ឧទ្ធម្ភាគចក្រប្រធានាធិបតីអ៊ីរ៉ង់ជួបគ្រោះថ្នា.ក់ ពុំដឹងវាសនាលោកទៅជាយ៉ាងណា
ប្រទេសអីុរ៉ង់ ៖ ប្រធានាធិបតីអ៊ីរ៉ង់លោកអ៊ីប្រាហ៊ីមរ៉ាអ៊ីស៊ី ដែលជិះក្នុងឧទ្ធម្ភាគចក្រមួយគ្រឿង
ប្រទេសអីុរ៉ង់ ៖ ប្រធានាធិបតីអ៊ីរ៉ង់លោកអ៊ីប្រាហ៊ីមរ៉ាអ៊ីស៊ី ដែលជិះក្នុងឧទ្ធម្ភាគចក្រមួយគ្រឿងកាលពីថ្ងៃទី១៩ឧសភា ពុំទាន់ដឹងថាតើវាសនាលោកបែបណានៅឡើយ ក្រោយពីឧទ្ធម្ភាគចក្រនោះជួបគ្រោះថ្នាក់រកមិនទាន់ឃើញនៅឡើយ។
ទូរទស្សន៍រដ្ឋអីុរ៉ង់លើកឡើងពីការចុះបន្ទាន់នៃឧទ្ធម្ភាគចក្រនោះ។ វាសនារបស់ប្រមុខរដ្ឋរូបនេះដែលទៅកាន់អាហ្សែបៃហ្សង់ខាងកើតចូលរួមក្នុងពិធីបើកសម្ពោធទំនប់មួយនៅទីនោះ នៅមិនទាន់ដឹងទៅជាបែបណានៅឡើយ។ សរុបឧទ្ធម្ភាគចក្រ៣គ្រឿង បានដឹកសមាជិកគណៈប្រតិភូជាន់ខ្ពស់អីុរ៉ង់ទៅចូលរួមក្នុងពិធីនោះ។ ក្នុងចំណោមឧទ្ធម្ភាគចក្រទាំង៣គ្រឿងនោះ ២គ្រឿងបានចុះដោយគ្មានបញ្ហានៅTABRIZជាទីក្រុងមួយនាភាគពាយ័ព្យប្រទេស តែបាត់ឧទ្ធម្ភាគចក្រដែលប្រធានាធិបតីជិះ។ បណ្ដាព័ត៌មានមកទាល់ពេលនេះនៅតែមិនទាន់ច្បាស់។ អ្នកទទួលខុសត្រូវអីុរ៉ង់ម្នាក់អះអាងថា បណ្ដាព័ត៌មានមកពីកន្លែងឧទ្ធម្ភាគចក្រធ្លាក់ ពិតជាគួរឲ្យព្រួយបារម្ភខ្លាំងបំផុត។
មេដឹកនាំកំពូលអីុរ៉ង់លោកអាយាតុលឡាអាលីខូមេនី បានអំពាវនាវដល់ពលរដ្ឋអីុរ៉ង់ កុំឲ្យមានការបារម្ភខ្លាំងពេកបន្ទាប់ពីគ្រោះថ្នាក់នោះរបស់ប្រធានាធិបតី។
ទីភ្នាក់ងារព័ត៌មានផ្លូវការអីុរ៉ង់IRNA គូសបញ្ជាក់ថា រដ្ឋមន្ត្រីការបរទេសលោកហ៊ូសេនអាមៀរអាប់ឌុលឡាហីុយ៉ាន ស្ថិតក្នុងចំណោមអ្នកជិះក្នុងឧទ្ធម្ភាគចក្រជួបគ្រោះថ្នាក់នោះ ជាមួយអភិបាលខេត្តមួយរូបនិងអីុម៉ាមសំខាន់ប្រចាំតំបន់។ IRNA បន្តថា អ្នកជួយសង្គ្រោះជាង២០ក្រុមប្រដាប់ដោយឧបករណ៍គ្រប់គ្រាន់ ពិសេសដ្រូននិងឆ្កែសង្គ្រោះត្រូវបានបញ្ជូ្្ជូនទៅ ។ អ័ព្ឌក្រាស់នាំឲ្យមានការលំបាកក្នុងការរុករក។ ព័ត៌មានមិនច្បាស់ការណ៍មួយចំនួននិយាយថា ឧទ្ធម្ភាគចក្រដឹកប្រធានាធិបតី ជួបគ្រោះថ្នាក់ក្នុងខេត្តអាហ្សែបៃហ្សប់ខាងកើត។ កន្លែងកើតមានគ្រោះថ្នាក់នេះស្ថិតក្នុងតំបន់DIZMARជិតទីក្រុងVARZAGHAN។
ប្រទេសតួកគីបានបញ្ជូនអ្នកជួយសង្គ្រោះ៣២នាក់ និងរថយន្ត៦គ្រឿងមកកាន់អុីរ៉ង់ ចូលរួមក្នុងប្រតិបត្តិការរុករកឧទ្ធម្ភាគចក្រប្រធានាធិបតីដែលបាត់ដាន។ ប្រធានាធិបតីតួកគីលោករីសីុបតៃយីបអ័រដូហ្គានគូសបញ្ជាក់ថា លោកផ្ដល់រាល់ការជួយចាំបាច់ដល់អីុរ៉ង់។ មុននេះប្រមុខរដ្ឋតួកគីថ្លែងថា លោកមានការព្រួយបារម្ភខ្លាំងណាស់ ចំពោះគ្រោះថ្នាក់នៃឧទ្ធម្គាគចក្រដែលសមភាគីអីុរ៉ង់ជិះ ហើយត្រៀមផ្ដល់ការជួយទ្រទ្រង់ចាំបាច់នានា។ លោកសង្ឃឹមថានឹងទទួលបានព័ត៌មានល្អៗពីប្រធានាធិបតីអីុរ៉ង់និងគណៈប្រតិភុូលោកក្នុងពេលឆាប់ៗ។
អារ៉ាប៊ីសាអូឌីត អីុរ៉ាក់ អាហ្សែបៃហ្សង់និងសហភាពអឺរ៉ុបក៏ស្នើជួយអីុរ៉ង់ដែរ។ នាយប់ថ្ងៃទី១៩មក២០ឧសភា រុស្សុីប្រកាសពីការបញ្ជូនពួកអ្នកជួយសង្គ្រោះ មកកាន់អីុរ៉ង់ចូលរួមក្នុងការរុករក។ រុស្សុីបញ្ជួនអ្នកឯកទេសខាងរុករក៤៧នាក់ ជាមួយបណ្ដាឧបករណ៍ចាំបាច់ បណ្ដារថយន្ត អាចបើកបរបានតាមគ្រប់ទីលាននិងឧទ្ថម្ភាចក្រមួយគ្រឿង៕
ចែករំលែកព័តមាននេះ