ខេត្តស្វាយរៀង ៖ មានបុរសម្នាក់ បើករថយន្តម៉ាកហាយឡែនឌ័រ HighLander មួយគ្រឿង មកប្លុងចោល នៅលើចិញ្ចើមផ្លូវជាតិលេខ១ ត្រង់ចំណុចខាងកើតរោងចក្រ ចម្ងាយប្រមាណជិត១០០ម៉ែត្រ…
ខេត្តស្វាយរៀង ៖ មានបុរសម្នាក់ បើករថយន្តម៉ាកហាយឡែនឌ័រ HighLander មួយគ្រឿង មកប្លុងចោល នៅលើចិញ្ចើមផ្លូវជាតិលេខ១ ត្រង់ចំណុចខាងកើតរោងចក្រ ចម្ងាយប្រមាណជិត១០០ម៉ែត្រ ស្ថិតនៅភូមិដើមពោធិ ឃុំកណ្តៀងរាយ ស្រុកស្វាយទាប រយៈពេល០៤ថ្ងៃមកហើយ មិនទាន់ឃើញម្ចាស់ ត្រឡប់មកយកវិញទេ ។
បើតាមប្រជាពលរដ្ឋរស់នៅកន្លែងកើតហេតុខាងលើ បានឲ្យដឹងថា ករណីគេបើករថយន្តមកទុកប្លុងចោលនេះ កើតឡើងនៅវេលាម៉ោងប្រហែលជា៩យប់ថ្ងៃទី៧ មករា ២០២៥ ។
ប្រភពបន្តថា គេឃើញបុរសម្នាក់ បានបើករថយន្តហាយឡែនឌ័រ ពណ៌ទឹកប្រាក់ ពាក់ស្លាកលេខ ភ្នំពេញ 2AD-1033
យកមកទុកនៅលើចិញ្ចើមផ្លូវជាតិលេខ១ ត្រង់ចំណុចខាងកើតរោងចក្រ មានចម្ងាយជិត១០០ម៉ែត្រ រួចទៅបាត់ មិនឃើញត្រឡប់មកយកវិញទេ ទើបអ្នកភូមិរាយការណ៍ជូនសមត្ថកិច្ច ឲ្យចុះមកពិនិត្យមើល និងប្រកាសរកម្ចាស់រថយន្ត ឲ្យមកទទួលរថយន្តត្រឡប់ទៅផ្ទះវិញ ឬបើមានម្ចាស់រថយន្ត ដែលមានលេខដូចខាងលើ បានបាត់រថយន្ត សូមឲ្យមកទំនាក់ទំនងជាមួយសមត្ថកិច្ច នៃអធិការនគបាលស្រុកស្វាយទាប ដើម្បីយករថយន្តទៅវិញ ៕
ចែករំលែកព័តមាននេះ