សម្តេចតេជោ ៖ កុំនិយាយពីការគ្រប់គ្រាន់ក្នុងការប្រើប្រាស់ទឹក ភ្លើងឲ្យសោះ
- ភ្នំពេញ
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានគូសប ញ្ជាក់ថា សូមកុំនិយាយពីការប្រើប្រាស់ទឹក និងភ្លើងគ្រប់គ្រាន់ឲ្យសោះ ពីព្រោះថា…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានគូសប ញ្ជាក់ថា សូមកុំនិយាយពីការប្រើប្រាស់ទឹក និងភ្លើងគ្រប់គ្រាន់ឲ្យសោះ ពីព្រោះថា គ្រប់គ្រាន់ថ្ងៃនេះ ថ្ងៃស្អែក វាលែងគ្រប់គ្រាន់ ។
សម្តេចតេជោ ហ៊ុន សែន បានគូសបញ្ជាក់ក្នុងពិធីសម្ពោធដាក់ឲ្យប្រើប្រាស់ជាផ្លូវការរោងចក្រប្រព្រឹត្តកម្មទឹកស្អាតបាក់ខែង ស្ថិតនៅសង្កាត់បាក់ខែង ខណ្ឌជ្រោយចង្វារ រាជធានីភ្នំពេញ នាព្រឹកថ្ងៃទី១៩ ខែមិថុនា ឆ្នាំ២០២៣ យ៉ាងដូច្នេះថា ៖«និយាយពីបញ្ហាពីរ គឺទឹក និងភ្លើងកុំនិយាយថា គ្រប់គ្រាន់ឲ្យសោះ ។ ហេតុអ្វីបានជាយើងមិនគ្រប់គ្រាន់ នោះ គឺថា យើងប្រើវាគ្រប់គ្រាន់ថ្ងៃនេះ ថ្ងៃស្អែកវាលែងគ្រប់គ្រាន់ដោយសារអ្វី? ទាំងទឹក ទាំងភ្លើងថ្ងៃនេះគ្រប់ តែស្អែកមិនគ្រប់ទេ យើងពិនិត្យមើលយើងកំពុងអង្គុយពេលនេះ តើមានទារកប៉ុន្មានកំពុងកើត? ហើយមានប៉ុន្មានគូកំពុងរៀបការ? អីញ្ចឹងកាលណាចំនួនមនុស្សកើនឡើងតម្រូវការវានឹងកើនដែរ» ។
សម្តេចតេជោក៏បានលើកឡើងថា នៅពេលគេរៀបការរួច គេត្រូវការប្រើប្រាស់ទឹក ភ្លើង ហើយជាងនេះនៅពេលមានទារកកើតវាត្រូវការទឹកចាំបាច់ណាស់ គឺងូតឲ្យវា ។ ដោយសារតែមានតម្រូវមិនអាចអត់បាន សម្តេចតេជោហ៊ុន សែន នាយករដ្ឋមន្ត្រីបានលើកឡើងថា ការផលិតទឹក និងភ្លើងចាំបាច់ណាស់ត្រូវតែមានផែនការផលិតជាបន្តបន្ទាប់ ដោយមិននៅទ្រឹងមួយកន្លែងនោះទេ ។
យើងត្រូវរកទន់បន្ថែមដែលកាលពីមុនបានជប៉ុនជួយជាជំនួយឥតសំណងផងដែរ ។ ហើយពេលនេះ យើងបានពឹងពាក់បារាំង សហភាពអឺរ៉ុប ដើម្បីកសាងប្រព្រឹត្តិកម្មទឹកស្អាត ។ ហើយសូមកុំបារម្ភថា កម្ពុជាអត់មានថវិកាសងវិញព្រោះថា រដ្ឋករទឹកបានលក់ទឹកឲ្យប្រជាពលរដ្ឋ ហើយនឹងសន្សំសងបាន៕
ចែករំលែកព័តមាននេះ