ខេត្តកណ្ដាល ៖ ដោយអនុវត្តតាមការដឹកនាំបញ្ជាពីលោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល និងលោកឧត្តមសេនីយ៍ត្រីស្នងការរងទទួលផែនជំនាញការិយាល័យនគរបាលព្រហ្មទណ្ឌ និងនគរបាលស្រុកពញាឮ នាយកដ្ឋានបច្ចេកទេសវិទ្យាសាស្ត្រ ដោយមានការសហការជាមួយ…
ខេត្តកណ្ដាល ៖ ដោយអនុវត្តតាមការដឹកនាំបញ្ជាពីលោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល និងលោកឧត្តមសេនីយ៍ត្រីស្នងការរងទទួលផែនជំនាញការិយាល័យនគរបាលព្រហ្មទណ្ឌ និងនគរបាលស្រុកពញាឮ នាយកដ្ឋានបច្ចេកទេសវិទ្យាសាស្ត្រ ដោយមានការសហការជាមួយ អង្គភាពការពារកុមារ ហៅកាត់ថា (CPU) ក្រោមការសម្របសម្រួលពីស្ថាប័នអយ្យការអមសាលាដំបូងខេត្តកណ្តាល នៅថ្ងៃទី១៦ ខែតុលា ឆ្នាំ២០២៤ សមត្តកិច្ចបានបំបែកសំណុំរឿង.ឃាតកម្ម រំលោភ រួចសម្លាប់ក្មេងស្រីអាយុ៨ ឆ្នាំ ជាជនសតិមិនគ្រប់គ្រាន់ ដោយបានធ្វើការឃាត់ខ្លួនជនសង្ស័យជាឃាតករម្នាក់ នាំមកឲ្យទទួលទោសទៅតាមផ្លូវច្បាប់ ដែលជននោះបានប្រព្រឹត្ត ។
ជនសង្ស័យឈ្មោះ រ៉ែម វុត្ថា ភេទប្រុស អាយុ៣១ ឆ្នាំ មុខរបរកម្មកររោងចក្រ មានទីលំនៅភូមិអូរស្លាត ឃុំភ្នំបាត ស្រុកពញាឮ ខេត្តកណ្តាល ។ រីឯជនរងគ្រោះភេទស្រី អាយុ៨ឆ្នាំ ជាជនមានសតិមិនគ្រប់គ្រាប់ ។
ទាក់ទិនសំណុំរឿងឃាតកម្មរំលោភសម្លាប់ក្មេងស្រីអាយុ៨ឆ្នាំខាងលើនេះ ស្ត្រីឈ្មោះ អៀម ស្រីខួច អាយុ៤២ឆ្នាំ ដែលត្រូវជាម្តាយរបស់ជនរងគ្រោះបានរៀបរាប់ឲ្យដឹងថា កាលពីរសៀលថ្ងៃទី១៣ តុលា ឆ្នាំ២០២៤ កូនស្រីគាត់ដែលមានសតិមិនគ្រប់បានបាត់ចេញពីផ្ទះដោយពុំដឹងទៅលេងនៅទីណា ។ បន្ទាប់ពីបាត់ខ្លួនកូនស្រីគាត់និងប្តី រួមជាមួយបងប្អូនសាច់ញាតិ បាននាំគ្នាដើរស្វែងរកពេញមួយថ្ងៃ ប៉ុន្តែរកមិនឃើញ និងបាត់ដំណឹងឈឹង រហូតដល់ម៉ោង២យប់រំលងអធ្រាត្រ ទើបនាំគ្នាត្រឡប់មកផ្ទះវិញ ។
ស្ត្រីជាម្តាយជនរងគ្រោះបានបន្តថា លុះដល់ព្រឹកថ្ងៃទី១៤ ខែតុ លា ឆ្នាំ២០២៤ គាត់ក៏បានទៅដាក់ពាក្យបណ្តឹង នៅប៉ុស្តិ៍រដ្ឋបាលនគរបាលភ្នំបាត ស្រុកពញាឮ ខេត្តកណ្តាល ស្តីករណីបាត់កូនស្រីដោយបានសំណូមពរឱ្យសមត្ថកិច្ចជួយអន្តរាគមន៍ និងធ្វើការស្វែងរកកូនស្រីគាត់ផងដែរ ។ លុះនៅវេលាម៉ោង១០កន្លះព្រឹកថ្ងៃដដែល គាត់ជាម្តាយឪពុកនិងក្រុមគ្រួសារជនរងគ្រោះ បានដើរស្វែងរកម្តងទៀត ក៏ប្រទះឃើញសាកសពកូនស្រីស្លាប់អណ្តែតក្នុងទឹកត្រឹមក្បាល នៅតំបន់ព្រៃទំនាបលិចទឹក ចំណុចភូមិអូរស្លាត ឃុំភ្នំបាត ស្រុកពញាឮ ខេត្តកណ្តាល ។
ឃើញដូច្នោះ ឪពុកក៏ស្ទុះទៅលើកបីត្រកងកូនស្រី ដែលក្លាយជាសាកសពហើយនោះយកទៅផ្ទះ ដោយក្តីសោកសង្រេគបំផុត បើទោះបីកូនស្រីគាត់ជាក្មេងមានសតិមិនគ្រប់គ្រាន់យ៉ាងណាក៏ដោយ នេះជាទឹកចិត្តឪពុកធំធេងណាស់ ហើយក៏បាននាំយកព័ត៌មាននេះ ទៅរាយការជូននគរបាលប៉ុស្តិ៍ ដើម្បីឲ្យសមត្តកិច្ចមានវិធានការបន្ត ។
ក្រោយពីទទួលបានព័ត៌មានប្រទះឃើញករណីក្មេងស្រីនោះស្លាប់ លោកវរសេនីយ៍ឯក ដួង តេង អធិការនគរបាលស្រុកពញាឮ ក៏បានរាយការជូនទៅលោកឧត្តមសេនីយទោស្នងការនគរបាលខេត្ត ទើបមានកម្លាំងផ្នែកជំនាញ ចុះទៅពិនិត្យកន្លែងកើតហេតុ និងធ្វើកោសលវិច្ច័យលើសាកសព ដោយមានកិច្ចសហការជាមួយការិយាល័យនគរបាលបច្ចេកទេស និងវិទ្យាសាស្ត្រ និងអង្គភាពការពារកុមារ (CPU) និងនាយកដ្ឋាននគរបាលបច្ចេកទេសនិងវិទ្យាសាស្ត្រ ក្រសួងមហាផ្ទៃ ។
តាមការពិនិត្យ និងធ្វើកោសលវិច្ច័យលើសាកសពពីសំណាក់មន្ត្រីជំនាញ អង្គភាពការពារកុមារ (CPU) និងគ្រូពេទ្យ សមត្តកិច្ចបានធ្វើការសន្និដ្ឋានយ៉ាងយកចិត្តទុកដាក់ថា ជនរងគ្រោះស្លាប់ដោយប៉ះទង្គិចផ្នែកក្បាលធ្ងន់ធ្ងរ និងឈ្លក់ទឹក ក្នុងអំពើ.រំលោភសេពស ន្ថវៈ រួចសម្លាប់ ។ ការសន្និដ្ឋានដោយបានរកឃើញពាក់ព័ន្ធបទល្មើសឧក្រិដ្ឋរំលោភសម្លាប់បែបនោះ នៅថ្ងៃទី១៥ ខែ
តុលា ឆ្នាំ ២០២៤ កម្លាំងសមត្ថកិច្ចផ្នែកជំនាញ បានសហការជាមួយការិយាល័យនគរបាលព្រហ្មទណ្ឌកម្រិតស្រាល និងការិយាល័យនគ របាលព្រហ្មទណ្ឌកម្រិតធ្ងន់នៃស្នងការរដ្ឋាននគរបាលខេត្តកណ្តាល បើកការស៊ើបអង្កេត និងស្រាវជ្រាវជាបន្ទាន់ រហូតឈានដល់កំណត់មុខសញ្ញា និងឃាត់ខ្លួនជនសង្ស័យ នាំទៅកាន់អធិការដ្ឋាននគរបាលស្រុកពញាឮ ដើម្បីធ្វើការសាកសួរពាក់ពន្ធករណីឃា តកម្ម អំពើរំលោភសម្លាប់ក្មេងស្រីនោះ ។
ដោយនៅចំពោះមុខសមត្ថកិច្ច ជនសង្ស័យជាឃាតករឈ្មោះ រ៉ែម វុត្ថា បានសារភាពថា នៅព្រឹកថ្ងៃកើតហេតុទី១៣ ខែតុលា ឆ្នាំ២០២៤ ខ្លួនបានទិញស្រាបៀរចំនួន៦កំប៉ុង យកមកអង្គុយផឹកនៅផ្ទះម្នាក់ឯង រហូតដល់ម៉ោង១២ថ្ងៃត្រង់ក៏បានដើរទៅកាត់សក់ ដើម្បីចូលរួមកម្មវិធីរៀបសែនព្រេន«រៀបអាពារហ៍ពិពាហ៍»ក្មួយនៅភូមិជាមួយគ្នានេះ ខណៈពេលចូលរួមកម្មវិធីនោះរូបគេបានផឹកស្រវឹងខ្លាំង រួចក៏ដើរទៅដេកនៅផ្ទះ ។
លុះដល់វេលារសៀលថ្ងៃដដែល ខ្លួនបានភ្ញាក់ពីដំណេក មិនបានពាក់អាវទេ ស្លៀកខោពណ៌ខ្មៅជើងវែង និងយកទូរស័ព្ទ១គ្រឿងម៉ាក TECNO ដាក់ក្នុងហោប៉ៅ ក៏ក្រឡេកឃើញក្មេងស្រី(ជនរងគ្រោះ)កំពុងរត់លេងជាមួយក្មេងៗដទៃទៀតនៅជិតកម្មវិធីនោះដែរ ខ្លួនបានហៅក្មេងស្រីនោះបបួលដើរទៅវាលស្រែខាងក្រោយផ្ទះ ពេលទៅដល់ចំណុចមាត់ទឹកស្រះក្រោមដើមក្រសាំង ដែលមានចម្ងាយប្រហែល៥០ម៉ែត្រ ក៏ចាប់ផ្តើមធ្វើសកម្មភាពទាញដៃក្មេងស្រីផ្តួលទៅដី ហើយក្មេងស្រីនោះក៏បានរើបម្រះដែរ តែខ្លួនបានសង្កត់ពីលើជាប់ និងយកដៃខ្ទប់មាត់មិនឲ្យស្រែក ។ ជនសង្ស័យបន្តថា បន្ទាប់មករូបគេក៏សកម្មភាពតែម្តង ។
ក្រោយពេលរំលោភបានសម្រេចហើយ ខ្លួនក៏សង្កត់.កជនរងគ្រោះបន្ថែមរហូតសន្លប់បាត់មាត់
ឈឹង ទើបខ្លួនលើកលីជនរងគ្រោះយកទៅបោះចោលក្នុងទឹកក្បែរគុម្ពោធព្រៃ រួចក៏ដើរត្រឡប់ទៅផ្ទះវិញ ។ ចម្លើយជនសង្ស័យជា ចុងក្រោយបានប្រាប់សមត្ថកិច្ចថា មូលហេតុដែលខ្លួនបានធ្វើស កម្មភាពរំលោភសេពសន្ថវៈ គឺដោយសារស្រវឹងស្រា ហើយផ្តើមចេញពីកម្តៅតណ្ហាពុះកញ្ជ្រោលចង់រួមភេទ ទើបធ្វើបែបនេះ ។
ក្រោយរួមភេទរួចហើយ ខ្លាចក្មេងស្រីយករឿងទៅប្រាប់ឪពុកម្តាយរបស់គេ ទើបខ្លួនសម្រេចចិត្តសម្លាប់ក្មេងស្រីនោះតែម្តងទៅ ។ ដោយយោងទៅលើចម្លើយសារភាពជាក់ស្តែងរបស់ជនសង្ស័យ ពាក់ព័ន្ធបទល្មើសឃាតកម្ម «រំលោភ សម្លាប់»ជាបទឧក្រិដ្ឋ និងតាមពាក្យបណ្តឹងរបស់អាណាព្យាបាលជនរងគ្រោះ សមត្តកិច្ចកសាងសំណុំរឿងបញ្ជូនទៅសាលាដំបូងខេត្តកណ្តាល ដើម្បីចាត់ការតាមនីតិវិធីច្បាប់ ៕
ចែករំលែកព័តមាននេះ