ទីក្រុងវ៉ាស៊ីនតោន៖ ព្រឹទ្ធសភាអាមេរិកត្រៀមពិនិត្យមើលសំណើសុំថវិកា១១៨ពាន់លានដុល្លារដែលដាក់រួមគ្នានៅក្នុងកញ្ចប់តែមួយពីគណបក្សប្រជាធិបតេយ្យ និងគណបក្សសាធារណរដ្ឋដើម្បីពង្រឹងសន្តិសុខនៅតាមព្រំដែន, ផ្ដល់ជំនួយសម្រាប់ប្រទេសអ៊ុយក្រែន និងអ៊ីស្រាអែល។ សំណើនៅទើរត្រឹមព្រឹទ្ធសភាអស់ជាច្រើនខែមកហើយ ហើយគេមិនដឹងថាសំណើនេះអាចចេញរួចឬអត់។ មិនទាន់អីផង លោកត្រាំ និងក្រុមសាធារណរដ្ឋដែលប្រកាន់តឹងដទៃទៀតប្រកាសថាពួកគេជំទាស់។
ប្រធានក្រុមភាគច្រើននៅព្រឹទ្ធសភា លោកឆាក់ ស៊ូមើ (Chuck Schumer) ថ្លែងថាការបោះឆ្នោតអនុម័តសំណើនេះនឹងចាប់ផ្ដើមនៅល្ងាចថ្ងៃពុធ។ លោកមានជំនឿថាគណបក្សទាំងពីរនឹងបោះឆ្នោតប្រឆាំងនឹងសំណើគ្នាទៅវិញទៅមក។ ពោលគឺថវិកាដែលគណបក្សសាធារណរដ្ឋស្នើសុំពង្រឹងព្រំដែននឹងត្រូវគណបក្សប្រជាធិបតេយ្យជំទាស់ដើម្បីដាក់លក្ខខណ្ឌឱ្យបក្សសាធារណរដ្ឋយល់ព្រមអនុម័តសំណើជួយអ៊ុយក្រែន និងអ៊ីស្រាអែល។
លោកឆាក់ ស៊ូមើ (Chuck Schumer)សមាជិកព្រឹទ្ធសភាឯករាជ្យម្នាក់ប្រាប់ថាសំណើនេះអាចនឹងចេញរួចនៅត្រង់ចំណុចពង្រឹងព្រំដែនខាងត្បូង។ គេឃើញលក្ខខណ្ឌមួយចែងថាក្រសួងសន្តិសុខមាតុភូមិអាចបិទព្រំដែនបើមនុស្សឆ្លងដែនលើសពី៥ពាន់នាក់ក្នុងមួយថ្ងៃ រយៈពេល៧ថ្ងៃជាប់គ្នា។ នៅក្នុងសំណើនោះ, ទឹកប្រាក់២០ពាន់លានដុល្លារប្រើប្រាស់ដើម្បីពង្រឹងសន្តិសុខនៅព្រំដែន, ៦០ពាន់លានដុល្លារសម្រាប់ជួយអ៊ុយក្រែន, ១៤ពាន់លានដុល្លារសម្រាប់ជួយអ៊ីស្រាអែល, ជាង២ពាន់លានដុល្លារសម្រាប់ជួយបញ្ជាការដ្ឋានកងទ័ព និងបេសកកម្មវាយប្រហារក្រុមហ៊ូទី និងជាង៤ពាន់លានដុល្លារសម្រាប់ជួយបណ្ដាប្រទេសនៅឥណ្ឌូ-ប៉ាស៊ីហ្វិច។
ក្រៅពីនេះ មានសេចក្ដីស្នើសុំថវិកាជាតិ១០ពាន់លានដុល្លារផ្សេងទៀតសម្រាប់ផ្ដល់ជំនួយមនុស្សធម៌ទៅឱ្យតំបន់ហ្កាហ្សា, តំបន់វេសស្បេង (West Bank) និងអ៊ុយក្រែន។ លោកស៊ូមើថ្លែងថាគម្រោងផ្ដល់ជំនួយទាំងនេះពិតជាមានសារៈសំខាន់យ៉ាងខ្លាំងដែលមិនគួរមើលរំលងទេ។ ដូច្នេះ លោកយល់ថាគួរទុកបញ្ហាខ្វែងគំនិតគ្នាផ្នែកនយោបាយមួយឡែកសិនដើម្បីរួមគ្នាអនុម័តសំណើនេះ។ លោកយល់ថាប្រទេសអាមេរិក និងសម្ព័ន្ធមិត្តកំពុងប្រឈមនឹងបញ្ហាចាក់ស្រេះ និងច្រើនមុខព្រួញ។
លោកឆាក់ ស៊ូមើ (Chuck Schumer)លោកស៊ូមើថ្លែងថាតាមរយៈកិច្ចព្រមព្រៀងនេះ យើងនឹងជួលបុគ្គលិក និងមន្ត្រីអន្តោប្រវេសន៍បន្ថែមទៀតនៅជួរមុខដើម្បីជួយសម្រួលការទទួលសិទ្ធិជ្រកកោនកាន់តែឆាប់រហ័ស និងកាន់តែស្មើភាព។ លោកមីចម៉ាក់ខននែល (Mitch McConnell) ជាសមាជិកជាន់ខ្ពស់ព្រឹទ្ធសភាមកពីគណបក្សសាធារណរដ្ឋគាំទ្រការចរចាគ្នាដើម្បីអនុម័តសំណើនេះ។ លោកថ្លែងថាគណបក្សសាធារណរដ្ឋទទួលបានលក្ខខណ្ឌល្អប្រសើរជាងពេលណាៗទាំងអស់។
លោកមីចម៉ាក់ខននែល (Mitch McConnell)ប៉ុន្តែអ្នកសាធារណរដ្ឋនិយមមិនទាន់ស្កប់ចិត្តត្រឹមនេះទេ។ ពួកគេចង់ឱ្យលោកបៃដិនកែសម្រួលជាច្រើនទៀតទៅតាមការចង់បានរបស់ពួកគេនៅក្នុងគោលនយោបាយអន្តោប្រវេសន៍។ សូមរំលឹកថាលោកបៃដិនបានបញ្ជូនសំណើទៅសភាខង់ហ្ក្រែស (congress) តាំងពីខែតុលា ឆ្នាំ២០២៣ដើម្បីផ្ដល់ជំនួយទៅឱ្យប្រទេសអ៊ុយក្រែន, អ៊ីស្រាអែល និងកោះតៃវ៉ាន់។
ប៉ុន្តែសំណើនោះត្រូវនៅទើរត្រឹមព្រឹទ្ធសភានៅពេលគណបក្សសាធារណរដ្ឋទាមទារឱ្យលោកបៃដិនយកចិត្តទុកដាក់ខ្ពស់ចំពោះបញ្ហាជាតិជាជាងជួយប្រទេសដទៃ។ ជាពិសេស ពួកគេចង់ឱ្យលោកគិតគូរឱ្យបានខ្លាំងចំពោះបញ្ហាអន្តោប្រវេសន៍។ ពួកគេដាក់លក្ខខណ្ឌថាបើចង់ឱ្យពួកគេអនុម័តជំនួយ (សម្រាប់អ៊ុយក្រែន) លុះត្រាតែលោកបៃដិនរឹតបន្តឹងនយោបាយអន្តោប្រវេសន៍។ ឥឡូវនេះ បញ្ហាផ្ទៃក្នុងជាតិដែលធំលំដាប់ទី២របស់អាមេរិកគឺបញ្ហាអន្តោប្រវេសន៍។ នេះបើតាមការស្ទង់មតិពលរដ្ឋអាមេរិកាំង។ គ្រាន់តែនៅឆ្នាំ២០២៣មួយប៉ុណ្ណោះ អាជ្ញាធរចាប់ខ្លួនអ្នកឆ្លងដែនខុសច្បាប់ចំនួន២លាននាក់៕
ប្រភព៖ Channel News Asia
https://www.channelnewsasia.com/world/us-senate-unveils-us118-billion-bipartisan-bill-tighten-border-security-aid-ukraine-and-israel-4099161
ចែករំលែកព័តមាននេះ