រាជធានីភ្នំពេញ ៖ យុវជន២ក្រុម ដែលម្ខាងៗមានគ្នា៨នាក់ បានបើកឆាកវាយប្រយុទ្ធគ្នាស៊ីសាច់ហុតឈាម ដូចក្នុងរឿងភាពយន្តភាគហុងកុង បង្កភាពអនាធិបតេយ្យ នៅក្នុងតារាងបាល់ទាត់មួយកន្លែង យីហោ«ដោនថោន» បណ្ដាលឲ្យភាគីខាងមានអ្នករងរបួសសន្លប់ម្នាក់ថែមទៀតផង…
រាជធានីភ្នំពេញ ៖ យុវជន២ក្រុម ដែលម្ខាងៗមានគ្នា៨នាក់ បានបើកឆាកវាយប្រយុទ្ធគ្នាស៊ីសាច់ហុតឈាម ដូចក្នុងរឿងភាពយន្តភាគហុងកុង បង្កភាពអនាធិបតេយ្យ នៅក្នុងតារាងបាល់ទាត់មួយកន្លែង យីហោ«ដោនថោន» បណ្ដាលឲ្យភាគីខាងមានអ្នករងរបួសសន្លប់ម្នាក់ថែមទៀតផង ប៉ុន្តែពុំដឹងថា អំពើហិ.ង្សានេះ ផ្ដើមចេញពីរឿងអ្វីនោះទេ គ្រាន់តែដឹងថា ទាំង២ក្រុមនេះ មានរឿងទំនាស់គ្នាក្នុងពេលទាត់បាល់ជាមួយគ្នា។ ក្រោយពេលមានការវាយប្រយុទ្ធបែបនេះ កម្លាំងនគរបាលប៉ុស្តិ៍ចោមចៅទី១ សហការណ៍ជាមួយកម្លាំងនគរបាលខណ្ឌពោធិ៍សែនជ័យ បានចុះទៅអន្តរាគមន៍ ធ្វើការឃាត់ខ្លួនភាគីទាំងសងខាង តែម្ដង ។
ហេតុការណ៍ខាងលើនេះ បានកើតឡើង កាលពីវេលាយប់ថ្ងៃទី៣ ខែកក្កដា ឆ្នាំ២២៤ នៅក្នុងតារាងបាល់ទាត់មួយកន្លែង យីហោ «ដោនថោន» ដែលមានទីតាំងស្ថិតនៅក្នុងភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ។
ទាក់ទិនហេតុការណ៍នេះ អ្នកលេងទាំង២ក្រុមនេះ មិនទាន់ត្រូវបានស្គាល់អត្តសញ្ញាណនៅឡើយ ហើយបើតាមអ្នកដឹងហេតុការណ៍នេះ បានខ្សឹបប្រាប់ថា នៅមុនពេលកើតហេតុ យុវជន២ក្រុមខាងលើ បានចូលទៅទាត់បាល់នៅក្នុងតារាងបាល់ទាត់ដោនថោននោះ ដោយម្ខាងៗមានគ្នា៨នាក់ស្មើគ្នា ហើយខណៈពេលកំពុងលេងសុខៗ ស្រាប់តែដេញវាយគ្នាពេញតារាងបាល់ បណ្តាលឲ្យភាគីម្ខាងមានអ្នករងរបួសសន្លប់ស្ដូកស្ដឹងម្នាក់ទៀតផង ដោយត្រូវកណ្ដាប់ដៃគូទំនាស់ ចំផ្ទៃមុខ ហើយការវាយតប់គ្នានេះពុំដឹងថា បណ្ដាលមកពីរឿងទំនាស់អ្វីឡើយ ។
ប្រភពខាងលើបានប្រាប់ឲ្យដឹងបន្តទៀតថា ពេលនោះបានបង្កឲ្យមានការភ្ញាក់ផ្អើលដល់អ្នកនៅអ្នកនៅជិតនោះនាំគ្នារត់ទៅជួយចាប់បំបែកទើបបែកគ្នា បន្ទាប់មកអ្នកដែលរងរបួសសន្លប់នោះ ត្រូវបានមិត្តភក្ដិបញ្ជូនទៅកាន់មន្ទីរពេទ្យ ។
ក្រោយពេលកើតហេតុ កម្លាំងនគរបាលប៉ុស្តិ៍ចោមចៅទី១ និងនគរបាលខណ្ឌពោធិ៍សែនជ័យ បានចេញទៅអន្តរាគមន៍ ធ្វើការឃាត់ខ្លួនភាគីទាំងសងខាងចំនួន១៦នាក់ នាំទៅសាកសួរនៅអធិការដ្ឋាននគរបាលខណ្ឌពោធិ៍សែនជ័យ ។
ប្រភពខាងលើបានបញ្ជាក់ថា អ្នករងរបួស ត្រូវបាននគរបាលឃាត់ខ្លួនទាំងដៃជាប់សេរ៉ូមតែម្ដង ប៉ុន្តែពុំដឹងថា តើក្រោយការឃាត់ខ្លួនរួច នគរបាល និងកសាងសំណុំរឿងបញ្ជូនគូទំនាស់ទាំង២នេះ ទៅកាន់តុលាការចាត់ការតាមច្បាប់ ឬក៏សម្របសម្រួលគ្នាបញ្ចប់រឿងដោយស្ងាត់ៗ ហើយដោះលែងវិញ នៅឡើនោះទេ ៕
ចែករំលែកព័តមាននេះ