រាជធានីភ្នំពេញ ៖ បុរសជាអ្នករត់ម៉ូតូកង់បីម្នាក់ មានអាការៈមិនស្រួលខ្លួន បានជិះកង់បី មកទិញថ្នាំ ស្របពេលបេះដូងធ្វើទុក្ខខ្លាំង ក៏ដាច់ខ្យល់ស្លា.ប់ នៅមុខឱសថស្ថានប៉ារីសហ្វាមា ។…
រាជធានីភ្នំពេញ ៖ បុរសជាអ្នករត់ម៉ូតូកង់បីម្នាក់ មានអាការៈមិនស្រួលខ្លួន បានជិះកង់បី មកទិញថ្នាំ ស្របពេលបេះដូងធ្វើទុក្ខខ្លាំង ក៏ដាច់ខ្យល់ស្លា.ប់ នៅមុខឱសថស្ថានប៉ារីសហ្វាមា ។
ហេតុការណ៍នេះ បង្កឲ្យមានការភ្ញាក់ផ្អើលកាលពីវេលាម៉ោង០៥ល្ងាច ថ្ងៃទី១៨ ខែតុលា ឆ្នាំ២០២៤ នៅមុខឱសថស្ថាន បារីសហ្វាមា ស្ថិតតាមបណ្ដោយផ្លូវ២០០២ ក្នុងភូមិត្រពាំងឈូក សង្កាត់អូរបែកក្អម ខណ្ឌសែនសុខ ។
ជនរងគ្រោះឈ្មោះ ថាំង រដ្ឋា ភេទប្រុស អាយុ៣៨ឆ្នាំ មុខរបរអ្នករត់កង់បី បច្ចុប្បន្នរស់នៅក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
បើតាមសាក្សី បានឲ្យដឹងថា នៅមុនពេលកើតហេតុ គេឃើញជនរងគ្រោះ បានជិះម៉ូតូកង់បីរបស់ខ្លួន ពាក់ផ្លាកលេខភ្នំពេញ 1LB-2319 មកទិញថ្នាំលេប នៅឱសថស្ថានខាងលើ។ ខណៈចុះពីលើកង់ ជនរងគ្រោះមិនស្រួលខ្លួនខ្លាំង ចេះតែហត់ចុកណែនទ្រូង ។ ភ្លាមៗ ត្រូវបានប្រជាពលរដ្ឋនៅក្បែរនោះ ក៏បាននាំទៅអង្គុយលើកៅអី ដើម្បីជួយសង្គ្រោះ និងទាក់ទងហៅរថយន្តសាម៉ុយរបស់មន្ទីរពេទ្យ ។ រង់ចាំអស់រយៈពេលយ៉ាងយូរ មិនឃើញរថយន្តសាម៉ុយមក ហើយជនរងគ្រោះ បេះដូងធ្វើទុក្ខខ្លាំង ក៏ដាច់ខ្យល់បាត់បង់ជីវិត នៅមុខឱសថស្ថាន តែម្តង ។
ដោយឡែក ស្ត្រីជាភរិយាជនរងគ្រោះ បានឲ្យដឹងថា នៅមុនពេលកើតហេតុ ប្ដីរបស់គាត់ បានទូរសព្ទប្រាប់ថា មិនស្រួលខ្លួន ហើយក៏ជិះម៉ូតូកង់បីទៅរកទិញថ្នាំ ប៉ុន្តែមិននឹកស្មានថា ជំងឺធ្វើទុក្ខ ដាច់ខ្យល់ស្លា.ប់បែបនេះទេ ។
ក្រោយកើតហេតុ នគរបាលជំនាញ ក៏បានចុះទៅត្រួតពិនិត្យ ហើយបានសន្និដ្ឋានថា បុរសរូបនោះស្លា.ប់ដោយសារគាំងបេះដូង។ ហើយស.ព ត្រូវបានសមត្ថកិច្ចប្រគល់ទៅឲ្យក្រុមគ្រួសារ ដើម្បីធ្វើបុណ្យតាមប្រពៃណី ៕
ចែករំលែកព័តមាននេះ