រាជធានីភ្នំពេញ ៖ ជនសង្ស័យម្នាក់ត្រូវបានប្រជាពលរដ្ឋនាំគ្នាឃាត់ខ្លួនបាន រួចប្រគល់អោយសមត្ថកិច្ច បន្ទាប់ពីធ្វើសកម្មភាពលួចកាច់កញ្ចក់រថយន្តប្រមាណ៣ថ្ងៃមុន បង្កអោយមានការភ្ញាក់ផ្អើលកាលពីវេលាម៉ោង២រំលងអាធ្រាត្រឈានចូលថ្ងៃទី៥ ខែកញ្ញា ឆ្នាំ២០២៤ នៅតាមបណ្តោយផ្លូវ ២៣០…
រាជធានីភ្នំពេញ ៖ ជនសង្ស័យម្នាក់ត្រូវបានប្រជាពលរដ្ឋនាំគ្នាឃាត់ខ្លួនបាន រួចប្រគល់អោយសមត្ថកិច្ច បន្ទាប់ពីធ្វើសកម្មភាពលួចកាច់កញ្ចក់រថយន្តប្រមាណ៣ថ្ងៃមុន បង្កអោយមានការភ្ញាក់ផ្អើលកាលពីវេលាម៉ោង២រំលងអាធ្រាត្រឈានចូលថ្ងៃទី៥ ខែកញ្ញា ឆ្នាំ២០២៤ នៅតាមបណ្តោយផ្លូវ ២៣០ ស្ថិតនៅសង្កាត់បឹងសាឡាង ខណ្ឌទួលគោក រាជធានីភ្នំពេញ ។
តាមប្រភពព័ត៌មានពីបងប្អូនប្រជាពលរដ្ឋនៅកន្លែងកើតហេតុបាននិយាយប្រាប់ថា កាលពី៣ថ្ងៃមុន នៅវេលាកណ្តាលអាធ្រាត្រ ឃើញជនសង្ស័យម្នាក់ចូលទៅបំរុងលួចកាច់កញ្ចក់រថយន្ត ម៉ាកឡិចស៊ីស៥៧០ ពណ៌ខ្មៅ ដែលទុកនៅមុខផ្ទះ ខណៈពេលឃើញបងប្អូនប្រជាពលរដ្ឋបើកម៉ូតូកង់បីទៅក្បែរ ជនសង្ស័យម្នាក់ខាងលើបានគេចខ្លួនបាត់ស្រមោល ។ លុះបន្ទាប់មក ដោយមានកាំមេរ៉ាសុវត្ថិភាពឃើញជនសង្ស័យម្នាក់ខាងលើបំរុងព្យាយាមលួចកាច់កញ្ចក់រថយន្តទៀត ។ លុះនៅវេលាម៉ោងកើតហេតុ ក៏ស្រាប់តែឃើញជនសង្ស័យម្នាក់ខាងលើជិះកង់មកអើតឡឺមនៅម្តុំនៅកន្លែងចាស់ ហើយត្រូវបានបងប្អូនប្រជាពលរដ្ឋនាំគ្នាដេញចាប់បានហើយប្រតាយប្រតប់គ្នាផងដែរ និងបានឃាត់ប្រគល់អោយនគរបាលប៉ុស្តិ៍ភ្លាមៗ។
ក្រោយពេលកើតហេតុ បន្ទាប់ពីនគរបាលសាកសួរជនសង្ស័យម្នាក់ខាងលើបានបដិសេធថា ខ្លួនមិនបានធ្វើសកម្មភាពលួចកាច់កញ្ចក់រថយន្តខាងលើឡើយ ចំណែកប្រជាពលរដ្ឋជុំវិញកន្លែងកើតហេតុដែលមានកាំមេរ៉ាសុវត្ថិភាព បានចោទប្រកាន់ទៅលើជនសង្ស័យខាងលើពិតប្រាកដ បន្ទាប់មកនគរបាលប៉ុស្តិ៍បាននាំជនសង្ស័យខាងលើយកទៅសួរនាំភ្លាមៗ៕
ចែករំលែកព័តមាននេះ