រាជធានីភ្នំពេញ ៖ ភ្នែក ជាសរីរាង្គចក្ខុវិញ្ញាណ ឬជាសរីរាង្គនៃគំហើញ ដែលអនុញ្ញាតឲ្យមនុស្សម្នាក់ៗមើលឃើញនូវអ្វីៗជុំវិញខ្លួន ក៏ដូចជាពិភពលោកដ៏ស្រស់ត្រកាស ប៉ុន្ដែប្រសិនបើអ្នកមានបញ្ហាភ្នែក នោះគុណភាពជីវិតរបស់អ្នកក៏បាត់បង់នៅមួយចំណែកដែរ ។ វេជ្ជបណ្ឌិតជំនាញផ្នែកចក្ខុវិញ្ញាណមកពីមន្ទីរពេទ្យសិង្ហបុរី Mount Elizabeth បានបញ្ជាក់ថា ការថែទាំងភ្នែក គឺជារឿងសំខាន់ណាស់ ពិសេសករណីដែលលោកអ្នកកំពុងមានបញ្ហាភ្នែក គឺត្រូវពិនិត្យ និងព្យាបាលឲ្យបានទាន់ពេលវេលា ដើម្បីកុំឲ្យមានវិប្បដិសារីទៅថ្ងៃក្រោយ ។
លោកវេជ្ជបណ្ឌិត ឈ័រ វៃហាន វេជ្ជបណ្ឌិតឯកទេសផ្នែកចក្ខុវិញ្ញាណ នៃមន្ទីរពេទ្យសិង្ហបុរី Mount Elizabeth បានបញ្ជាក់ថា បច្ចុប្បន្នបញ្ហាភ្នែកកំពុងកើតមានជាសកល ហើយក្នុងនោះមានជំងឺភ្នែក២ ប្រភេទ ដែលតែងតែកើតមានលើមនុស្សទូទៅ រួមទាំងប្រជាជនកម្ពុជាផងដែរ ។ ទី ១ គឺជំងឺភ្នែកឡើងបាយ (Cataract) ដែលជាទូទៅមានអាការៈកែវភ្នែកឡើងពណ៌ស ស្រវាំងភ្នែក និងអាចវិវត្តទៅជាមើលលែងឃើញតែម្ដងប្រសិនបើគ្មានការព្យាបាល ។ ទី ២ គឺជំងឺទឹកដក់ក្នុងភ្នែក (Glaucoma) ជាប្រភេទជំងឺភ្នែក ដែលកើតច្រើនជាងគេបំផុតទី ២ បន្ទាប់ជំងឺភ្នែកឡើងបាយ ។ វាមានអាការៈស្រវាំងភ្នែក ហើយអាចរហូតដល់ធ្វើឲ្យអ្នកជំងឺមើលលែងឃើញ ឬខ្វាក់ ប្រសិនគ្មានការព្យាបាលត្រឹមត្រូវ និងទាន់ពេលវេលា ។
តើគេអាចព្យាបាលជំងឺភ្នែកតាមរបៀបណាខ្លះ ?
ការព្យាបាលជំងឺភ្នែក ហាក់មានរយៈពេលខ្លី និងមិនចាំបាច់សម្រាកពេទ្យយូរថ្ងៃដូចជាជំងឺផ្សេងៗមួយចំនួនទៀតនោះឡើយ ។ បើតាមលោកវេជ្ជបណ្ឌិត ឈ័រ វៃហាន បច្ចុប្បន្ន បច្ចេកវិទ្យាកាន់តែទំនើបពីមួយថ្ងៃ ទៅមួយថ្ងៃ ធ្វើឲ្យការព្យាបាលជំងឺភ្នែកកាន់តែមានប្រសិទ្ធភាពខ្ពស់។ តួយ៉ាងការព្យាបាលជំងឺភ្នែកឡើងបាយ គេអាចប្រើប្រាស់វិធីសាស្ត្រវះកាត់ ដោយចំណាយពេលប្រហែលតែ ១០ ទៅ ១៥ នាទីប៉ុណ្ណោះ ។ តាមវិធីសាស្ត្រនេះ គេអាចដាក់កញ្ចក់ Len ចូលទៅក្នុងភ្នែកតែម្ដង ដោយពុំចាំបាច់ឲ្យអ្នកជំងឺពាក់វែនតាជំនួយឲ្យមើលឃើញច្បាស់នោះឡើយ ។
ដោយឡែក សម្រាប់ការព្យាបាលជំងឺទឹកដក់ក្នុងភ្នែកវិញ មានចែកចេញជា ៤ របៀបដូចជា ប្រើប្រាស់ថ្នាំបន្ដក់ភ្នែក, ប្រើប្រាស់ការបា.ញ់ Laser SLT, ការវះកាត់ខ្នាតតូច (Micro Surgery) និងការវះកាត់តាមស្ដង់ដារ Glaucoma ជាដើម ។
បើតាមវេជ្ជបណ្ឌិតផ្នែកចក្ខុវិញ្ញាណមកពីសិង្ហបុរីរូបនេះ ការព្យាបាល ភ្នែកម្ញ៉ូបជិត (myopia) ម្ញ៉ូបឆ្ងាយ (hyperopia) និង astigmatism កើតឡើងនៅពេលកែវភ្នែកផ្នែកខាងមុខ និងផ្នែកខាងក្រោយមិនមានសណ្ឋានមូលល្អ ហើយការព្យាបាលនោះត្រូវបានធ្វើឡើងតាមរយៈវិធី ៣ ផ្សេងទៀត ដែលជាបច្ចេកវិទ្យាថ្មី និងមានការពេញនិយមប្រើនៅទូទាំងសកលលោក រួមានការព្យាបាលតាមបែប LASIK, SMILE និង ICL ។ ក្នុងនោះ ការព្យាបាលតាម LASIK និង SMILE គឺជាការព្យាបាលតាមរយៈការបា.ញ់ Laser ដើម្បីកំណែទម្រង់ភ្នែកឲ្យមើលឃើញច្បាស់ ប៉ុន្ដែករណីអ្នកជំងឺមានបញ្ហាភ្នែក ឬភ្នែកស្ងួត គេច្រើននិយមប្រើប្រាស់វិធីសាស្ត្របា.ញ់ Laser SMILE ជាជាងវិធីសាស្ត្រ LASIK ។
ដោយឡែក វិធីសាស្ត្រ ICL វិញ គឺការវះកាត់ដាក់ Len ចូលទៅក្នុងភ្នែក ហើយការវះកាត់គឺចំណាយពេលត្រឹមតែ ១០ ទៅ ១៥ នាទីប៉ុណ្ណោ ហើយកញ្ចក់ Len នោះទៀតសោត គឺអាចរក្សាទុកក្នុងភ្នែកបានក្នុងរយៈពេលយូរ និងអាចផ្លាស់ប្ដូរបានផងដែរ ។
តើការការព្យាបាលភ្នែកដោយបា.ញ់ Laser និងវះកាត់វាអាចប្រឈមនឹងហានិភ័យអ្វីខ្លះ ?
តាមការគូសបញ្ជាក់របស់ លោកវេជ្ជបណ្ឌិត ឈ័រ វៃហាន ការបា.ញ់ Laser និងវះកាត់ភ្នែក បញ្ហាប្រឈមធំជាងគេនោះ គឺការឆ្លងមេរោគ ប៉ុន្ដែ តាមការសិក្សាបានបង្ហាញថា ករណីឆ្លងមេរោគ ក្រោយការវះកាត់ភ្នែក ឬបា.ញ់ Laser នេះ មានក្នុងអត្រាតិចតួបំចផុត តួយ៉ាងនៅសង្ហបុរី ក្នុងចំណោមអ្នកជំងឺ ៨ ពាន់ ទៅ ១ ម៉ឺននាក់ គឺមានត្រឹមតែម្នាក់ប៉ុណ្ណោះ ដែលកើតមានបញ្ហានេះ។ ផលរំខានមួយទៀតនោះ គឺវាអាចធ្វើឲ្យភ្នែករបស់អ្នកជំងឺដែលវះកាត់រួច មានសភាពស្ងួត ប៉ុន្ដែគេអាចប្រើប្រាស់ទឹកបន្ដក់ភ្នែកដើម្បីជំនួយបាន រហូតដល់ភ្នែកជាសះស្បើយ ។
បើតាមលោកវេជ្ជបណ្ឌិត ឈ័រ វៃហាន ចំពោះអ្នកជំងឺដែលមានបញ្ហាភ្នែក ត្រូវស្វែងរកការប្រឹក្សាយោបល់ពីវេជ្ជបណ្ឌិតជំនាញ មុននឹងសម្រេចចិត្តធ្វើការព្យាបាលទៅតាមវិធីសាស្ត្រណាមួយ ។ លោកវេជ្ជបណ្ឌិត បន្ថែមថា សម្រាប់ការព្យាបាលជំងឺភ្នែក នៅមន្ទីរពេទ្យសិង្ហបុរី Mount Elizabeth គឺមានការទទួលស្គាល់យ៉ាងទូលំទូលាយ និងមានកេរ្ដិ៍ឈ្មោះល្បីនៅតំបន់អាស៊ីអាគ្នេយ៍ ព្រោះថា នៅមន្ទីរពេទ្យមួយនេះមានបំពាក់នូវឧបករណ៍វេជ្ជសាស្ត្រទំនើបៗ ពិសេសក្រុមវេជ្ជបណ្ឌិត ត្រូវបានបំពាក់បំប៉នជំនាញយ៉ាងយកចិត្តទុកទាក់ទងនឹងការប្រើប្រាស់នៃឧបករណ៍បច្ចេកវិទ្យាទាំងអស់នោះ ។
សម្រាប់ព័ត៌មានបន្ថែមទាក់ទងនឹងការប្រឹក្សា និងការណាត់ជួបព្យាបាលជំងឺនៅមន្ទីរពេទ្យសិង្ហបុរី Mount Elizabeth លោកអ្នកអាចទំនាក់ទំនងទៅកាន់ការិយាល័យ IHH Healthcare Singapore – Cambodia Office ដោយផ្ទាល់តាមរយៈលេខទូរសព្ទ៖ 012 531 911 ឬទំព័រហ្វេសប៊ុក ៖https://www.facebook.com/IHHHealthcareSingaporeKH ៕ អត្ថបទសហការ
ចែករំលែកព័តមាននេះ