រាជធានីភ្នំពេញ ៖ សម្ដេចតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រ កម្ពុជា បានថ្លែងថា ការផ្ដួលរំលំរាជរដ្ឋាភិបាល ក្រៅប្រព័ន្ធដំណើរការប្រជាធិបតេយ្យ…
រាជធានីភ្នំពេញ ៖ សម្ដេចតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រ កម្ពុជា បានថ្លែងថា ការផ្ដួលរំលំរាជរដ្ឋាភិបាល ក្រៅប្រព័ន្ធដំណើរការប្រជាធិបតេយ្យ វាស្មើនឹងការធ្វើ រដ្ឋប្រហារមួយ ដូច្នេះរដ្ឋាភិបាលត្រូវតែធ្វើសកម្មភាពដើម្បី ការពារនូវរាជរដ្ឋាភិ បាលស្របច្បាប់ ដែលប្រសូត្រចេញពីការបោះឆ្នោត ដូច្នេះសូមឈប់ជាបន្ទាន់បើមិនចង់ជាប់ទោស។
ការអំពាវនាវរបស់សម្តេចតេជោដល់បងប្អូនដែលនៅក្នុងគ្រុបរួបរួមដើម្បីជាតិ ឱ្យបោះបង់នូវគំនិតដែលទទួលយកនូវការញោះញុងដ៏អាក្រក់ពីពួកអ្នកដែលចង់ផ្ដួលរំលំរាជរដ្ឋភិបាល។
តាមរយៈសារជាសំឡេង នារសៀលថ្ងៃទី១២ ខែសីហា ឆ្នាំ២០២៤ សម្ដេចតេជោ ហ៊ុន សែន បានគូសបញ្ជាក់ថា៖ «ទង្វើណាដែលផ្ទុយ នឹងរដ្ឋធម្មនុញ្ញ យើងចាំបាច់ត្រូវតែចាត់វិធានការឱ្យស្របទៅតាមច្បាប់របស់ប្រទេស។ អ្នកប្រមាថខ្ញុំ ប្រមាថប្រជាជនជាង១៧លាន នាក់នៅក្នុងប្រទេស អ្នកអាចប្រមាថ ប៉ុន្តែអ្នកមិនត្រូវភ្លេចថា ការប្រមាថរបស់អ្នកបានក្លាយ ទៅជាទណ្ឌកម្ម សម្រាប់ពួកអ្នកទៅវិញទេ»។
សម្ដេចតេជោបន្តថា សម្ដេចមិនបានគំរាមកំហែងទេ ក៏ប៉ុន្តែគ្រាន់តែរម្លឹកអស់អ្នកទាំ ងឡាយ ផែនការបាតុកម្មរបស់អស់លោក ដែលប្រុងនឹងផ្ដួលរំលំ និងការអំពាវនាវទៅឱ្យកម្លាំង ប្រដាប់អាវុធបែរការណុង ដើម្បីផ្ដួលរាជរដ្ឋាភិបាល សូមបញ្ឈប់ទៅ ហើយអ្នកនៅក្នុងគ្រុ បទាំង ឡាយនៅ ក្នុងទីនេះ ក៏ល្មមឈប់ផងដែរ ហើយប្រសិនបើមានការចាប់ចង ឬនាំខ្លួនចូលមកកាត់ ទោស សូមទទួលយកទៅតាមយថាកម្មរបស់អ្នកទៅចុះ។
ជាមួយគ្នានោះដែរសម្ដេចតេជោថ្លែងឱ្យដឹងថា៖« ម៉ោងនេះ ពេលនេះ ក្រៅពីអ្នកដែល ចាប់ខ្លួនរួចហើយ អ្នកដែលមិន ទាន់បានចាប់ខ្លួន យើងនឹងលើកលែងទោសឱ្យ ប្រសិនបើ អ្នកទាំងនោះ គឺដកខ្លួនចេញ ហើយ ឈប់ចូលរួមនៅក្នុងគ្រុប រួបរួមគ្នាដើម្បីជាតិ។ សូមបងប្អូ នកុំចាញ់បោកជាមួយពួកអ្នក ដែលចង់ បានអំណាចក្រៅប្រព័ន្ធប្រជាធិបតេយ្យ និងក្រៅ ក្រខ័ណ្ឌរដ្ឋធម្មនុញ្ញ ដែលនឹងទទួល យកនូវផល វិបាក ដែលពិបាកនិងប៉ាន់ស្មានបាន»។
សម្តេចតេជោបន្តទៀតថា សូមអ្នកទាំងអស់គ្នាត្រូវចងចាំថា អ្នកចង់ផ្ដួលរំលំរាជរ ដ្ឋាភិបាល ក៏ប៉ុន្តែរាជរដ្ឋាភិបាលក៏មានកាតព្វកិច្ច ដើម្បីការពារនូវរាជរដ្ឋាភិបាលស្របច្បាប់ ដើម្បីរាជ រដ្ឋាភិបាលនោះការពារប្រជាជនជាបន្តទៀត។
សម្ដេចតេជោ ហ៊ុន សែន គូសបញ្ជាក់ទៀតថា ដោយមានការញោះញុងពីខាងក្រៅ ដើម្បីឱ្យបង ប្អូនឈានទៅរកការផ្ដួលរំលំរាជរដ្ឋាភិបាលតាមផ្លូវកាត់មួយ ដែលមិនមែនជាដំណើរការប្រជាធិ បតេយ្យពិតប្រាកដ។ បងប្អូនចង់ប្រៀបធៀបកម្ពុជាទៅជាមួយនឹងបង់ក្លាដែស ប្រហែលជាបងប្អូ នយល់ច្រឡំជាមួយនិងសភាពការណ៍កម្ពុជា ជាមួយនិងសភាពការណ៍បង់ក្លាដែស។ ចំណុច នេះបងប្អូនត្រូវគិតឱ្យបានហ្មត់ចត់ ប្រសិងបើបងប្អូនភ្លាត់ភ្លាំងទៅដោយប្រការណាមួយ បងប្អូន អាចរងនូវគ្រោះថ្នាក់។
រឿងនេះវាមិនអាចទៅរួចទេ រដ្ឋាភិបាលប្រទេសណាក៏ដោយ ដោយតម្លៃ ណាក៏ដោយ បងប្អូនមានត្រឹមប៉ុន្មាននាក់ ដើម្បីបំផ្លាញនូវសន្តិភាពសម្រាប់ ប្រជាជនរាប់លាននាក់មិនមែនជាជម្រើស ដែលបងប្អូនត្រូវធ្វើទេ។ បងប្អូនត្រូវគិតឱ្យហ្មត់ចត់ មុនពេលដែលបងប្អូនធ្វើដំណើរមកកាន់បាតុកម្ម ឬមហាបាតុកម្ម ឬឈានទៅដល់ការផ្ដួលរំលំ។
ជាមួយគ្នានោះដែរសម្តេចតេជោបានរម្លឹកផងដែរថា បន្ទាត់ក្រហមនៅទីនេះ គឺមាន រដ្ឋធម្មនុញ្ញ ចែងហើយ អំពីបញ្ហាសិទ្ធិបញ្ចេញមតិ។
សម្ដេចតេជោលើកឡើងថា៖ «យើងទទួលយកនូវការកង្វល់របស់បងប្អូនស្ដីពីការ បាត់បង់ទឹកដី។ កង្វល់បងប្អូនស្ដីអំពី ឯករាជ្យ អធិបតេយ្យជាតិ ប៉ុន្តែបងប្អូនត្រូវតែមើល ឱ្យច្បាស់ទៅនឹងសភាពការណ៍ តើវាដូចអ្វីដែលពួកប្រឆាំងនៅបរទេស កំពុងតែញោះញុងឱ្យបង ប្អូនធ្វើនោះទេ។
ម្យ៉ាងទៀតបងប្អូនបានច្បិចយកនូវបញ្ហា CLV តែនៅទីនេះ ខ្ញុំគួរតែប ញ្ជាក់ជូនបងប្អូនថា CLV បានកើត២៥ឆ្នាំហើយ។ មានមនុស្សមួយចំនួននៅក្នុងក្រុមនេះ កើតមិនទាន់ CLV កើតទៀតផង។ ប៉ុន្តែ តើ CLVនេះ បានបំផ្លាញអ្វីដល់បងប្អូន»។
សម្ដេចតេជោ ថ្លែងបន្ងែមថា បងប្អូនគិតទៅប្រទេសយើងកាលពីពេលនោះក្រី ក្រណាស់ការធ្វើដំណើរពីរតនគិរី មណ្ឌលគិរី ស្ទឹត្រែងចុះមក ទម្រាំតែមកដល់ខេត្តក្រចេះ កំពង់ចាម ទម្រាំមកដល់ទីក្រុងភ្នំពេញ ត្រូវចាយពេលច្រើនណាស់។
សម្ដេចតេជោគូសបញ្ជាក់បន្ថែមទៀតថា ឥឡូវនេះ បងប្អូននៅទីនោះបានទទួល ផលប្រយោជន៍អំពី បញ្ហាសេដ្ឋកិច្ចសង្គម មានការតភ្ជាប់យ៉ាងល្អទៅលើ ផ្លូវ បណ្ដាញអគ្គិសនី ប្រព័ន្ធទឹកនៅតំបន់មួយចំនួន។ ការអភិវឌ្ឍតំបន់ត្រីកោណនេះ មិនមែនជាការកាត់ដីឱ្យជនជាតិបរទេសណាទេ ហើយក៏មិនមែនដាក់ជាភាគហ៊ុនដែរ៕
ចែករំលែកព័តមាននេះ