- ភ្នំពេញ
រន្ទះបា.ញ់បានសម្លា.ប់មនុស្សចំនួន៤៥នាក់ ហើយខ្យល់កន្ត្រាក់សម្លា.ប់មនុស្ស៣នាក់ នៅក្នុងរយ:ពេល ៦ខែ ដើមឆ្នាំ២០២៤នេះ ។ ចំណែកឆ្នាំ២០២៣ មនុស្សដល់ជាង១០០នាក់ បានសម្លា.ប់ដោយគ្រោះធម្មជាតិ នៅឆ្នាំ២០២៣…
រន្ទះបា.ញ់បានសម្លា.ប់មនុស្សចំនួន៤៥នាក់ ហើយខ្យល់កន្ត្រាក់សម្លា.ប់មនុស្ស៣នាក់ នៅក្នុងរយ:ពេល ៦ខែ ដើមឆ្នាំ២០២៤នេះ ។ ចំណែកឆ្នាំ២០២៣ មនុស្សដល់ជាង១០០នាក់ បានសម្លា.ប់ដោយគ្រោះធម្មជាតិ នៅឆ្នាំ២០២៣ ។ ដូច្នេះគ្រោះធម្មជាតិ នៅតែជាបញ្ហាត្រូវប្រយ័ត្នអោយបានគ្រប់គ្នា ។
ប្រទេសកម្ពុជាជាប្រទេស ដែលមានទីតាំងធម្មជាតិអំណោយផលជាងគេ ដោយអាចគេចផុតពីគ្រោះថ្នាក់ ដោយធម្មជាតិធ្ងន់ធ្ងរនានាដូចជា រញ្ជួយដី បន្ទុះភ្នំភ្លើង និងព្យុះសង្ឃរាធំៗ រួមទាំងស៊ូណាមី ប៉ុន្តែទោះបីជា យ៉ាងណាក៏ដោយ បម្រែបម្រួលអាកាសធាតុបានកំពុងតែធ្វើឲ្យអ្វីៗប្រែប្រួល ហើយនៅពេលនេះ នៅក្នុងមួយឆ្នាំៗ គ្រោះធម្មជាតិសម្លា.ប់មនុស្សប្រហែលជាចូលដល់ខ្ទង់រយនាក់ហើយ ។
តាមរបាយការណ៍របស់គណៈកម្មាធិការជាតិគ្រប់គ្រងគ្រោះមហន្តរាយបានឲ្យដឹងថា នៅឆមាសទី១ នៃឆ្នាំ២០២៤ ដែលនៅក្នុងនោះធ្ងន់ធ្ងរ គឺក្នុងរង្វង់ខែមេសា ដល់ខែមិថុនា នោះគ្រោះធម្មជាតិទាំងនោះបានសម្លា.ប់ប្រជាពលរដ្ឋសរុប៤៨នាក់ ដោយនៅក្នុងនោះគ្រោះរន្ទះបា.ញ់បានកើតឡើង៨២លើកនៅទូទាំងប្រទេសដោយបានសម្លា.ប់៤៥នាក់, របួស៣៦នាក់, ងា.ប់គោក្របី២៦ក្បាល និងខូចខាតផ្ទះពលរដ្ឋចំនួន ២២ខ្នង ។
ចំណែកខ្យល់កន្ត្រាក់វិញកើតឡើង១៨២លើក ដោយបានសម្លា.ប់មនុស្ស៣នាក់, របួស២៣នាក់,ខូចខាតអគាររដ្ឋបាល១៣កន្លែង, សាលារៀន៣៧ខ្នង និងតូបក្នុងផ្សារ១៧កន្លែង ។ ចំណែកកាលពីឆ្នាំ២០២៣កន្លងទៅប្រទេសកម្ពុជាបានប្រឈមមុខនឹងចំនួនអ្នកស្លា.ប់ដោយគ្រោះធម្មជាតិយ៉ាងធ្ងន់ធ្ងរដោយមនុស្សចំនួន១០៣នាក់ បានបាត់បង់ជីវិតក្នុងនោះ៨៤នាក់ បានស្លា.ប់ដោយរន្ទះបា.ញ់១០នាក់ ដោយទឹកជំនន់ និង៩នាក់ដោយខ្យល់ព្យុះ ។ តួលេខទាំងនេះបានគូសបញ្ជាក់ពីភាពងាយរងគ្រោះរបស់ប្រទេសកម្ពុជាចំពោះគ្រោះមហន្តរាយធម្មជាតិ និងបង្ហាញពីតម្រូវការបន្ទាន់សម្រាប់យុទ្ធសាស្ត្រដ៏រឹងមាំបន្ថែមទៀតក្នុងការត្រៀមរៀបចំគ្រោះមហន្តរាយ ការកាត់បន្ថយ និងការយល់ដឹងជាសាធារណៈ។
តាមកំណត់ត្រា នៅក្នុងចំណោមគ្រោះមហន្តរាយទាំងអស់ គ្រោះមហន្តរាយដែលសម្លា.ប់មនុស្សច្រើនជាងគេ គឺរន្ទះ ដូច្នេះការយកចិត្តទុកដាក់លើការបង្ការ និងទប់ស្កាត់រន្ទះ គឺជារឿងដែលយើងទាំងអស់គ្នាត្រូវតែពង្រឹង ។ ក្នុងនាមជាប្រទេសនៅតំបន់ត្រូពិច ដែលទទួលរបបខ្យល់មូសុង កម្ពុជាជួបប្រទះនឹងបាតុភូតផ្គររន្ទះជាញឹកញាប់ ជាពិសេសនៅរដូវវស្សាតែទោះជាយ៉ាងណាក៏ដោយចំនួនអ្នកស្លា.ប់ខ្ពស់បង្ហាញពីគម្លាតគួរឱ្យកត់សម្គាល់ ក្នុងការយល់ដឹងជាសាធារណៈ និងការត្រៀមខ្លួន ។ ប្រជាជនកម្ពុជាជាច្រើន ជាពិសេសនៅតំបន់ជនបទធ្វើសកម្មភាពក្រៅផ្ទះដូចជា ការធ្វើស្រែចម្ការ និងនេសាទ ដែលបង្កើនហានិភ័យរបស់ពួកគេនៅពេលមានផ្គររន្ទះ ។
ដើម្បីកាត់បន្ថយហានិភ័យដោយរន្ទះ យុទ្ធនាការអប់រំទូទាំងប្រទេស គួរតែពង្រឹងជាថ្មី និងបង្កើនសកម្មភាពថែមទៀត ទោះបីជាពីមុនមកបានធ្វើខ្លះៗហើយក៏ដោយ ដើម្បីជូនដំណឹងដល់ប្រជាពលរដ្ឋអំពីគ្រោះថ្នាក់នៃរន្ទះ និងបង្រៀនពួកគេពីការអនុវត្តប្រកបដោយសុវត្ថិភាពក្នុងពេលមានផ្គររន្ទះ ។ ជាឧទាហរណ៍ នៅពេលដែលមានភ្លៀង ឬខ្យល់ គឺគួរការជៀសវាងនៅទីវាលចំហររក្សាខ្លួននៅឲ្យឆ្ងាយពីដើមឈើខ្ពស់ និងត្រូវប្រញាប់ស្វែងរកទីជម្រកដែលអាចកាត់បន្ថយហានិភ័យបានជាច្រើន ។
គ្រោះទឹកជំនន់ក៏ជាគ្រោះធម្មជាតិដ៏គ្រោះថ្នាក់ផងដែរដោយសារតែក្រៅពីវាអាចសម្លា.ប់ជីវិតមនុស្សបានហើយនោះវាក៏អាចធ្វើឲ្យប៉ះពាល់សេដ្ឋកិច្ចមានទំហំធំធេងបាន ។ នៅពេលនេះទឹកជំនន់ គឺជាបញ្ហាប្រឈមកើតឡើងដដែល ក្នុងប្រទេសកម្ពុជា ជាពិសេសខេត្តជាប់ទន្លេមេគង្គ និងបឹងទន្លេសាប ហើយថ្មីៗនេះ គឺនៅព្រំដែនថៃ ដែលទទួលផលប៉ះពាល់ឆ្លងព្រំដែន ។
ខ្យល់កន្ត្រាក់ក៏មានគ្រោះថ្នាក់ផងដែរ ដោយមួយឆ្នាំៗវាក៏តែងតែសម្លា.ប់មនុស្សជាប្រចាំ ហើយបំផ្លាញលំនៅស្ថាន សំណង់សាធារណៈ សាលារៀន មន្ទីរពេទ្យ វត្តអារាមក៏មិនតិចឡើយ ។ ភាពងាយរងគ្រោះកាន់តែខ្លាំងឡើង របស់កម្ពុជាចំពោះគ្រោះមហន្តរាយធម្មជាតិទាំងប៉ុន្មានខាងលើតម្រូវឱ្យអ្នកដែលពាក់ព័ន្ធ ជាពិសេសគឺអាជ្ញាធរគ្រប់លំដាប់ថ្នាក់ ចាំបាច់ត្រូវត្រៀមលក្ខណ និងមានវិធីសាស្ត្រដ៏ទូលំទូលាយ ក្នុងការគ្រប់គ្រងហានិភ័យគ្រោះមហន្តរាយ ។ ការផ្តោតសំខាន់ត្រូវតែផ្តោតលើការទប់ស្កាត់ ការត្រៀមលក្ខណៈ និងការកសាងភាពធន់នៅគ្រប់កម្រិត ចាប់ពីគោលនយោបាយជាតិ រហូតដល់សកម្មភាពសហគមន៍ ។ រដ្ឋាភិបាល សង្គមស៊ីវិល និងដៃគូអន្តរជាតិត្រូវតែធ្វើការរួមគ្នា ដើម្បីបង្កើត និងអនុវត្តយុទ្ធសាស្ត្រកាត់បន្ថយហានិភ័យគ្រោះមហន្តរាយដែលដោះស្រាយបញ្ហាឫសគល់នៃភាពងាយរងគ្រោះ ដូចជា ភាពក្រីក្រ ការរិចរិលបរិស្ថាន និងកង្វះហេដ្ឋារចនាសម្ព័ន្ធ ។
យុទ្ធនាការអប់រំសាធារណៈ ការវិនិយោគលើហេដ្ឋារចនាសម្ព័ន្ធធន់ និងប្រព័ន្ធប្រកាសអាសន្នដែលប្រសើរឡើង គឺជាកត្តាសំខាន់ក្នុងការការពារជីវិត និងជីវភាពរស់នៅ ។ ជាងនេះទៅទៀត ការទទួលយកការអនុវត្តការអភិវឌ្ឍប្រកបដោយនិរន្តរភាព ដូចជា ការដាំដើមឈើឡើងវិញ កសិកម្មប្រកបដោយនិរន្តរភាព និងការធ្វើផែនការទីក្រុងដែលសម្របទៅនឹងអាកាសធាតុក៏ត្រូវបានគេគិតថា អាចជួយកាត់បន្ថយផលប៉ះពាល់នៃគ្រោះមហន្តរាយធម្មជាតិបានមួយចំណែកណាមួយ ។
សរុបសេចក្តីមក កម្ពុជាប្រឈមមុខនឹងបញ្ហាប្រឈមសំខាន់ៗក្នុងការគ្រប់គ្រងគ្រោះមហន្តរាយធម្មជាតិ ដូចជា រន្ទះបា.ញ់ ទឹកជំនន់ និងព្យុះ ។ ទោះបីជាយ៉ាងណាក៏ដោយជាមួយនឹងការធ្វើផែនការយុទ្ធសាស្ត្រ ការវិនិយោគលើហេដ្ឋារចនាសម្ព័ន្ធ និងបច្ចេកវិទ្យា និងការចូលរួមរបស់សហគមន៍ ប្រទេសកម្ពុជាអាចកសាងអនាគតដ៏រឹងមាំជាងមុន ដោយកាត់បន្ថយហានិភ័យលើអាយុជីវិត មនុស្ស និងសេដ្ឋកិច្ចនៃគ្រោះថ្នាក់ធម្មជាតិដែលមិនអាចជៀសបានទាំងនេះ ៕
ចែករំលែកព័តមាននេះ