ខេត្តកំពង់ស្ពឺ ៖ ថៅកែប្រុស-ស្រីពីរនាក់ប្តីប្រពន្ធល្បីឈ្មោះ រកស៊ីដឹកបទល្មើសព្រៃឈើតាមរថយន្តកែច្នៃប្រើគ្រប់រូបភាពធ្វើសកម្មភាពរកស៊ីបានរលូនយូរឆ្នាំមកហើយនោះ ដែលគេស្គាល់ប្តីមានឈ្មោះមុំ អាយុជិត៤០ឆ្នាំ និងប្រពន្ធឈ្មោះស្រីចិន អាយុជាង៣០ឆ្នាំ រស់នៅម្តុំប្រឡាយច្បារមន ក្នុងភូមិបុរីកម្មករ…
ខេត្តកំពង់ស្ពឺ ៖ ថៅកែប្រុស-ស្រីពីរនាក់ប្តីប្រពន្ធល្បីឈ្មោះ រកស៊ីដឹកបទល្មើសព្រៃឈើតាមរថយន្តកែច្នៃប្រើគ្រប់រូបភាពធ្វើសកម្មភាពរកស៊ីបានរលូនយូរឆ្នាំមកហើយនោះ ដែលគេស្គាល់ប្តីមានឈ្មោះមុំ អាយុជិត៤០ឆ្នាំ និងប្រពន្ធឈ្មោះស្រីចិន អាយុជាង៣០ឆ្នាំ រស់នៅម្តុំប្រឡាយច្បារមន ក្នុងភូមិបុរីកម្មករ សង្កាត់ច្បារមន ក្រុងច្បារមន ខេត្តកំពង់ស្ពឺ បានដឹកជញ្ជូនបទល្មើសព្រៃឈើរាប់ឆ្នាំមកហើយ ហាក់បីដូចជាយីអ៊ុនឡើងខ្លាំង មិនដែលឃើញមានសមត្ថកិច្ច និងជំនាញណាចាប់បង្ក្រាបរថយន្តដឹកឈើរបស់ថៅកែមុំបានឡើយ ។
ជាក់ស្តែង ថៅកែប្រុសឈ្មោះមុំ និងថៅកែស្រីឈ្មោះ ស្រីចិន កាលពីវេលាម៉ោងជាង១២កណ្តាលអធ្រាត្រឈានចូលថ្ងៃទី២៧ តុលា ឆ្នាំ២០២៤ បានដឹកឈើតាមរថយន្តកែច្នៃ១គ្រឿងពណ៌ខ្មៅ មិនមានផ្លាកលេខនោះទេ ដោយដាក់ឈើនៅខាងក្រោយ ហើយដាក់ថង់ធ្យូងពីខាងលើ ដើម្បីបំភាន់ភ្នែកសមត្ថកិច្ច និងជំនាញ និងរួចផុតពីការចាប់បង្ក្រាបផងដែរ។
បើតាមប្រភពព័ត៌មានបានបង្ហើបឱ្យដឹងថា ថៅកែពីរនាក់ប្តីប្រពន្ធនេះ បានទៅប្រមូលឈើឡាំងរួចជ្រុងៗ(ឈើឃ្លុំ) នៅតំបន់ខាងលិចភូមិជាំ ក្នុងឃុំតាសាល ស្រុកឱរ៉ាល់ ពីឈ្មួញកណ្តាលដែលបានប្រមូលទិញពីប្រជាពលរដ្ឋចូលព្រៃកាប់ឈើ រួចលើកដាក់ក្នុងរថយន្តកែច្នៃរបស់ខ្លួនពណ៌ខ្មៅគ្មានផ្លាកលេខនោះទេ ដោយរៀបដាក់ឈើឃ្លុំខាងក្រោមដាក់ថង់ធ្យូងពីលើ ពេលយប់ជ្រៅទើបថៅកែពីរនាក់ប្តីប្រពន្ធបើករថយន្តដឹកឈើ មកតាមបណ្តោយផ្លូវលំពីផ្សារជាំ ឆ្ពោះមកទិសខាងកើត ឆ្លងកាត់តំបន់ទេទឹកពុះ ឆ្លងកាត់រង្វង់មូលផ្សារកន្តួតឆ្លងកាត់ផ្លូវជាតិលេខ៤៤ឆ្ពោះមកទីរួមខេត្តកំពង់ស្ពឺមកស្តុកក្នុងផ្ទះរបស់ខ្លួន ទើបយកឈើលក់បន្តទៅឱ្យឈ្មួញ ។
ប្រភពព័ត៌មានដដែលបានបន្តថា សកម្មភាពដឹកជញ្ជូនឈើរបស់ថៅកែពីរនាក់ប្តីប្រពន្ធនេះ ប្រើស្ទើរតែគ្រប់រូបភាពទើបបិទបាំង និងបំភាន់ភ្នែកសមត្ថកិច្ច និងជំនាញបាន។ មិនតែប៉ុណ្ណោះ មានភ័ព្វសំណាងអាចគេចផុតពីការចាប់បង្ក្រាបពីសំណាក់សមត្ថកិច្ចនិងជំនាញរាប់ឆ្នាំមកហើយ ដោយសារតែថ្វៃដៃក្នុងការបើករថយន្ត និងពូកែប្រើគ្រប់រូបភាពរបស់ថៅកែរូបនេះ ។
បើតាមលោក យឹម ណន ប្រធានមន្ទីរកសិកម្មរុក្ខាប្រមាញ់ និងនេសាទខេត្តកំពង់ស្ពឺ បានលើកឡើងថាក្នុងនាម លោកជាប្រធានមន្ទីរត្រូវតែអនុវត្ត និងទប់ស្កាត់រាល់បទល្មើស និងធ្វើការបង្ក្រាប បើទោះបីជាឈ្មួញនោះមានខ្នងបង្អែកធំប៉ុណ្ណាក៏ដោយ៕
ចែករំលែកព័តមាននេះ