រាជធានីភ្នំពេញ ៖ ស្ត្រីម្នាក់បានទុកម៉ូតូចំនួន៣គ្រឿងនៅក្នុងផ្ទះរបស់ខ្លួន បន្ទាប់មកនាងបានចាក់សោទ្វារត្រឹមត្រូវ រួចក៏បានជិះរថយន្តចាកចេញទៅលេងផ្ទះបងថ្លៃនៅឯក្រុងតាខ្មៅ ខេត្តកណ្ដាល រួចក៏បានដេកនៅទីនោះអត់បានត្រឡប់មកផ្ទះវិញទេ ។ លុះដល់វេលាទៀបភ្លឺ ស្រាប់តែអ្នកជិតខាងខលប្រាប់ថា…
រាជធានីភ្នំពេញ ៖ ស្ត្រីម្នាក់បានទុកម៉ូតូចំនួន៣គ្រឿងនៅក្នុងផ្ទះរបស់ខ្លួន បន្ទាប់មកនាងបានចាក់សោទ្វារត្រឹមត្រូវ រួចក៏បានជិះរថយន្តចាកចេញទៅលេងផ្ទះបងថ្លៃនៅឯក្រុងតាខ្មៅ ខេត្តកណ្ដាល រួចក៏បានដេកនៅទីនោះអត់បានត្រឡប់មកផ្ទះវិញទេ ។
លុះដល់វេលាទៀបភ្លឺ ស្រាប់តែអ្នកជិតខាងខលប្រាប់ថា មានចោរគាស់ផ្ទះនាងហើយ ខណៈនោះគ្រាន់តែឮភ្លាម នាងក៏បានបើករថយន្តត្រលប់ទៅផ្ទះវិញភ្លាមៗដែរផងដែរ ។
ពេលមកដល់ផ្ទះ បានឃើញថា ពិតជាត្រូវចោរគាស់មែន ហើយបាត់បង់ម៉ូតូចំនួន៣គ្រឿង ប៉ុន្តែរហូតដល់ព្រឹកឡើងបានប្រទះឃើញ១គ្រឿងមកវិញ ដោយចោរយកទៅមិនរួចក៏រុញទម្លាក់ចូលទៅមាត់លូទឹកប្រឡាយ ។
ហេតុការណ៍ខាងលើនេះបានកើតឡើងកាលពីវេលាម៉ោងប្រមាណ៣ទៀបភ្លឺថ្ងៃទី០៤ ខែកញ្ញា ឆ្នាំ២០២៤ នៅក្នុងភូមិអករំដួល សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ។
ស្ត្រីដែលជាម្ចាស់ផ្ទះខាងលើនោះឈ្មោះម៉ា នីកា អាយុ២៩ឆ្នាំ មុខរបរលក់អីវាន់អនឡាញ ហើយម៉ូតូដែលត្រូវចោរលួចយកទៅបាត់ទាំង២គ្រឿងនោះម៉ូតូម៉ាកHonda Zoomer-X ក្នុងនោះ១គ្រឿងពណ៍ក្រហម ស ពាក់ស្លាកលេខកណ្ដាល1AA-4799 និង១គ្រឿងទៀតមិនចាំស្លាកលេខ ។
ដោយឡែកម៉ូតូ១គ្រឿងដែលចោរយកទៅមិនរួច ហើយរុញទម្លាក់ចូលក្នុងទឹកប្រឡាយនោះម៉ាក Honda Scoopy ពណ៍ស ពាក់ស្លាកលេខភ្នំពេញ1FE-2401 ម៉ូតូនេះអត់ឆេះហើយ បែកកង់ថែមទៀតផងទើបចោរយកទៅពុំរួច ។
ស្ត្រីរូបនោះបានរៀបរាប់ប្រាប់ថា នាងបានទុកម៉ូតូទាំង៣គ្រឿងនោះនៅក្នុងផ្ទះរាល់ថ្ងៃ ហើយនៅវេលាល្ងាចថ្ងៃទី៣ ខែកញ្ញា នាងបានចាក់សោទ្វារផ្ទះចោល រួចក៏បានជិះរថយន្តទៅលេងផ្ទះបងថ្លៃ នៅឯក្រុងតាខ្មៅ ខេត្តកណ្ដាល ។ បន្ទាប់មកនាងបានអត់បានត្រលប់មកផ្ទះវិញទេ គឺបានដេកនៅទីនោះតែម្ដង រហូតដល់វេលាម៉ោងជាង៣ទៀបភ្លឺថ្ងៃទី៤ ខែកញ្ញា ស្រាប់តែអ្នកជិតខាងបានខលប្រាប់ថា បានឮស្នូរក្ដូងក្ដាំងនៅផ្ទះនាង និងសួរនាងថាតើនាងនៅផ្ទះឬអត់ ? ។
ម្ចាស់ផ្ទះខាងលើបានប្រាប់ឲ្យដឹងបន្តថា ខណៈនោះនាងបានប្រាប់អ្នកជិតខាងថា នាងអត់នៅទេ ហើយអ្នកជិតខាងនិយាយថា បើអញ្ចឹងមានតែចោរទេ បន្ទាប់មកអ្នកជិតខាងបានចេញមើល រួចប្រាប់នាងបន្តទៀតថា បានឃើញចោរកំពុងអូសម៉ូតូចេញពីផ្ទះរបស់នាង ។ គ្រាន់តែឮអ្នកជិតខាងប្រាប់បែបនេះ នាងក៏បានបើករថយន្តត្រលប់មកផ្ទះវិញ ហើយពេលមកដល់បានឃើញទ្វារផ្ទះចំហរ ព្រមទាំងបាត់ម៉ូតូទាំង៣គ្រឿងនោះអស់ ទើបទៅប្ដឹងនគរបាលប៉ុស្តិ៍សំរោងក្រោមនិងឆែកមើលកាមេរ៉ាសុវត្ថិភាព ។
ស្ត្រីដដែលបានប្រាប់បន្ថៃមទៀតថា នៅក្នុងកាមេរ៉ាសុវត្ថិភាពបានឃើញមានជនសង្ស័យចំនួន៤នាក់ធ្វើសកម្មភាពគាស់ផ្ទះនិងលួចម៉ូតូរបស់នាងយកទៅ ប៉ុន្តែរហូតដល់ព្រឹកថ្ងៃដដែល ស្រាប់តែមានអ្នកភូមិប្រទះឃើញម៉ូតូរបស់នាង១គ្រឿងម៉ាកHonda Scoopy នៅមាត់លូក្នុងប្រឡាយទឹក ស្ថិតនៅចំងាយប្រមាណ១០០ម៉ែត្រពីផ្ទះនាង ។ ទើបនាងនិងអ្នកភូមិបាននាំគ្នាទៅមើល រួចស្រង់ម៉ូតូឡើងគោក ដើម្បីយកទៅធ្វើការជួសជុលឡើងវិញគ្រាន់និងជិះ ហើយម៉ូតូនេះអត់ឆេះផងនិងបែកកង់ផង គួបផ្សំនិងអ្នកភូមិស្រែកថាចោរៗ បង្កឲ្យមានការភ្ញាក់ផ្អើលផង ទើបចោររុញទម្លាក់ចោល រួចហើយយកបានម៉ូតូម៉ាកZoomer-X ២គ្រឿងទៅបាត់ ៕
ចែករំលែកព័តមាននេះ