ខេត្តស្វាយរៀង ៖ មានករណីគ្រោះថ្នាក់ចរាចរណ៍មួយ ដោយរថយន្តដឹកខ្សាច់ បានបើកបុករថយន្តទំនើប០១គ្រឿង ពេញទំហឹង បណ្តាលឲ្យខ្ទាតទៅមុខបុកនឹងបង្គោលភ្លើង ខូចខ្ទេចខាងមុខយ៉ាងដំណំ ហើយរថយន្តបង្ក រេចង្កូតទៅបុករថយន្តដឹកទឹកសុទ្ធ០១គ្រឿងទៀត…
ខេត្តស្វាយរៀង ៖ មានករណីគ្រោះថ្នាក់ចរាចរណ៍មួយ ដោយរថយន្តដឹកខ្សាច់ បានបើកបុករថយន្តទំនើប០១គ្រឿង ពេញទំហឹង បណ្តាលឲ្យខ្ទាតទៅមុខបុកនឹងបង្គោលភ្លើង ខូចខ្ទេចខាងមុខយ៉ាងដំណំ ហើយរថយន្តបង្ក រេចង្កូតទៅបុករថយន្តដឹកទឹកសុទ្ធ០១គ្រឿងទៀត បណ្តាលឲ្យខូចខាតយ៉ាងដំណំទៀត ។
ករណីគ្រោះថ្នាក់ចរាចរណ៍នេះ បានកើតឡើងនៅវេលាម៉ោង១០និង៣០នាទីព្រឹក ថ្ងៃទី១៧ ខែឧសភា ឆ្នាំ២០២៤ នៅលើកំណាត់ផ្លូវជាតិលេខ១ ត្រង់ចំណុចភូមិតាប៉ ឃុំតាសួស ស្រុកស្វាយជ្រំ ។
បើតាមសមត្ថកិច្ចបានឲ្យដឹងថា មុនពេលកើតហេតុ គេឃើញរថយន្តម៉ាកអាល់ហ្វាត ពណ៌ស ពាក់ស្លាកលេខ ភ្នំពេញ 2BX-6247 បើកបរពីទឹសខាងលិច ទៅកើត ខណៈនោះ ស្រាប់តែមានរថយន្តដឹកខ្សាច់ ១គ្រឿង បើកបរស្របទិសគ្នា យ៉ាងលឿន ហើយបើកវ៉ាជែង ក៏ជ្រុលចង្កូតទៅបុកជាមួយរថយន្តអាល់ហ្វាត ពីជំហៀង បណ្តាលឲ្យរថយន្តអាល់ហ្វាត រេចង្កូតទៅបុកបង្គោលភ្លើង នៅលើចិញ្ចើមថ្នលពេញទំហឹង បណ្តាលឲ្យខូចបែកខាងមុខខ្ទេចយ៉ាងដំណំ ។
សមត្ថកិច្ចបានឲ្យដឹងបន្តថា ចំណែករថយន្តបែនដឹកខ្សាច់ រេចង្កូតទៅបុកជាមួយរថយន្តដឹកទឹកសុទ្ធ ០១គ្រឿងទៀត បណ្តាលឲ្យខូចខាតយ៉ាងដំណំដែរ ទើបទៅមុខលែងរួច ។
បន្ទាប់មកសមត្ថកិច្ចបានមកធ្វើការវាស់វែងរួច បានស្ទូចរថយន្តបង្ក រថយន្តអាល់ហ្វាត និងរថយន្តដឹកទឹកសុទ្ធ យកទៅរក្សាទុកនៅអធិការដ្ឋាននគបាលស្រុកស្វាយជ្រំ ដើម្បីធ្វើការដោះស្រាយតាមក្រោយ ។។ ចំណែកអ្នកបើកបររថយន្តអាល់ហ្វាត រងរបួសស្រាល ត្រូវបញ្ជូនទៅមន្ទីរពេទ្យបង្អែកស្រុកស្វាយជ្រំ ដើម្បីព្យាបាល ។
សមត្ថកិច្ចបានបញ្ជាក់ផងដែរថា មូលហេតុរថយន្តបែនដឹកខ្សាច់ បើកបរក្នុងល្បឿនលឿន ហើយបើកវ៉ាជែង ក្នុងចំណុចគ្រោះថ្នាក់ ៕
ចែករំលែកព័តមាននេះ