រាជធានីភ្នំពេញ ៖ លោកវេជ្ជបណ្ឌិត ងី មានហេង ប្រធានមន្ទីសុខាភិបាល រាជធានីភ្នំពេញបានឱ្យដឹងមុននេះបន្តិចថា សម្រាប់ថ្ងៃទី១ ចាប់ពីម៉ោង៧ព្រឹក ដល់ម៉ោង៤ល្ងាច…
រាជធានីភ្នំពេញ ៖ លោកវេជ្ជបណ្ឌិត ងី មានហេង ប្រធានមន្ទីសុខាភិបាល រាជធានីភ្នំពេញបានឱ្យដឹងមុននេះបន្តិចថា សម្រាប់ថ្ងៃទី១ ចាប់ពីម៉ោង៧ព្រឹក ដល់ម៉ោង៤ល្ងាច ថ្ងៃទី១៤ ខែវិច្ឆិកា នៃព្រះរាជពិធីបុណ្យអុំទូក បណ្តែតប្រទីប អកអំបុក និងសំពះព្រះខែ នៅរាជធានីភ្នំពេញឆ្នាំ២០២៤នេះ មានមហាជនដែលបានចូលរួម ហើយមានអាការៈឈឺក្បាល វិលមុខ ចុកពោះ គ្រុនក្តៅផ្តាសាយ ឈឺភ្នែក អស់ កម្លាំង និងរាគមួលផ្សេងៗ ដែលបានចូលពិនិត្យ និងទទួលសេវា ពិនិត្យ និងព្យាបាលមានចំនួន៨០៨នាក់ ប្រុស៥០៨នាក់ ស្រី៣០០នាក់ ។
លោកវេជ្ជបណ្ឌិត ងី មានហេង បានបញ្ជាក់ថា សម្រាប់ព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុកឆ្នាំ២០២៤នេះ ក្រុមគ្រូពេទ្យរបស់ មន្ទីរសុខាភិបាល រាជធានីភ្នំពេញ បានសហការជាមួយក្រុមគ្រូពេទ្យរបស់ក្រសួងសុខាភិបាល ត្រៀមសរុបចំនួន១៣០០នាក់ និងរថយន្តសង្គ្រោះចំនួន១២ បោះតង់ពិនិត្យសុខភាពសេវា២៤ម៉ោងចំនួន១១កន្លែងផ្សេងៗគ្នានៅតាមទីតាំងកំណត់ដូចជានៅទីតាំងបរិវេណរង្វង់មូលនាងមច្ឆាមណ្ឌល OCIC នៅទីតាំងជ្រោយ ចង្វា នៅទីតាំងសួនច្បារ ជិតស្ពានបាឡេចាស់ និងនៅទីតាំងវត្តភ្នំ និងនៅកោះនរាផងដែរ ៕
ចែករំលែកព័តមាននេះ