រាជធានីភ្នំពេញ ៖ បុរស២ម្នាក់ត្រូវនគរបាលប៉ុស្តិ៍ឃាត់យកទៅ បន្ទាប់ពីផឹកស៊ីស្រវឹងបោកកែវស្រាខ្ទាតចំអ្នកជិតខាងផឹកស៊ីជិតគ្នា ខឹងប្តឹងសមត្ថកិច្ចជួយអន្តរាគមន៍ភ្លាមៗបង្កឲ្យមានការភ្ញាក់ផ្អើល កាលពីវេលាម៉ោង១១និង៤៥នាទីយប់ថ្ងៃទី២៨ ខែមករា ឆ្នាំ២០២៥ នៅចំណុចផ្លូវ១៩៧៤ កែវផ្លូវ១០០៧…
រាជធានីភ្នំពេញ ៖ បុរស២ម្នាក់ត្រូវនគរបាលប៉ុស្តិ៍ឃាត់យកទៅ បន្ទាប់ពីផឹកស៊ីស្រវឹងបោកកែវស្រាខ្ទាតចំអ្នកជិតខាងផឹកស៊ីជិតគ្នា ខឹងប្តឹងសមត្ថកិច្ចជួយអន្តរាគមន៍ភ្លាមៗបង្កឲ្យមានការភ្ញាក់ផ្អើល កាលពីវេលាម៉ោង១១និង៤៥នាទីយប់ថ្ងៃទី២៨ ខែមករា ឆ្នាំ២០២៥ នៅចំណុចផ្លូវ១៩៧៤ កែវផ្លូវ១០០៧ ស្ថិតនៅសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
តាមប្រភពព័ត៌មានពីបងប្អូននៅកន្លែងកើតហេតុ បាននិយាយប្រាប់ថា នៅមុនពេលកើតហេតុគេឃើញមានមនុស្សផឹកស៊ីពីរក្រុមបានផឹកស៊ីនៅជិតគ្នា ដោយផឹកនៅខាងមុខផ្ទះ បន្ទាប់មកបុរសម្នាក់ខាងរងគ្រោះ បានយកស្រាទៅជល់ខាងផឹកស៊ីមួយក្រុមទៀត តែភាគីម្ខាងខាងលើមិនព្រមជល់ ដោយបោះពាក្យសម្ដីអោយខាងភាគីយកស្រាមកជល់ថា អញមិនចង់អោយអ្នកផ្សេងផឹកស៊ីមកសង្គ្រប់លើអញទេ បន្ទាប់មកភាគីខាងបោះពាក្យសម្ដីយកកែវមកគ.ប់ទៅលើបុរសម្នាក់ដែលយកស្រាមកជល់ បណ្តាលឲ្យអំបែងកែវខ្ទាតត្រូវចំបុរសដែលយកកែវទៅជល់នោះ ហើយត្រូវបងប្អូននៅកន្លែងកើតហេតុពីរទៅបីនាក់ បណ្តាលឲ្យរងរបួសស្រាល បង្កអោយមានការជម្លោះគ្នាទៅវិញទៅមក ។
ប្រភពព័ត៌មានពីកន្លែងកើតហេតុបានបន្តទៀតថា ខណៈភាគីទាំងពីរក្រុមឈ្លោះប្រកែកគ្នា មានបងប្អូនអ្នកជិតខាងបានប្តឹងនគរបាលប៉ុស្តិ៍ ដើម្បីជួយអន្តរាគមន៍ភ្លាមៗ ។
ក្រោយពេលកើតហេតុបន្ទាប់ពីនគរបាលប៉ុស្តិ៍មកដល់បានសួរនាំទៅភាគីទាំងសងខាង ហើយភាគីខាងត្រូវគេគ.ប់ត្រូវអំបែងកែវចង់អោយភាគីបង្កសុំទោស តែភាគីខាងបង្កមិនព្រមសុំទោស ដោយនិយាយថា ពួកគាត់គាត់មិនខុសអីដែរទើបសមត្ថកិច្ចនាំភាគីទាំងសងខាងទៅសួរនាំនៅប៉ុស្តិ៍នគរបាល និងដើម្បីណែនាំពួកគាត់ ៕
ចែករំលែកព័តមាននេះ