រាជធានីភ្នំពេញ ៖ សម្តេចតេជោហ៊ុន សែន ប្រធានព្រឹទ្ធភាកម្ពុជា បានគូសបញ្ជាក់ថា ក្រុមប្រឆាំងជ្រុលនិយម នៅក្រៅប្រទេសបានកំពុងតែធ្វើចលនាញុះញង់ពីខាងក្រៅរឿង«កោះគុត» ដើម្បីឲ្យប្រជាពលដ្ឋប្រឆាំងធ្វើបាតុកម្មតវ៉ា ទៅតុលាការអន្តរជាតិ…
រាជធានីភ្នំពេញ ៖ សម្តេចតេជោហ៊ុន សែន ប្រធានព្រឹទ្ធភាកម្ពុជា បានគូសបញ្ជាក់ថា ក្រុមប្រឆាំងជ្រុលនិយម នៅក្រៅប្រទេសបានកំពុងតែធ្វើចលនាញុះញង់ពីខាងក្រៅរឿង«កោះគុត» ដើម្បីឲ្យប្រជាពលដ្ឋប្រឆាំងធ្វើបាតុកម្មតវ៉ា ទៅតុលាការអន្តរជាតិ រហូតបង្កឲ្យមានជម្លោះប្រដាប់អាវុធកើតឡើង រវាងកងទ័ពកម្ពុជា-ថៃ ដែលជារឿងមួយអាក្រក់បំផុត ។
ថ្លែងក្នុងពិធីបើកអនុសំវច្ឆរមហាសន្និបាតមន្ត្រីសង្ឃទូទាំងប្រទេស លើកទី៣២ នាព្រឹកថ្ងៃទី២១ ខែវិច្ឆិកា ឆ្នាំ២០២៤ នៅវិទ្យាស្ថានជាតិអប់រំ សម្តេចតេជោ ហ៊ុន សែន បានគូសបញ្ជាក់យ៉ាងដូច្នេះថា ៖«ក្រុមប្រឆាំងបានកំពុងធ្វើចលនាញុះញង់រឿងកោះគុត ធ្វើមានគំនិតចង់ឲ្យមានបញ្ហាផ្ទៃក្នុងរហូតមានជម្លោះប្រដាប់អាវុធកើតឡើងរវាងកម្ពុជា-ថៃ ។ រឿងនេះមិនទាន់ដល់ថ្នាក់ហ្នឹងនោះទេ ហើយមិនទាន់ដល់ការប្តឹងដល់តុលាការអន្តរជាតិដែរ» ។
សម្តេចតេជោ ហ៊ុនសែន ប្រធានព្រឹទ្ធសភាក៏បានលើកឡើងថា រឿងកោះគុតនេះ សម្តេច និងសម្តេចពិជ័យសេនា ទៀ បាញ់ ធ្លាប់បានធ្វើដំណើរទៅកោះគុតនេះរួចហើយផងដែរ ដែលកោះនេះស្ថិតនៅតំបន់ត្រួតស៊ីគ្នារវាងដៃសមុទ្រកម្ពុជា-ថៃ ។ សម្តេចតេជោ បានបន្ថែមថា នៅក្នុងប្រទេសថៃក៏មានក្រុមប្រឆាំងមួយក្រុមហើយបានលើកឡើងរឿងកោះគុត ហើយឥឡូវនៅក្នុងប្រទេសកម្ពុជា ត្រូវបានក្រុមជ្រុលនិយមនៅក្រៅប្រទេសអំពាវនាវឲ្យធ្វើបាតុកម្ម ដើម្បីទាមទារឲ្យយកកោះគុត ។
សម្តេចតេជោបញ្ជាក់ថា ៖«អីញ្ចឹងខ្ញុំរង់ចាំមើលថា តើប្រជាពលរដ្ឋយើងគិតយ៉ាងម៉េច? កោះគុត ប្រហែលជាប្រជាពលរដ្ឋមិនច្រើនទេដែលស្គាល់នោះ ។ ខ្ញុំ និងសម្តេចពិជ័យសេនាទៀ បាញ់ បានទៅកោះគុតនៅក្នុងឆ្នាំ១៩៩០ដោយជិះអូប័រ««…»តំបន់នេះ គឺជាតំបន់ត្រួតស៊ីគ្នារវាងកម្ពុជា- ថៃ ហើយតំបន់នេះ តាំងពីអតីតនាយករដ្ឋមន្ត្រីលោក ឈុត ឆៃ ឈុនណាវ៉ាន់ បានចរចាពិភាក្សាជាមួយខ្ញុំ ។ ក្រោយអតីតនាយករដ្ឋមន្ត្រីថៃនេះបានមកដល់ផ្ទះខ្ញុំនៅវិមានឯករាជ្យ ដើម្បីពិភាក្សារឿងធ្វើអាជីវកម្មប្រេងនៅតំបន់ត្រួតស៊ីគ្នានេះប៉ុន្តែកិច្ចការទាំងអស់មិនអាចធ្វើឡើងបានទេ» ។
សម្តេចតេជោបានឲ្យដឹងទៀតថា នៅឆ្នាំ២០០១កម្ពុជា-ថៃ បានធ្វើអនុស្សារណៈយោគយល់គ្នាមួយ រហូតមកដល់ពេលនេះរយៈពេល១៣ឆ្នាំហើយ មិនទាន់មានការជជែកគ្នាលម្អិតណាមួយនោះទេ ។ ដោយសារតែយើងបានបង្កើតគណៈកម្មការចំនួន២ គឺ១.គណៈកម្មការទាក់ទង និងព្រំដែន ២. អនុគណៈកម្មការទទួលបន្ទុកជជែកអំពីការធ្វើអាជីវកម្មនៅតំបន់ត្រួតស៊ីគ្នា ។ សម្តេចតេជោ បានអះអាងថា ក្រុមប្រឆាំងបានកំពុងញុះញង់ឲ្យពលរដ្ឋធ្វើបាតុកម្មប្តឹងទៅតុលាការអន្តរជាតិទីក្រុងឡាអេ ដែលជារឿងមួយថា បំបៅមិនឈឺយកឈើចាក់ ។ រឿងគេកំពុងតែជជែកគ្នា ឯកគេមករុញ តើរឿងជាអំពើអ្វី ? ហេតុផលអ្វី? រុញឲ្យប្រជាជនម្តងហើយម្តងទៀតឲ្យប្រជាជនអត់បាយអត់ទឹក តាមរយៈបង្កើតចលនាប្រឆាំង ។
ជាមួយគ្នានោះដែរ សម្តេចតេជោ បានដាក់សំណួរថា តើដល់ពេលវេលាគួរបង្កើត ឬអ្នកតាក់តែងច្បាប់បង្កើតច្បាប់ដាក់ក្រុមនេះ ជាក្រុមភេវកម្មហើយឬនៅ? នេះជាបញ្ហាដែលខ្ញុំ ក៏ដូចជា អ្នកនយោបាយដដែលទៀត ពិតថា តើដល់ពេលឬនៅ? រឿងនេះជារឿងអុចអាល់ញុះញង់ឲ្យមានការផ្ទុះអាវុធរវាងកម្ពុជានិងថៃតែម្តង ។ មិនគ្រាន់តែបញ្ហាផ្ទៃក្នុងកម្ពុជានោះទេ ក៏ប៉ុន្តែវាអាចឈានដល់ការផ្ទុះអាវុធ បើសិនបើយើងយន្តការនៃទំនាក់ទំនងកំពុងធ្វើដំណើរដោយមិនទាន់មានការសម្រេចណាមួយនៃភាគីទាំងពីរ ។ ហេតុអ្វីបានគេធ្វើយ៉ាងនេះ រុញឲ្យមានបាតុកម្មនៅទូទាំងប្រទេស អីញ្ចឹងទេ សូមបងប្អូនប្រជាពលរដ្ឋពិចារណា! ។
សម្តេចតេជោហ៊ុន សែន បានលើកឡើងទៀតថា តើដល់ពេលឬនៅក្នុងការប្តឹងទៅតុលាការអន្តរ ជាតិ ហើយបើទៅដល់តុលាការអន្តរជាតិ តើមានលក្ខណៈគ្រប់គ្រាន់ឈ្នះឬទេ? រឿងនេះមិនមែនជារឿងបញ្ហាតូចចោទទេ ។ សម្តេចតេជោ ក៏បានអំពាវនាវដល់ប្រជាពលទុកលទ្ធភាពឲ្យរដ្ឋាភិបាលធ្វើការចរចាបញ្ហានេះដោយសន្តិវិធីរវាងរដ្ឋាភិបាលកម្ពុជា-ថៃ និងអំពាវនាវដល់កងទ័ពទាំងអស់ ទាំងកងព័ទជើងគោក ជើងទឹកមិនត្រូវធ្វើការចល័តនោះទេ ទោះបីជាបានលឺព័ត៌មាននេះក៏ដោយ ៕
ចែករំលែកព័តមាននេះ