ឡានស៊េរីទំនើប១គ្រឿងផ្ទុះកង់ បោលបុ.កចូលផ្ទះ១កន្លែង របួ.សម្ចាស់ផ្ទះ
- កែប
ខេត្តកែប ៖ រថយន្តមួយគ្រឿងម៉ាករ៉ែងរ៉ូវ៉ែ បើកបរដោយលោកគីវ សាឌុំ អនុប្រធានមន្ទីរអប់រំ
ខេត្តកែប ៖ រថយន្តមួយគ្រឿងម៉ាករ៉ែងរ៉ូវ៉ែ បើកបរដោយលោកគីវ សាឌុំ អនុប្រធានមន្ទីរអប់រំ
ខេត្តកែប ៖ រថយន្តមួយគ្រឿងម៉ាករ៉ែងរ៉ូវ៉ែ បើកបរដោយលោកគីវ សាឌុំ អនុប្រធានមន្ទីរអប់រំខេត្តកែប បានបើករថយន្តម៉ាក់ទំនើបរបស់ខ្លួន ធ្វើដំណើរតាមបណ្ដោយផ្លូវជាតិលេខ៣៣ កំពត-កែប ក្នុងទិសដៅពីកើតទៅលិច លុះបើកមកដល់ចំណុចបង្គោលលេខ១៤និង១៥ ស្រាប់តែរថយន្តនោះបានផ្ទុះកង់ខាងឆ្វេង ហើយរេចង្គូតទៅបុកចូលផ្ទះប្រជាពលរដ្ឋមួយគ្រួសារ នៅភូមិអូក្រសារសង្កាត់អូក្រសារ ក្រុងកែប ខេត្តកែប បណ្តាលឱ្យស្ត្រីម្នាក់រងរបួស ចំណែករថយន្តរងការខូចខាតស្រាល ។
ហេតុការណ៍គ្រោះចរាចរណ៍ខាងលើនេះបានកើតឡើងកាលពីវេលាម៉ោង3និង30នារសៀលថ្ងៃទី22 មេសា ឆ្នាំ2024 ។
ស្ត្រីជាម្ចាស់ផ្ទះដែលរងរបួសឈ្មោះឯម ផាន អាយុ78ឆ្នាំ រងរបួសបាក់ដៃស្ដាំម្ខាង ។
ប៉ូលិសសង្កាត់អូរក្រសារបានឱ្យដឹងថា លោកគីវ សាឌុំ អនុប្រធានមន្ទីរអប់រំនិងយុវជនខេត្តកែបបានបើករថយន្តម៉ាក់BANGEROVERចេញពីមន្ទីរត្រឡប់ទៅផ្ទះវិញគឺនៅសង្កាត់កំពង់បាយ ក្រុងកំពត ខេត្តកំពត ប៉ុន្តែជាការចៃដន្យក៏ផ្ទុះកង់មុខផ្នែកខាងឆ្វេង ធ្វើឱ្យរថយន្តជ្រុលចូលទៅបុកផ្ទះពលរដ្ឋ បណ្ដាលឱ្យស្ត្រីចំណាស់ម្នាក់រងរបួស និងត្រូវបានដឹកទៅកាន់មន្ទីរពេទ្យបង្អែកខេត្តកែបដើម្បីព្យាបាល ។ ចំណែករថយន្តត្រូវបាននគរបាលស្ទូចដឹកយកទៅរក្សាទុកនៅអធិការដ្ឋាននគរបាលក្រងកែប រង់ចាំការដោះស្រាយ ៕
ចែករំលែកព័តមាននេះ