រាជធានីភ្នំពេញ ៖ រថយន្តមួយចំនួនដែលយើងជ្រើសរើសប្រើប្រាស់ នឹងតំណាងឱ្យការវិនិយោគពេញមួយជីវិតរបស់អ្នក ហើយភ្ផាប់ជាមួយនឹងគេហដ្ឋានរបស់អ្នកផងដែរ នោះវាពិតជាបង្កើននូវសារៈសំខាន់ នៃការសម្រេចចិត្តដ៏ត្រឹមត្រូវរបស់អ្នក ។ ជាធម្មតា ជម្រើសរបស់យើងត្រូវបានសម្រេចចិត្តនៅលើរថយន្តមួយ ដែលយើងចង់បាន ហើយគិតថា តើយើងអាចមានលទ្ធភាពទិញបាន និងបើកបរដោយសុវត្ថិភាព ក្នុងស្ថានភាពមួយដ៏មានផាសុកភាព ។ ប៉ុន្តែនៅក្នុងពិភពលោកនាពេលបច្ចុប្បន្ននេះ គឺពិតជាជួបវិបត្តិជាច្រើនដែលប៉ះពាល់ដល់ការផលិតយានយន្ត ហើយយើងអាចត្រូវបានគេបញ្ចុះបញ្ចូលឱ្យសម្រេចចិត្តទៅរកអ្វីកំពុងមានស្រាប់ជំនួសឱ្យអ្វីដែលយើងចង់បាន ឬត្រូវការ ។
ការបិទខ្ទប់នៅក្នុងប្រទេសចិន ដែលប៉ះពាល់ដល់ការផ្គត់ផ្គង់គ្រឿងបន្លាស់ និងបន្ទះសៀគ្វី (chip), ការធ្វើសង្គ្រាមនៅអ៊ុយក្រែន ដែលមានការកើនឡើងនូវតម្លៃប្រេងឥន្ធនៈ, ការកើនឡើងនៃតម្លៃវត្ថុធាតុដើមដោយការបិទរោងចក្រដែលបញ្ហាបណ្តាលមកពីជំងឺ Covid-19 និងមានឧបសគ្គជាច្រើនទៀត ដែលធ្វើឱ្យឧស្សាហកម្មយានយន្ត ក្នុងពិភពលោកមានការធ្លាក់ចុះ ។
ជាលទ្ធផលមានម៉ាកយីហោមួយចំនួនកំពុងមានបញ្ហាប្រឈម ក្នុងការចែកចាយរថយន្តរបស់ពួកគេ នាពេលថ្មីៗនេះ ។ ម៉ាកយីហោមួយចំនួនដូចជា Mazda, Ssang Yong, MG និងម៉ូដែលរថយន្តមួយចំនួន ដូចជា Ford Everest ត្រូវបានកាត់បន្ថយ ដោយសារវិបត្តិមួយនេះ ។ ខណៈពេលដែលអតិថិជនមួយចំនួនបានអត់ធ្មត់ និងរង់ចាំរថយន្តក្នុងក្តីស្រមៃរបស់ពួកគេ អ្នកខ្លះទៀតបានប្រញាប់ប្រញាល់ទៅរករថយន្ត ដែលមានក្នុងស្តុកស្រាប់ ។
ជាអកុសល អតិថិជនក៏ត្រូវការពេលវេលាបន្ថែមទៀតដើម្បីរង់ចាំ Toyota Raize ផងដែរព្រោះពេលថ្មីៗនេះ Toyota កំពុងប្រមូលរថយន្ត Toyota Raize ចំនួន 191 គ្រឿងក្នុងប្រទេសវៀតណាម និងចំនួន 14,777 គ្រឿង ក្នុងប្រទេសឥណ្ឌូនេស៊ី ដើម្បីជួសជុលការផ្សារភ្ជាប់ផ្នែកមិនល្អនៃបូមខាងមុខ ដែលបញ្ហាបច្ចេកទេសនេះអាចធ្វើឱ្យប៉ះពាល់ដល់លំនឹងរថយន្ត ។ រថយន្តច្រើនគ្រឿងទាំងនេះ ដែលបានផលិតនៅក្នុងប្រទេសឥណ្ឌូនេស៊ី នៅចន្លោះថ្ងៃទី 29 ខែមីនាដល់ថ្ងៃទី 8 ខែតុលាឆ្នាំមុន ដែលពួកគេទាំងអស់ត្រូវបានលក់ចេញ នេះបើយោងតាមការចុះបញ្ជីរបស់ប្រទេសវៀតណាម ។ ការប្រមូលរថយន្តមកវិញនេះត្រូវបានចេញផ្សាយបន្ទាប់ពីមានបញ្ហានៅក្នុងការតភ្ជាប់ផ្នែកបូមខាងមុខ ដែលបណ្តាលឱ្យមានសំឡេងពីផ្នែកខាងមុខក្នុងពេលបើកបរ ។ ក្រុមហ៊ុនផលិតរថយន្តបាននិយាយថា “សំឡេងមិនធម្មតា” នៅជុំវិញតំបន់ថ្ពាល់ខាងមុខគឺជាបញ្ហាដែលអាចកើតមកពីការផ្សារតំណ ។
ដូច្នេះ ក្នុងនាមជាអតិថិជន តើអ្នកមានជម្រើសអ្វីខ្លះ ? មនុស្សម្នាក់គួរតែជឿជាក់លើទំនុកចិត្ត ហើយអាចបង្ហាញពីការអត់ធ្មត់ក្នុងការរង់ចាំរថយន្តដែលពួកគេបានកក់ទុករួចហើយ ដោយសារថាពួកគេក៏បានធ្វើការសិក្សារស្រាវជ្រាវបន្ថែមជាច្រើន និងសួរនាំពីមិត្តភ័ក្តិ មុននឹងសម្រេចចិត្តជ្រើសរើសរថយន្តរបស់ពួកគេ ។ ម៉ូដែលថ្មីដែលបានចេញផ្សាយនាពេលថ្មីៗនេះ ក្នុងលក្ខខណ្ឌផលិតកម្មដ៏លំបាកក៏បានបង្ហាញពីដែនកំណត់ផងដែរ នៅពេលនិយាយអំពីតម្លៃសមរម្យ និងគុណភាពខ្ពស់ដូចដែលបានបង្ហាញពីរថយន្តមួយចំនួនខាងលើ ៕ ដោយសហការ
ចែករំលែកព័តមាននេះ