ខេត្តស្វាយរៀង ៖ រថយន្តធុនធំខ្នាតយក្សប្រភេទវ៉េអងចំនួន០១គ្រឿង មានដឹកទំនិញធ្ងន់ខ្ពស់កប់ពពក ដែលបម្រុងឆ្លងដែនទៅប្រទេសវៀតណាម (សង្ស័យជាទំនិញគេចពន្ធ) ខណៈមកដល់កណ្តាលផ្លូវក្រឡាប់ផ្ងារជើងក្អួតចេញដុំក្រណាត់ និងគ្រឿងអេឡិចត្រូនិច (មានព្រីនធើរ័ កុំព្យូទរ័)ត្រូវម្ចាស់ទំនិញរើសាងទៅរថយន្តផ្សេងទៀត…
ខេត្តស្វាយរៀង ៖ រថយន្តធុនធំខ្នាតយក្សប្រភេទវ៉េអងចំនួន០១គ្រឿង មានដឹកទំនិញធ្ងន់ខ្ពស់កប់ពពក ដែលបម្រុងឆ្លងដែនទៅប្រទេសវៀតណាម (សង្ស័យជាទំនិញគេចពន្ធ) ខណៈមកដល់កណ្តាលផ្លូវក្រឡាប់ផ្ងារជើងក្អួតចេញដុំក្រណាត់ និងគ្រឿងអេឡិចត្រូនិច (មានព្រីនធើរ័ កុំព្យូទរ័)ត្រូវម្ចាស់ទំនិញរើសាងទៅរថយន្តផ្សេងទៀត ។
ករណីនេះ កើតឡើងនៅវេលាម៉ោង៧ និង២៥នាទីព្រឹកនាទីព្រឹកថ្ងៃទី១៣ កញ្ញា ២០២៤ នៅលើកំណាត់ផ្លូវលំ ក្នុងភូមិព្រៃរបឹស ឃុំត្នោត ស្រុកកំពង់រោទ៍ ។ ហើយនៅវេលាម៉ោង៨ និង៣០នាទីយប់ ម្ចាស់ទំនិញបានហៅកម្មករមករើទំនិញផ្ទេរដាក់រថយន្តយីឌុប០១គ្រឿងទៀត ដើម្បីដឹកឆ្លងដែនទៅប្រទេសវៀតណាម ដោយគ្មានរំខានដល់សមត្ថកិច្ចជំនាញទេ។
បើតាមសមត្ថកិច្ចនៅមូលដ្ឋានបានឲ្យដឹងថា រថយន្តក្រឡាប់នេះប្រភេទវ៉េអង ពាក់ស្លាកលេខកំពង់ស្ពឺ 3A-0499 ដឹកទំនិញខ្ពស់កំពពក លុះដល់ចំណុចកើតហេតុខាងលើ ក៏ក្រឡាប់ផ្ងាជើងតែម្តងសំណាងល្អមិនបង្កឲ្យគ្រោះថ្នាក់ដល់អ្នកធ្វើដំណើរតាមដងផ្លូវទេ។ ប្រភពបន្តថា ប៉ុន្មានខែចុងក្រោយនេះ គេឃើញរថយន្តយីឌុបធុនធំៗ ប្រភេទវ៉េអង ដឹកទំនិញលើសទម្ងន់ ផ្ទុកទំនិញចាប់ពី៤០ទៅ៥០តោនធ្វើចរាចរណ៍លើផ្លូវកៅស៊ូ ឆ្លងកាត់ឃុំចំនួន០៤ គឺចេញពីផ្លូវជាតិលេខ១ ចំណុចភូមិដើមពោធិឃុំស្វាយតាយាន ស្រុកកំពង់រោទ៌ ឆ្លងកាត់ឃុំខ្សែត្រ ឃុំសំឡី ឆ្ពោះទៅ ភូមិធ្លកថ្មីឃុំត្នោត ស្រុកកំពង់រោទ៍ បង្កឲ្យបាក់ស្រុតផ្លូវក្រាលកៅស៊ូជាច្រើនកន្លែង ហើយបន្តទៅតាមផ្លូវលំ ជនបទ ឆ្លងកាត់ភូមិព្រៃរបឺស និងភូមិធ្លកថ្មី បង្កឲ្យបាក់ស្រុតក្លាយជារណ្តៅសំបុកមាន់ ពិបាកធ្វើដំណើរយ៉ាងខ្លាំងដោយសារតែរថយន្តធុនយក្សទាំងនេះបំផ្លាញ។
ប្រភពបន្តទៀតថា រថយន្តដឹកទំនិញទាំងន ធ្វើចរាចរណ៍រាល់ថ្ងៃក្នុង១ថ្ងៃៗចាប់ពី៣គ្រឿងទៅ០៥គ្រឿងថ្ងៃខ្លះ១០គ្រឿងឯណោះ។ ហើយរថយន្តដឹកទំនិញទៅផ្ទេរ នៅលើផ្លូវលំជិតព្រំដែនត្រង់ចំណុចប៉ុស្តិ៍ច្រករបៀងធ្លកថ្មី ស្ថិតនៅភូមិធ្លកថ្មី ឃុំត្នោត ស្រុកកំពង់រោទ៌។
ហើយរថយន្តវៀតណាមបានឆ្លងដែនពីប្រទេសវៀតណាមចូលមកក្នុងដីខ្មែរ ដើម្បីផ្ទេរទំនិញនៅក្នុងដីខ្មែរពេលថ្ងៃ រហូតដល់វេលាម៉ោង៦និង៥០នាទីយប់ទើបដឹកចូលទៅប្រទេសវៀតណាម ។
ព័ត៌មានបន្ថែមនឹងមានផ្សាយជូនលើកាសែតកោះសន្តិភាព ។
ចែករំលែកព័តមាននេះ