រាជធានីភ្នំពេញ ៖ ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ បានអោយដឹងថា កាលពីថ្ងៃទី២២ ខែតុលា ឆ្នាំ២០២៤ កម្លាំងការិយាល័យនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ បានស្រាវជ្រាវឃាត់ខ្លួនជនសង្ស័យម្នាក់ នៅចំណុចភ្លើងស្តុបច្បារអំពៅ ផ្លូវជាតិលេខ១ សង្កាត់ច្បារអំពៅទី១ ខណ្ឌច្បារអំពៅ រាជធានីភ្នំពេញ ពាក់ព័ន្ធករណីឆក់ទូរសព្ទដៃ ។
ជនសង្ស័យឈ្មោះ លឹម គឹមសេន ភេទ ប្រុស ជនជាតិខ្មែរ (ទើវចេញពីពន្ធនាគារបាន៦ខែ) មិនរាងចាល បានបន្តធ្វើសកម្មភាពជិះម៉ូតូឆក់ទូរសព្ទដៃ នៅចំណុចមុខក្លោងទ្វារវត្តប្រជុំវង្សបឹងឈូក ភូមិតាងៅ សង្កាត់និរោធ ខណ្ឌច្បារអំពៅ ។
វត្ថុតាងចាប់យក រួមមាន៖ ម៉ូតូ ចំនួន០១គ្រឿង ម៉ាកហុងដា PCX ពណ៌ខៀវ ពាក់ផ្លាក លេខ ភ្នំពេញ 1HH-9613, ទូរសព្ទដៃម៉ាកអាយហ្វូន ១៣ Pro Max ពណ៌ខៀវ ។
បច្ចុប្បន្នជនសង្ស័យ និងវត្ថុតាងខាងលើ កំពុងឃាត់ខ្លួនបណ្តោះអាសន្ននៅ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតីវិធី ៕
ចែករំលែកព័តមាននេះ