អាជ្ញាធរចុះរុះរើសំណង់ដែលលយចូលសមុទ្រ
- កែប
ខេត្តកែប ៖ អាជ្ញាធរស្រុកដំណាក់ចង្អើរ ខេត្តកែប ដឹកនាំដោយលោកឆាង ឆៃ អភិបាលស្រុកដំណាក់ចង្អើរ កាលពីព្រឹកថ្ងៃទី២៥ កញ្ញា នេះ…
ខេត្តកែប ៖ អាជ្ញាធរស្រុកដំណាក់ចង្អើរ ខេត្តកែប ដឹកនាំដោយលោកឆាង ឆៃ អភិបាលស្រុកដំណាក់ចង្អើរ កាលពីព្រឹកថ្ងៃទី២៥ កញ្ញា នេះ បានចុះមករុះរើសំណង់រៀបលយចូលសមុទ្រ ស្ថិតក្នុងភូមិអង្កោល ឃុំអង្កោល ស្រុកដំណាក់ចង្អើរ ។
លោកឆាង ឆៃ អភិបាលស្រុកបាននិយាយប្រាប់អោយដឹងថា ការនាំកំលាំងចុះមកថ្ងៃនេះ ធ្វើតាមការបញ្ជារបស់ឯកឧត្តមអភិបាលខេត្តកែប ឱ្យកំលាំងប្រជាការពារសហការជាមួយអាជ្ញាធរចុះក្នុងសមុទ្រ ដើម្បីយកលូដាក់ទឹកសមុទ្រមកឡើងគោកវិញ ។
លោកឆាង ឆៃ និយាយថា ប្រជាពលរដ្ឋដែលធ្លាប់បានអាស្រ័យផល មិនត្រូវរុះរើទេ តែសុំរក្សាកុំចាក់ពង្រីកចូលទៅក្នុងសមុទ្របន្ថែមបានហើយ ។ លោកឆាង ឆៃ និយាយជាសាធារណៈថា រាល់ការជូនដំណឹងដល់ពលរដ្ឋជាច្រើនដង ហើយកុំអោយគាត់ចាក់ដីចូលសមុទ្រ ប៉ុន្តែពួកគាត់នៅតែបន្តចាក់ដីធ្វើអោយខូចសោភ័ណភាពនៅផ្លូវប្របមាត់សមុទ្រ ។
លោកអភិបាលស្រុកនិយាយថា ក្រោយពីបានរុះរើកន្លែងនេះយើង និងដាក់កំលាំងរុះកន្លែងផ្សេងទៀត ។ ប្រជាពលរដ្ឋដែលមានលំនៅដ្ឋានជិតកន្លែងរុះរើនោះ បានលើកឡើងថា បើអាជ្ញាធរចុះរុះសំណង់អនាធិបតេយ្យអីចឹង ត្រូវតែរុះទាំងអស់គ្នា ទើបប្រដើកុំរុះដោយនិយមបក្សនិងពួក ។
ចែករំលែកព័តមាននេះ