រាជធានីភ្នំពេញ ៖ ម៉ូតូកង់បីចំនួន២គ្រឿង ត្រូវបានកម្លាំងនគរបាលអធិការដ្ឋាន ខណ្ឌទួលគោក ល្បាតប្រទះឃើញគេយកទៅ​ប្លុងចោល នៅក្នុងដីឡូតិ៍មួយកន្លែង ត្រង់​ចំណុចផ្លូវរថភ្លើង សង្កាត់​បឹងកក់ទី១ខណ្ឌទួលគោក រាជធានីភ្នំពេញ ហើយបានប្រ​កាស​ស្វែងរកម្ចាស់ ។

ម៉ូតូ​កងបី​នោះ​ទាំង២គ្រឿងខាងលើ ក្នុងនោះ​១គ្រឿងពណ៌ក្រហម ពាក់ស្លាកលេខ ភ្នំពេញ ១GX-៩៨៩០​ និងមួយគ្រឿងទៀត ពណ៌ស ពាក់ស្លាកលេខ ភ្នំពេញ ១HL-១៧៥៤ ។ ទោះបីជាយ៉ាង គេពុំដឹងថា ម៉ូតូកង់៣នោះ ត្រូវបានគេលួច យកទៅប្លុងចោល ឬម្ចាស់យកទៅទុកចោលនោះឬយ៉ាងណានោះទេ។

តាមស្នងការដ្ឋាននគរបាលរាជធានីភ្នំពេញឱ្យដឹងថា អធិការដ្ឋាននគរបាលខណ្ឌទួលគោកប្រកាសស្វែងរកម្ចាស់ម៉ូតូកង់៣ ។ សង្ស័យចោរលួចយកមកប្លុងចោលក្នុងដីឡូតិ៍មួយកន្លែង នាយប់ថ្ងៃ១២ ខែមិថុនា ឆ្នាំ២០២៤ ហើយត្រូវផ្នែកជំនាញអធិការដ្ឋាននគរបាលទួលគោកល្បាត នៅមូលដ្ឋានក៏បានប្រទះឃើញទុកចោលនៅដីឡូតិ៍ចំណុចផ្លូវរថភ្លើង សង្កាត់បឹងកក់ទី១ ដោយមានការសង្ស័យពាក់ព័ន្ធបទល្មើស (លួច)។

បច្ចុប្បន្ន ម៉ូតូកង់បីទាំង២គ្រឿង ត្រូវ​​បាន​សមត្ថកិច្ចយកមករក្សាទុកនៅអធិការដ្ឋាននគរបាលខណ្ឌទួលគោក ដើម្បីធ្វើការផ្សព្វផ្សាយនឹងស្រាវជ្រាវរកម្ចាស់មកទទួលវិញនិងសូមភ្ជាប់ជាមួយឯកសារមកជាមួយផង ៕