេងទំនើ.ងជាបន្តបន្ទាប់បានចំនួន២០នាក់ និងវត្ថុតាងមានម៉ូតូធ្វើសកម្មភាព និងកាំបិ.តជាច្រើនត្រូវបានកសាងសំណុំរឿងបញ្ជូនទៅសាលាដំបូងខេត្ត ដើម្បីអនុវត្តន៍តាមនីតិវិធីច្បាប់ ៕
ចែករំលែកព័តមាននេះ