រាជធានីភ្នំពេញ ៖ អាជីវករលក់ដូរតាមចិញ្ចើមផ្លូវ លើកគ្នាទៅទីបញ្ជាការស្រាលសង្កាត់ទួលសង្កែ១ បន្ទាប់ពីមេ​ការ​លោកឧកញ៉ាសួរ សារិទ្ធ វាស់ចិញ្ចឹមផ្លូវទារ​លុយ៣ម៉ែត្រយក​២ម៉ឺនរៀលក្នុង១ថ្ងៃ ។​

អា​ជីវករលក់ដូរនៅតាមដងផ្លូវមុខអតីតរោងចក្ររ៉ូស៊ីង(ខាងជើងផ្សារសាំហាន់)ប្រមាណជាង ៣០ នាក់បានលើកគ្នាទៅទីបញ្ជាការស្រាលរបស់សង្កាត់ទួលសង្កែទី១ ខណ្ឌឬស្សីកែវបន្ទាប់ពីមេការលោកឧកញ៉ាសួរសារិទ្ធ បានវាស់ចិញ្ចឹមផ្លូវទារលុយពីអាជីវករ។

ការតវ៉ានេះបានធ្វើឡើងកាលពីវេលាម៉ោង៩និង៣០នាទីព្រឹកថ្ងៃទី១៦ខែធ្នូឆ្នាំ២០២៤ដោយអាជីវករបានធ្វើដំណើរដោយថ្មើរជើងទៅកាន់ទីបញ្ជាស្រាលរបស់សង្កាត់ទួលសង្កែ១ដែលស្ថិតនៅខាងត្បូងផ្សារសាំហាន់ក្នុងសង្កាត់ទួលសង្កែ១ ខណ្ឌឬស្សីកែវ រាជធានីភ្នំពេញ។

អាជីវករបានប្រាប់អ្នកកាសែត​ឲ្យដឹងថា ពួកគាត់ជាអ្នកលក់ដូរតូចតាច តាមដងផ្លូវបានព្រឹកខ្វះល្ងាចមិនគួរ មេការ ក្រុមហ៊ុនឧកញ៉ាសួរសា រិទ្ធ(ហៅតាថុង)ចុះទៅវាស់វែងដីចិញ្ចឹមផ្លូវដើម្បីយក​លុយពីពួកគាត់ក្នុងតម្លៃ៣ម៉ែត្រ ២ម៉ឺនរៀលនៅក្នុងមួយថ្ងៃនោះទេ ។ ម្យ៉ាងទៀតដីចិញ្ចើមផ្លូវជាដីសាធារណៈរបស់រដ្ឋមិនគួរខាងក្រុមហ៊ុនយកធ្វើអាជីវកម្មនោះទេ ។ នៅក្នុងការចុះវាស់វែងនេះដែរគេឃើញកម្លាំងសណ្ដាប់ធ្នាប់ម្នាក់បានចូលរួមផងដែរ។ទោះបីជាយ៉ាងណាគេពុំដឹងថា ការវាស់វែងដីចិញ្ចើមផ្លូវយកប្រាក់នេះមានពាក់ព័ន្ធនឹងសណ្តាប់ធ្នាប់សង្កាត់ទួលសង្កែ១ឬយ៉ាងណានោះទេ។

តាមអាជីវកររូបនោះបានឲ្យដឹងទៀតថា កាលពីវេលាល្ងាចថ្ងៃទី ១៥ ខែធ្នូឆ្នាំ២០២៤ មេការលោកឧកញ៉ា សួរ សារិទ្ធនិងប្អូនថ្ងៃបានចុះទៅវាស់វែងចិញ្ចឹមផ្លូវដើម្បីទាប្រាក់ពីអាជីវករក្នុងប្រវែង៣​ម៉ែត្រ២ ម៉ឺនរៀលក្នុងមួយថ្ងៃជាហេតុធ្វើឲ្យអាជីវករបាននាំគ្នាតវ៉ា ហើយនៅព្រឹកថ្ងៃទី១៦ នេះក៏បានជួបប្រមូលផ្ដុំនិងលើកគ្នាទៅទីបញ្ជាការស្រារបស់សង្កាត់ទួលសង្កែ១តែម្តង។ តាមសណ្ដាប់ធ្នាប់សង្កាត់ទួលសង្កែ១បានឲ្យដឹងថា ការចុះវាស់វែងចិញ្ចើមផ្លូវដើម្បីទាមទារប្រាក់ពីអាជីករនោះមិនមែនអាជ្ញាធរនោះទេគីខាងម្ចាស់ដី។

តាមអាជីវករអោយដឹងទៀតថា កន្លងមកការលក់ដូរនៅតាមដងផ្លូវត្រូវបង់ជាប្រចាំក្នុង១ថ្ងៃអស់២៩០០រៀលក្នុងនោះអានាម័យ៤០០រៀល,ផាស៊ី៥០០រៀលនិងសណ្តាប់ធ្នាប់២០០០រៀលអ្នកដែលដើរប្រមូលលុយគីកូនតាង៉ុយជាប្រធានសណ្តាប់ធ្នាប់។

លោកឡេង មៀង មេការលោកឧកញ៉ាសួរ សារិទ្ធ បានអោយដឹងថា ការចុះវាស់វែងចិញ្ចើមផ្លូវប្រុងគិតលុយនេះគឺតាមសំណូមពរអាជីវករដែលបានគិតគូរអោយគាត់ និងក្រុមការងារដែលជាអ្នកមើលខុសត្រូវ បានលុយខ្លះនិងជួយនិយាយសម្របសម្រួលលោកឧកញ៉ា។លោកក៍បានអោយដឹងទៀតថា នេះមិនមែនជាគោលការណ៍លោកឧកញ៉ាទេ។ ចំណែក​លោកឧកញ៉ាសួរ សារិទ្ធ បានអោយដឹងថា លោកមិនបានដឹងនោះទេ ។ ការលក់ដូរនៅមុខដីរបស់ខ្ញុំ យូរមកហើយបង្កអោយបាត់បង់សណ្តាប់ធ្នាប់និងបាត់បង់អនាម័យយ៉ាងធ្ងន់ធ្ងរ ។ កន្លងមកគាត់ពុំដែលយកលុយនោះទេ ។​

ព័ត៌មានបន្តនឹងមានផ្សាយនៅលើកាសែតកោះសន្តិភាព ៕​