រាជធានីភ្នំពេញ ៖ រថយន្តដឹកទំនិញ(មីខ្លាឃ្មុំ) មួយគ្រឿង បើកសុខៗ ស្រាប់តែបែកកាឡេកង់ក្រោយរថយន្ត រេចង្កូតក្រឡាប់ដេកលើផ្លូវនៅរង្វង់មូលគួចកាណុង ផ្អើលអស់អ្នកធ្វើដំណើរក្បែរនោះ ។ ហេតុការណ៍នេះ…
រាជធានីភ្នំពេញ ៖ រថយន្តដឹកទំនិញ(មីខ្លាឃ្មុំ) មួយគ្រឿង បើកសុខៗ ស្រាប់តែបែកកាឡេកង់ក្រោយរថយន្ត រេចង្កូតក្រឡាប់ដេកលើផ្លូវនៅរង្វង់មូលគួចកាណុង ផ្អើលអស់អ្នកធ្វើដំណើរក្បែរនោះ ។
ហេតុការណ៍នេះ បានកើតឡើងនៅវេលាម៉ោង២រសៀលថ្ងៃទី២០ ខែវិច្ឆិកា ឆ្នាំ២០២៤ ដែលស្ថិតនៅចំណុចរង្វង់មូលគួចកាណុង ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ ។
ប្រភពព័ត៍មានបុរស ជាអ្នកបើករថយន្ត បានអោយដឹងថា គាត់បានបើករថយន្តកូរ៉េ មួយគ្រឿង ពាក់ស្លាកលេខ ភ្នំពេញ 2N-9004 ដោយធ្វើដំណើរចុះពីស្ពានជ្រោយចង្វារ ខណៈពេលបើកមកដល់ត្រង់ចំណុចរង្វង់មូលគួចកាណុង ក៏ស្រាប់តែរថយន្តបានបែកកាឡេកង់ខាងក្រោយ បណ្តាលរថយន្តគ្រប់គ្រងលែងបាន រេចង្កូតទៅបុកខឿនសួនច្បារ បណ្ដាលឲ្យក្រឡាប់រងការខូចខាតតែម្ដង សំណាងល្អ មិនបានបណ្តាលឲ្យអ្នកណាម្នាក់ រងរបួសឡើយ ។
ក្រោយកើតហេតុ សមត្ថកិច្ចជំនាញមូលដ្ឋាន បានចុះមកដល់ទីតាំងកើតហេតុខាងលើ និងបានភាគីខាងរថយន្តដឹកមី ធ្វើការស្ទួចរថយន្តយកទៅធ្វើការជួសជុលដោយខ្លួនឯង ព្រោះមិនបានប៉ះពាល់ដល់ទ្រព្យសម្បត្តិសាធារណៈរបស់រដ្ឋឡើយ ៕
ចែករំលែកព័តមាននេះ