ព្យុះយ៉ាជី ដែលបានក្លាយជាវិសម្ពាធ ក្រោយបោកបក់ផ្នែកខ្លះនៃប្រទេសចិន និងភាគខាងជើងវៀតណាម បានកំពុងបង្កគ្រោះមហាន្តរាយអាក្រក់បំផុតនៅតាមបណ្តាប្រទេស នៅក្នុងតំបន់ទន្លេមេគង្គ ជាពិសេសគឺវៀតណាម ។ តាមសេចក្តីរាយការណ៍របស់សារព័ត៌មាននានានៅក្នុងប្រទេសវៀតណាម បានឲ្យដឹងថា…
ព្យុះយ៉ាជី ដែលបានក្លាយជាវិសម្ពាធ ក្រោយបោកបក់ផ្នែកខ្លះនៃប្រទេសចិន និងភាគខាងជើងវៀតណាម បានកំពុងបង្កគ្រោះមហាន្តរាយអាក្រក់បំផុតនៅតាមបណ្តាប្រទេស នៅក្នុងតំបន់ទន្លេមេគង្គ ជាពិសេសគឺវៀតណាម ។
តាមសេចក្តីរាយការណ៍របស់សារព័ត៌មាននានានៅក្នុងប្រទេសវៀតណាម បានឲ្យដឹងថា ឥទ្ធិពលនៃព្យុះទីហ្វុងមួយនេះ បានស.ម្លា.ប់មនុស្សដល់ទៅ ១៥២នាក់ ហើយ១៤០នាក់បាត់ខ្លួន ខណៈទីក្រុងហាណូយ ប្រឈមនឹងហានិភ័យទឹកជំនន់ ដ៏រន្ថើនបំផុត ។
រដ្ឋាភិបាលក្រុងហាណូយ បានព្រ.មា.នថា ទឹកជំនន់កំពុងធ្វើឱ្យទន្លេក្រហមកើនឡើងយ៉ាងឆាប់រហ័ស និងបង្កជាទឹកជំនន់ជន់លិចរដ្ឋធានីហាណូយតែម្តង។
ដោយសារតែកម្រិតទឹកទន្លេក្រហមឡើងខ្លាំងពេក នៅពេលនេះអាជ្ញាធរ បានចេញបម្រាមហាមឃាត់ប្រជាពលរដ្ឋមិនអោយធ្វើដំណើរឆ្លងស្ពានចំនួន៦នៅទូទាំងក្រុងហាណូយ ក្រោយពេលដែល ស្ពានមួយកន្លែង បានបា.ក់ ហើយទាញទ.ម្លា.ក់យានយន្តជាច្រើន បង្កឲ្យមនុស្សយ៉ាងហោចណាស់ ១៣ នាក់ បាត់ខ្លួន។
នៅពេលនេះ ក្រៅពីក្តីបារម្ភអំពីការលេចរដ្ឋធានីហាណូយ អាជ្ញាធរជំនាញក៏កំពុងតែព្រួយបារម្ភអំពីការបា.ក់ទំនប់វារីអគ្គិសនីមួយកន្លែង គឺវារីអគ្គិសនី ថាច់ បា (Thác Bà) ដែលជាទំនប់វារីអគ្គិសនីដ៏ធំមួយ នៅក្នុងចំណោមវារីអគ្គិសនីធំបង្អស់៣កន្លែង នៅភាគខាងជើងវៀតណាម ។ ទំនប់វារីអគ្គិសនីនេះ កសាងឡើងតាំងពីឆ្នាំ១៩៧១ ដែលមកដល់ពេលនេះ អាជ្ញាធរបានជម្លៀសមនុស្សប្រមាណជា ១១.២៧៩ នាក់ ចេញតំបន់ដែលងាយរងគ្រោះ ។
នៅប្រទេសថៃឯណោះ ក៏មានសេចក្តីរាយការណ៍អំពីគ្រោះទឹកជំនន់ និងបំណាក់ដីដ៏អាក្រក់ដែលបានកើតឡើងនៅភាគខាងជើងនៃប្រទេស ដោយស.ម្លា.ប់មនុស្សសរុបប្រមាណជា ៤ នាក់ និង ៤ នាក់របួស ហើយ ៥ នាក់បាត់ខ្លួន ។
ខេត្តដែលកំពុងតែរងគ្រោះថ្នាក់ខ្លាំងបំផុត នៅក្នុងប្រទេសថៃ នៅពេលនេះ គឺ ឈៀងរ៉ៃ ហើយក៏មានសេចក្តីរាយការណ៍ថា មនុស្សចំនួន ៣៨ នាក់ ត្រូវបានរាំងខ្ទប់ដោយសារទឹកជំនន់នៅវត្តមួយ នៅស្រុកមេសៃ ដោយពួកគេ គឺជាព្រះសង្ឃ និង ពុទ្ធិបរិស័ទ ចំណុះជើងវត្ត ។
ក្រៅពីប្រទេសវៀតណាម និងថៃ នៅឡាវ ក៏កំពុងតែទទួលរងនូវគ្រោះទឹកជំនន់ផងដែរ គ្រាន់តែនៅមិនទាន់មានរបាយការណ៍ ស្របពេលដែលក្រសួងធនធានទឹក និងឧតុនិយមកម្ពុជា ក៏បានប្រកាសព័ត៌មានសុំអោយលើកកំពស់ការប្រុងប្រយ័ត្នចំពោះឥទ្ធិពលនៃព្យុះយ៉ាជីនេះផងដែរ ។
គណៈកម្មាធិការទន្លេមេគង្គ ដែលមានមូលដ្ឋាននៅទីក្រុងវៀងច័ន្ទ បានព្រ.មា.នថា ឥទ្ធិពលវិសម្ពាធនៃព្យុះយ៉ាជីនេះ នឹងបន្តឲ្យមានភ្លៀងធ្លាក់ធ្លាក់នៅផ្នែកខាងលើ នៃអាងទន្លេមេគង្គក្រោម រហូតដល់ថ្ងៃទី ១៣ ខែ កញ្ញា ។
ដោយ ៖ ហេង ចេស្តារ/ ស ផាន់
ចែករំលែកព័តមាននេះ