រាជធានីភ្នំពេញ ៖ លោក ស៊ូ សាវ៉ន ប្រធានការិយាល័យសួនច្បារ និងរុក្ខជាតិនៃមន្ទីរសាធារណការ និងដឹកជញ្ជូនរាជធានីភ្នំពេញបានឱ្យដឹងថា ព្រះរាជពិធីបុណ្យអុំទូកថ្ងៃទី១ បានបញ្ចប់…
រាជធានីភ្នំពេញ ៖ លោក ស៊ូ សាវ៉ន ប្រធានការិយាល័យសួនច្បារ និងរុក្ខជាតិនៃមន្ទីរសាធារណការ និងដឹកជញ្ជូនរាជធានីភ្នំពេញបានឱ្យដឹងថា ព្រះរាជពិធីបុណ្យអុំទូកថ្ងៃទី១ បានបញ្ចប់ បានបន្សល់នូវសំរាម ដែលបងប្អូនប្រជាពលរដ្ឋយើងបានដើរលេងកម្សាន្ត និងលំហែលកាយ ហូបចុក តាមសួនច្បារនានាក្នុងរាជធានីភ្នំពេញ ដែលត្រូវបោសសំអាត និងប្រមូលកើបចេញ ។
លោកបន្តថា ក្រោយពីព្រះរាជពិធីបុណ្យអុំទូកថ្ងៃទី១បានបញ្ចប់ កម្លាំងការិយាល័យសួនច្បារ និងរុក្ខជាតិនៃម្ទីរសាធារណកាត និងដឹកជញ្ជូនរាជធានីភ្នំពេញចំនួន៣៣០នាក់ បានបោសសម្អាតសំរាមនៅសួនច្បារនានានិងតំបន់ប្រារព្ធពិធីចាប់ពីម៉ោង១២យប់ រហូតដល់ម៉ោង៧ព្រឹក ទេីបរួចរាល់។
លោក ស៊ូ សាវ៉ន ប្រធានការិយាល័យសួនច្បារ និងរុក្ខជាតិនៃមន្ទីរសាធារណការ និងដឹកជញ្ជូនរាជធានីភ្នំពេញបានបញ្ជាក់ថា ព្រះរាជពិធីបុណ្យអុំទូកឆ្នាំនេះ បងប្អូនប្រជាពលរដ្ឋយើងមានការយល់ដឹងខ្ពស់ក្នុងការទុកដាក់សំរាម។
ចំណែកលោកស្រី ដោ សម្ផស្ស នាយិការងរដ្ឋបាល និងជាអ្នកនាំពាក្យរដ្ឋបាលរាជធានីភ្នំពេញបានឱ្យដឹងថា សម្រាប់ថ្ងៃទីនៃព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក ឆ្នាំ២០២៤នេះ មានបងប្អូនប្រជាពលរដ្ឋខ្មែរ និងជនបរទេសប្រមាណ១លាន១សែននាក់បានចូលរួមទស្សនាកម្សាន្តប្រកបដោយទឹកមុខសប្បាយរីករាយក្រោមម្លប់នៃសន្តិភាព ។
លោកស្រីបានបន្តថា ចំពោះការងាររក្សាសន្តិសុខ សណ្តាប់ធ្នាប់ និងរៀបរយ ក្រោមការយកចិត្តទុកដាក់ខ្ពស់បំផុតពីឯកឧត្តម ឃួង ស្រេងអភិបាលនៃគណអភិបាលរាជធានីភ្នំពេញ រួមជាមួយថ្នាក់ជាតិ និងកងកម្លាំង និងគ្រប់ផ្នែកដែលពាក់ព័ន្ធ គឺមានសន្តិសុខ សណ្តាប់ល្អពុំមានបញ្ហាអ្វីកេីតឡេីងគួរអោយកត់សម្គាល់នោះទេ ៕
ចែករំលែកព័តមាននេះ