ព្រះនាង ចេនណា បានលើកសរសើរចំៗចំពោះ ល្អ ហួស ក្រោយវីដេអូសម្តែងរាំរបាំអប្សរាខ្មែរនៅមុខផ្ទាំងទឹកកក នាឯប្រទេសចិន ទទួលបានការសាទរ និងការគាំទ្រយ៉ាងច្រើនពីមហាជន បន្ទាប់ពីរូបភាពវីដេអូនោះបានផ្សព្វផ្សាយលើបណ្តេញសង្គមកាលពីពេលថ្មីៗនេះ…
ព្រះនាង ចេនណា បានលើកសរសើរចំៗចំពោះ ល្អ ហួស ក្រោយវីដេអូសម្តែងរាំរបាំអប្សរាខ្មែរនៅមុខផ្ទាំងទឹកកក នាឯប្រទេសចិន ទទួលបានការសាទរ និងការគាំទ្រយ៉ាងច្រើនពីមហាជន បន្ទាប់ពីរូបភាពវីដេអូនោះបានផ្សព្វផ្សាយលើបណ្តេញសង្គមកាលពីពេលថ្មីៗនេះ ។
ក្រៅពីការលើសរសើរខាងលើនេះ ព្រះនាង ចេនណា ក៏បានចាត់ទុកវីដេអូរបស់ ល្អ ហួស នាពេលនេះគឺជាការចូលរួមចំណែកយ៉ាងធំមួយក្នុងការផ្សព្វផ្សាយវប្បធម៌ខ្មែរទៅកាន់ឆាកអន្តរជាតិ ដែលយើងទាំងអស់រួមគ្នាផ្សព្វផ្សាយវប្បធម៌ អរិយធម៌របស់យើងទៅកាន់ឆាកអន្តរជាតិអោយបានច្រើនៗតាមអ្វីដែលអាចធ្វើទៅបាន ។
ទាំងព្រះនាង ចេនណា និង ល្អ ហួស សុទ្ធតែត្រូវបានថ្នាក់ដឹកនាំទីក្រុង Harbin នៃសាធារណរដ្ឋប្រជាមានិតចិន ដែលបានផ្តល់កិត្តិយសអញ្ជើញចូលរួមក្នុងកម្មវិធី Dream of Winter Global promotional campaign »។
ក្រៅពីឡើងសម្តែង និងច្រៀងលើវេទិកានៃកម្មវិធីខាងលើនេះ ល្អ ហួស ក៏ឆ្លៀតពេលវេលារៀបរាំរបាំអប្សរាខ្មែរ នៅពីមុខផ្ទាំងទឹកកកដែលត្រូវបានគេឆ្លាក់ជារូបប្រាសាទបាយ័ន បង្ហាញភ្ញៀវទេសចរអន្តរជាតិនានាឲ្យបានទស្សនាផងដែរ ។
ក្នុងពេលដែលរូបភាពវីដេអូនៃការរាំរបាំអប្សរារបស់ ល្អ ហួស កំពុងទទួលការទាក់ទាញ និងចាប់អារម្មណ៍ខ្លាំងពីមហាជននោះ ព្រះនាង ចេនណា ដែលបានយាងចូលរួមក្នុងកម្មវិធីនេះដែរបានលើកសសើរដល់ ល្អ ហួស ចំពោះរូបភាពមួយនេះ ដោយនៅក្នុងព្រះនាងបានចាត់ទុកសកម្មភាពដ៏ល្អវិសេសវិសាលនេះគឺជាការចូលរួមចំណែកយ៉ាងធំមួយក្នុងការផ្សព្វផ្សាយវប្បធម៌ខ្មែរទៅកាន់ឆាកអន្តរជាតិ ។
តាមរយៈសំណេរដែលបានបង្ហោះលើបណ្តាញសង្គម ព្រះនាង ចេនណា បានលើកឡើងថា ខ្ញុំសូមអរគុណថ្នាក់ដឹកនាំ ទីក្រុង Harbin នៃសាធារណរដ្ឋប្រជាមានិតុចិន ដែលបានផ្តល់កិត្តិយសអញ្ជើញរូបខ្ញុំឡើងបកស្រាយបទ «ស្រណោះប្រទេសចិន» ដែលជាស្នាព្រះហស្តដ៏ថ្លៃថ្លានៃសម្តេចតា ព្រះបរមរតនៈកោដ្ឋជាទីគោរពសក្ការៈដ៏ខ្ពង់ខ្ពស់បំផុត នៅក្នុងកម្មវិធីរំលឹកចំណងមិត្តខ្មែរចិន កម្មវិធី « Dream of Winter Global promotional campaign » និងទទួលពានរង្វាន់នៃការជួយផ្សព្វផ្សាយនូវតំបន់ទេសចរណ៍នេះ🙏។
ព្រះនាងបញ្ជាក់ថា មិនតែប៉ុណ្ណោះខ្ញុំបានជួបបងស្រី ល្អ ហួស ដែលបានអញ្ចើញឱ្យចូលរួមក្នុងកម្មវិធីនេះផងដែរ ។ ឆ្លៀតក្នុងឱកាសនេះ ខ្ញុំក៏សូមចូលរួមអបអរសាទរដល់បងស្រី ល្អ ហួស ដោយវីដេអូដែលគាត់ដែលបានរាំរបាំអប្សរានៅលើព្រិលទឹកកកបានទទួលបានការគាំទ្រយ៉ាងច្រើន ហើយជាសកម្មភាពដ៏ល្អវិសេសវិសាលក្នុងការចូលរួមចំណែកយ៉ាងធំមួយក្នុងការផ្សព្វផ្សាយវប្បធម៌ខ្មែរទៅកាន់ឆាកអន្តរជាតិ។ បើតាម ព្រះនាង ចេនណា យើងរួមគ្នាផ្សព្វផ្សាយវប្បធម៌ អរិយធម៌របស់យើងទៅកាន់ឆាកអន្តរជាតិអោយបានច្រើនៗតាមអ្វីដែលអាចធ្វើទៅបាន ។
គួរបញ្ជាក់ថា មហាជន ជាពិសេស បណ្តាអ្នកលេងបណ្តាញសង្គមជាច្រើនបានសម្តែងមោទនភាព និងកោតសរសើរយ៉ាងខ្លាំងទៅកាន់ល្អហួស ដែលបានព្យាយាមជម្នះនូវភាពត្រជាក់ខ្លាំង ប្រឹងសម្តែងនិងបង្ហាញរបាំអប្សរាខ្មែរឲ្យបរទេសបានស្គាល់ នៅលើផ្ទាំងទឹកកកនៅក្នុងខេត្តមួយនាឯប្រទេសចិន ។
ល្អ ហួស បានបង្ហាញរូបភាពជាបន្តបន្ទាប់លើបណ្តាញសង្គមស្តីពីសកម្មភាពរបស់ខ្លួនមុន និងក្រោយការសម្តែងរបាំអប្សរានៅទីកន្លែងមួយដែលមានសីតុណ្ហភាពត្រជាក់ខ្លាំងរហូតដកសូន្យក្នុងប្រទេសចិន ។
តាមរយៈសកម្មភាពនេះ ល្អ ហួស ត្រូវបានគេមើលឃើញថា នាងបានខិតខំប្រឹងប្រែងយ៉ាងខ្លាំង ជាពិសេសការអត់ធ្មត់ចំពោះអាកាសធាតុដ៏ត្រជាក់ខ្លាំង ដើម្បីសម្តែងរបាំអប្សរារហូតដល់ចប់ប្រកបដោយភាពជោគជ័យ នៅពីមុខផ្ទាំងទឹកកកដែលត្រូវបានគេឆ្លាក់ជារូបប្រាសាទបាយ័ន ។
ជាមួយនឹងការបង្ហាញរូបភាពនៃការសម្តែងរបាំអប្សរានៅលើបណ្តាញសង្គមនោះ ល្អ ហួស ក៏បានភ្ជាប់ជាមួយសំណេរថា អប្សរាសក់ខ្មៅ កំពុងបង្ហាញខ្លួននៅលើផ្ទាំងទឹកកកនៅឯប្រទេសចិន ផ្ការំដួលមួយទងនេះនិងធ្វើអោយប្រទេសកម្ពុជាកាន់តែមានក្លិនក្រអូប ទោះបីជាត្រជាក់យ៉ាងណា ក៏កូនស្រីកម្ពុជា អាចស៊ូបាន ទាំងស្នាមញញឹម 😊 « របាំអប្សរា » ឧបសគ្គមិនឈ្នះការព្យាយាម កូនស្រីកម្ពុជាអាចធ្វើបាន ៕
ចែករំលែកព័តមាននេះ