ខាងក្រោមនេះ យើងខ្ញុំនឹងបង្ហាញអ្នកពីផ្លែឈើដែលមិនអាចទុកក្នុងទូរទឹកកក។ តើមានអ្វីខ្លះទៅ?

១-អ្នកមិនគួរទុកផ្លែចេកក្នុងទូរទឹកកកឡើយ

ព្រោះផ្លែឈើមួយនេះប្រតិកម្មជាមួយនឹងសីតុណ្ហភាពទាប។ នៅពេលដែលអ្នកទុកក្នុងទូរទឹកកក នឹងធ្វើឱ្យផ្លែចេកនេះ ងាយឡើងស្នាមអ៊ុចខ្មៅ និងរលួយខ្លាំងណាស់។ ដូច្នេះ អ្នកគួរតែទុកក្រៅទូរទឹកកកទើបមិនងាយខូច។

២-អ្នកមិនគួរយកផ្លែក្រូចទៅក្លាសេក្នុងទូរទឹកកកឡើយ

ព្រោះសារធាតុខ្លាញ់ដែលមានលើសំបកក្រូចនោះអាចជ្រាបចូលទៅក្នុងសាច់ក្រូច ក្រោយពេលដែលអ្នកទុកក្នុងទូរទឹកកក។ ជាហេតុដែលធ្វើឱ្យផ្លែក្រូចនោះអាចប្រែរសជាតិជាល្វីងបាន។

៣-ផ្លែប៊័រដែលមិនទាន់ទុំ មិនអាចទុកក្នុងទូរទឹកកកឡើយ

ព្រោះនៅពេលដែលវាស្ថិតក្នុងសីតុណ្ហភាពទាប អាចធ្វើឱ្យផ្លែប៊័រនោះមិនងាយទុំ។ ដូច្នេះ នៅពេលដែលវាប្រែជាទុំ ទើបអ្នកអាចទុកក្នុងទូរទឹកកកបាន។

៤-អ្នកក៏មិនអាចទុកផ្លែធុរ៉េនដែលមិនទាន់ទុំក្នុងទូរទឹកកកដែរ ព្រោះវាអាចធ្វើឱ្យផ្លែឈើមួយនេះមិនអាចទុំបាន ថែមទាំងអាចធ្វើឱ្យរលួយផងដែរ។

៥-ផ្លែស្វាយក៏មិនគួរទុកក្នុងទូរទឹកកកដែរ

ព្រោះអាចធ្វើឱ្យសាច់នៃផ្លែឈើមួយនេះញ៉ាំទៅមិនឆ្ងាញ់ឡើយ ដោយមានសារធាតុទឹកក្នុងនោះ។ ដូច្នេះ ផ្លែឈើ៥ប្រភេទខាងលើនេះ អ្នកមិនអាចទុកក្នុងទូរទឹកកកឡើយ៕