ខេត្តកំពង់ឆ្នាំង ៖ ក្រោយផ្ទុះរឿងសិស្សយកជើងធាក់ទុកគ្រូ ហើយប្រើឥរិយាបថ ចង់វាយលោកគ្រូ នៅសាលាបឋមសិក្សាភូមិថ្មី ស្ថិតនៅក្នុងឃុំកំពង់អូស្ត្រាលី ស្រុកជលគិរី រួចមក នៅព្រឹកថ្ងៃទី…
ខេត្តកំពង់ឆ្នាំង ៖ ក្រោយផ្ទុះរឿងសិស្សយកជើងធាក់ទុកគ្រូ ហើយប្រើឥរិយាបថ ចង់វាយលោកគ្រូ នៅសាលាបឋមសិក្សាភូមិថ្មី ស្ថិតនៅក្នុងឃុំកំពង់អូស្ត្រាលី ស្រុកជលគិរី រួចមក នៅព្រឹកថ្ងៃទី ១៣ ខែសីហា ឆ្នាំ ២០២៤ ការិយាល័យអប់រំយុវជននិងកីឡាស្រុកជល់គិរី សហការជាមួយអាជ្ញាធរភូមិឃុំ មាតាបិតាសិស្ស រួមនិងសិស្ស វី សុវណ្ណ ដែលប្រើឥរិយាបថមិនសមរម្យលើគ្រូបង្រៀន បានប្រជុំដើម្បីស្វែងរកដំណោះស្រាយពីមូលហេតុដែលកើតឲ្យមានទំនាស់។ គួររំលឹកថា សិស្សម្នាក់ធា.ក់តុគ្រូ ហើយសម្តែងឥរិយាបថចង់វា.យគ្រូទៀត កំពុងផ្ទុះការភ្ញាក់ផ្អើលពេញបណ្ដាញសង្គម
បើតាមរបាយការណ៍របស់នាយកសាលាបឋមសិក្សាភូមិថ្មី បានបញ្ជាក់ថា សិស្សឈ្មោះ វ.ស.វ អាយុ១៣ឆ្នាំ ថ្នាក់ទី៦ បានប្រព្រឹត្តកំហុសចំនួន ៣លើកមកហើយនៅក្នុងថ្នាក់ ព្រោះតែខឹងលោកគ្រូដាក់កិច្ចការផ្ទះឲ្យធ្វើតែមិនធ្វើ និងខឹងបានពិន្ទុតិចពេលសរសេរតាមអាន។
តាមរបាយការណ៍របស់លោកគ្រូនាយក, បញ្ជាក់ថា លើកទី១ នៅថ្ងៃទី២៥ ខែឧសភា ឆ្នាំ ២០២៤ ផ្តើមចេញពីការធ្វើកិច្ចការផ្ទះ ដោយគ្រូបានដាក់កិច្ចការផ្ទះឲ្យសិស្សយកទៅធ្វើនៅផ្ទះ ហើយសិស្សឈ្មោះ វ.ស.វ មិនបានធ្វើនោះទេ លុះដល់ពេលគ្រូឲ្យសិស្សយកកិច្ចការមកដាក់ ដើម្បីកែពិន្ទុបែរជា សិស្ស វ.ស.វ បែជាថាគ្រូគាបសង្កត់ គាត់ហើយវាយតុចំពោះមុខគ្រូ។ ក្រោយមកក៏មានការសម្របសម្រួលរវាងមាតាបិតាសិស្សជាមួយនាយក និងគ្រូទើបស្ងប់ស្ងាត់។
រហូតដល់ថ្ងៃសុក្រទី៩ ខែសីហា ឆ្នាំ២០២៤ គ្រូបានឱ្យសិស្ស សរសេរតាមអានដាក់ពាក្យចំនួន១០ពាក្យ និងកំណត់១ពាក្យ បាន១ពិន្ទុ ហើយគាត់(សិស្ស)សរសេរបាន៧ពាក្យបាន ៧ពិន្ទុ លុះគ្រូចែកសន្លឹកកិច្ចការជូន សិស្សវិញ បែរជាមិនពេញចិត្ត នឹងពិន្ទុរបស់ខ្លួនហើយបោកសៀវភៅលើតុ និងដើរចេញទៅផ្ទះដោយមិនគោរពគ្រូ។
នៅថ្ងៃកើតហេតុគឺនៅរសៀល ថ្ងៃទី១២ ខែសីហា ឆ្នាំ២០២៤ វេលាម៉ោង ១៖១០នាទីរសៀល ពេលគ្រូអញ្ជើញម្តាយរបស់គាត់មកអប់រំណែនាំស្រាប់តែសិស្សឈ្មោះវ.ស.វ បានបោកសៀវភៅ និងកាតាបចោលលើក្តារខៀន។ លុះពេលគ្រូហៅគាត់មកខាងមុខ គាត់បែរជារត់មកធាក់តុគ្រូ រួចសម្ដែងឥរិយាបថបែបហិង្សាមកលើគ្រូថែមទៀត។
នៅព្រឹកថ្ងៃទី ១៣ខែសីហាដដែលនេះដែរក្រោយពី កិច្ចប្រជុំរកដំណោះស្រាយហើយសិស្សឈ្មោះវីសុវណ្ណបានទទួលកំហុសរបស់ខ្លួន ដោយព្រមធ្វើកិច្ចសន្យាបញ្ឈប់សកម្មភាពទាំងនេះក៏ដូចជាឪពុកម្ដាយសិស្សរូបនោះបានធានាផងនោះកិច្ចក៏ប្រជុំបានបញ្ចប់។
លោក សូ រដ្ឋា នាយកសាលាបឋមសិក្សាភូមិថ្មី បានបញ្ជាក់ថាសិស្ស វ.ស.វ អាយុ ១៣ ឆ្នាំរៀនថ្នាក់ទី ៦ក មានបងប្អូនពីរនាក់ កូនស្រីប្អូនរៀនថ្នាក់ទី ១ នៅសាលាជាមួយគ្នា ។បច្ចុប្បន្ន សិស្សឈ្មោះវ.ស.វ រស់នៅ ភូមិថ្មីឃុំកំពង់អូសស្រុកជល់គីរី ជាមួយម្ដាយជាស្រីមេម៉ាយ ។
លោកនាយកសាលាបានបញ្ជាក់ថា កាលដើមឡើយ សិស្សឈ្មោះវ.ស.វ នេះ ជាសិស្សល្អពុំដែលមានប្រើអំពើហិង្សាអ្វីទេ។ ប៉ុន្តែចាប់តាំងពីឪពុកម្ដាយលែងលះគ្នា មកសិស្សនោះមានភាព មួម៉ៅ ច្រើន ។ដូចរឿងកើតឡើងនៅថ្ងៃទី ៩ ខែសីហា ដែលសិស្សរូបនោះ សរសេរតាមអានបានពិន្ទុ ៧ព្រោះតែគាត់ធ្វើបាន៧ពាក្យ ក៍បានបោកសៀវភៅហើយចេញទៅផ្ទះមុនម៉ោង។ថ្ងៃនោះលោកគ្រូក៏ដូចជាលោកនាយកសាលា ត្រូវរង់ចាំថ្ងៃទី១២ ខែសីហា ដើម្បីហៅម្ដាយឲ្យមកជួបក៏កើតរឿងបែបនេះឡើង។
លោក សឹម ប្រឹម ប្រធានមន្ទីរអប់រំយុវជននិងកីឡាខេត្តកំពង់ឆ្នាំងបានឱ្យដឹងថា មិនមានការដូរថ្នាក់រៀននោះទេ ព្រោះសាលាបឋមសិក្សាថ្នាក់ទី ៦មានតែមួយថ្នាក់ប៉ុណ្ណោះ ៕
ចែករំលែកព័តមាននេះ