ខេត្តកំពង់ស្ពឺ ៖ ផ្ទះប្រជាពលរដ្ឋមួយខ្នងត្រូវបានអគ្គីភ័យលេបត្របាក់អស់ស្ទើរតែទាំងស្រុង ដោយសារតែឆ្លងចរន្តភ្លើង ។ ហេតុការណ៍ខាងលើនេះបង្កឱ្យមានការភ្ញាក់ផ្អើលកាលពីវេលាម៉ោង០៣រសៀលថ្ងៃទី១០ ខែកញ្ញា ឆ្នាំ២០២៤ ស្ថិតនៅចំណុចភូមិរបងច្រុះ ឃុំសំរោងទង…
ខេត្តកំពង់ស្ពឺ ៖ ផ្ទះប្រជាពលរដ្ឋមួយខ្នងត្រូវបានអគ្គីភ័យលេបត្របាក់អស់ស្ទើរតែទាំងស្រុង ដោយសារតែឆ្លងចរន្តភ្លើង ។
ហេតុការណ៍ខាងលើនេះបង្កឱ្យមានការភ្ញាក់ផ្អើលកាលពីវេលាម៉ោង០៣រសៀលថ្ងៃទី១០ ខែកញ្ញា ឆ្នាំ២០២៤ ស្ថិតនៅចំណុចភូមិរបងច្រុះ ឃុំសំរោងទង ស្រុកសំរោងទង ខេត្តកំពង់ស្ពឺ ។
លោកឃុត សុផល អធិការនគរបាលស្រុកសំរោងទងបានឱ្យដឹងថា ម្ចាស់ផ្ទះរងគ្រោះឈ្មោះ ប៉ាង ប៉ូ ភេទប្រុស អាយុ ៣៥ឆ្នាំ ប្រពន្ធឈ្មោះ ហ៊ុន សុភា អាយុ ៣៦ឆ្នាំ រស់នៅភូមិ-ឃុំ កើតហេតុខាងលើ ។
តាមការឲ្យដឹងពីលោកវរសេនីយ៍ឯក ឃុត សុផល អធិការនគរបាលស្រុកសំរោងទង បញ្ជាក់ថាអគ្គិភ័យចាប់ផ្ដើមដំបូងចេញពីផ្នែកចង្ក្រានបាយខាងក្រោយផ្ទះរួចហើយបានរាលដាលមកដល់ខាងមុខ បណ្ដាលឱ្យរងខូចខាតសម្ភារៈមួយចំនួន៖មានដូចជាឆេះផ្ទះចំនួន ០១ខ្នង ទំហំ ៦ម៉ែត្រ គុណនិង៨ម៉ែត្រ ធ្វើពីឈើលើថ្មក្រោម ដំបូលប្រក់ក្បឿង ជញ្ជាំងក្តារ និង
-ឆេះគ្រែ ចំនួន ០៤
-ឆេះពូក ចំនួន ០៤
-ឆេះទូរដាក់ខោអាវ ចំនួន ០២
-ឆេះកង្ហារ ចំនួន ០២ គ្រឿង
-ឆេះសាឡុងឈើ ចំនួន ០១ឈុត
-ឆេះមាស ចំនួន ០១ តម្លឹង
-ឆេះលុយខ្មែរ ៨០០,០០០រៀល (ប្រាំបីសែនរៀល)
-ឆេះប្លង់ដី ចំនួន ០៧ សន្លឹក
-ឆេះសំបុត្រកំណើត ចំនួន ០៣សន្លឹក
-ឆេះសៀវភៅស្នាក់នៅ ចំនួន ០១ ក្បាល
-សម្ភារៈប្រើប្រាស់មួយចំនួនទៀត។
លោក អធិការនគរបាលស្រុកសំរោងទងបានបន្តទៀតថា នៅក្នុងពេលអគ្គិភ័យកំពុងតែឆាបឆេះរថយន្ដពន្លត់អគ្គីភ័យ របស់អធិការដ្ឋាននគរបាលស្រុក រថយន្តពន្លត់អគ្គិភ័យរបស់ស្នងការដ្ឋាននគរបាលខេត្តកំពង់ស្ពឺ រថយន្តពន្លត់អគ្គិភ័យ វិទ្យាស្ថានបច្ចេកទេសតេជោ ហ៊ុន សែន ចំនួន០១គ្រឿង ដោយបានប្រើប្រាស់ទឹកចំនួន០៣រថយន្ដ ប៉ុន្ដែស្ថានភាពមិនអំណោយផលគឺបណ្ដាលឲ្យអគ្គិភ័យឆាបឆេះផ្ទះពលរដ្ឋស្ទេីរតែទាំងស្រុងទៅហើយ ប៉ុន្តែករណីនេះមិនបណ្ដាលឲ្យរងរបួសគ្រោះថ្នាក់ដល់អាយុជីវិតមនុស្សនិងសត្វនោះទេ។
បើតាមការសន្និដ្ឋានបឋមរបស់សមត្ថកិច្ចជំនាញករណីឆេះផ្ទះប្រជាពលរដ្ឋអស់ស្ទើរតែទាំងស្រុងនេះ មូលហេតុបណ្ដាលមកពី ឆ្លងចរន្តអគ្គីសនីក្លាយជាអណ្តាតភ្លើងឆាបឆេះ៕
ចែករំលែកព័តមាននេះ