រាជធានីភ្នំពេញ ៖ ការស្រាវជ្រាវមួយចំនួនបង្ហាញថា មនុស្សខ្ពស់ហាក់បីដូចជាឆ្លាតវៃ ។ សម្រាប់ស្ត្រីដែលមានកម្ពស់លើសពីមធ្យម មានហានិភ័យតិចតួចនៃជំងឺទឹកនោមផ្អែមប្រភេទទីពីរ ។ មនុស្សខ្ពស់មានអត្រាជោគជ័យខ្ពស់ជាងមនុស្សទាប ។ មនុស្សខ្ពស់កាន់តែមានផលិតភាព និងទំនុកចិត្តលើខ្លួនឯងខ្ពស់ ។ កម្ពស់ខ្ពស់ អាចដោយសារកត្តាអាហារូបត្ថម្ភនៅពេលជាទារក ឬគភ៌នៅក្នុងផ្ទៃ ។ មនុស្សដែលមានកម្ពស់ខ្ពស់ ជាធម្មតាបង្ហាញពីការស្រូបយក និងទទួលទានសារធាតុចិញ្ចឹមបានល្អប្រសើរ ខណៈពេលស្ថិតដែលនៅក្នុងផ្ទៃម្តាយរបស់ពួកគេ ។
តម្រូវការកាល់ស្យូមប្រចាំថ្ងៃរបស់ស្ត្រីមានផ្ទៃពោះគឺ ១២០០ មីលីក្រាម ។ ក្រៅពីជាតិកាល់ស្យូម ការទទួលទានវីតាមីន A ក៏ត្រូវការសម្រាប់ការលូតលាស់ឆ្អឹង ដែលមានឥទ្ធិពលលើកម្ពស់របស់ទារកផងដែរ ។ ខាងក្រោមនេះជាអាហារ ៧ មុខដែលមានប្រយោជន៍សម្រាប់ស្ត្រីមានផ្ទៃពោះ ទារក និងកូនជំទង់របស់អ្នក ដើម្បីទទួលបានកម្ពស់ខ្ពស់ ៖
១. ទឹកដោះគោ និងឈីស ៖ ទឹកដោះគោសម្បូរជាតិកាល់ស្យូម ។ ដូច្នេះហើយ ស្ត្រីមានផ្ទៃពោះ និងកូនក្មេងត្រូវបានគេណែនាំឱ្យផឹកទឹកដោះគោ ២ កែវជារៀងរាល់ថ្ងៃ ដើម្បីបំពេញតម្រូវការកាល់ស្យូមប្រចាំថ្ងៃរបស់ពួកគេ ។ ឈីសក៏ជាផលិតផលដែលទទួលបានពីទឹកដោះគោផងដែរ ។ នោះមានន័យថា ឈីសក៏សម្បូរជាតិកាល់ស្យូម និងប្រូតេអ៊ីនផងដែរ ។
២. ផ្លែចេក ៖ ចេក ជាផ្លែឈើវេទមន្តដែលសម្បូរទៅដោយសារធាតុចិញ្ចឹម ។ ក្នុងចំណោមសារធាតុចិញ្ចឹមទាំងនេះរួមមាន កាល់ស្យូម ផូស្វ័រ ជាតិដែក ម៉ាញ៉េស្យូម ប៉ូតាស្យូម និងវីតាមីន ។ បរិមាណប៉ូតាស្យូមខ្ពស់នៅក្នុងផ្លែចេកជួយកាត់បន្ថយសម្ពាធឈាម និងជួយរក្សាតុល្យភាពជាតិទឹក និងអេឡិចត្រូលីតនៅក្នុងកោសិការបស់រាងកាយ ។
៣. ក្រូច ៖ ផ្លែក្រូចមិនត្រឹមតែមានរសជាតិឈ្ងុយឆ្ងាញ់ ប៉ុន្តែផ្លែឈើនេះក៏មានផ្ទុកនូវវីតាមីន
C ដ៏ច្រើនសន្ធឹកសន្ធាប់ផងដែរ ។ វីតាមីននេះល្អសម្រាប់ធ្មេញ និងអញ្ចាញធ្មេញ ក៏ដូចជាការលូតលាស់ឆ្អឹង សរសៃពួរ ឆ្អឹងខ្ចី ស្បែក និងកូឡាជែន ។ វីតាមីន C ក៏អាចជួយបង្កើតប្រព័ន្ធភាពស៊ាំរបស់រាងកាយ ដើម្បីកុំឱ្យក្មេងងាយឈឺផងដែរ ។
៤. ទឹកដោះគោជូរ ៖ ទឹកដោះគោជូរសម្បូរទៅដោយអត្ថប្រយោជន៍ជាច្រើន សម្រាប់ការលូតលាស់ឆ្អឹង ។
៥. បន្លែបៃតង ៖ បន្លែបៃតងសំបូរទៅដោយវីតាមីន A, C, និង K ក៏ដូចជាកាល់ស្យូម ប៉ូតាស្យូម និងហ្វូឡាត ដែលមានប្រយោជន៍ខ្លាំងណាស់ក្នុងការរក្សាសុខភាពបេះដូង និងល្អសម្រាប់ការលូតលាស់ឆ្អឹង ។
៦. សណ្តែកសៀង ៖ សណ្តែកសៀងជាប្រភពនៃជាតិកាល់ស្យូម មិនថាអ្នកគ្រាន់តែស្ងោរវាធម្មតា ឬផឹកវាជាទឹកសណ្តែក ។
៧. ត្រីសាលម៉ុន ៖ ត្រីសាម៉ុង ៣ អោន អាចផ្តល់ជាតិកាល់ស្យូម ១៨១ មីលីក្រាម ។ ក្រៅពីមានជាតិកាល់ស្យូមខ្ពស់ ត្រីសាលម៉ុនក៏សម្បូរប្រូតេអ៊ីនផងដែរ ៕
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ សាលារៀនផ្តល់ជូនកម្មវិធីមត្តេយ្យភាសាខ្មែរ និងអង់គ្លេស កម្មវិធីភាសាអង់គ្លេសសម្រាប់កុមារ កម្មវិធីភាសាអង់គ្លេសសិស្សធំ កម្មវិធីចំណេះទូទៅខ្មែរ ពីថ្នាក់ទី ១ ដល់ទី ១២ និងកម្មវិធីភាសាចិន ។ វគ្គសិក្សាថ្មីចូលរៀនថ្ងៃទី ២៩ ខែមេសា ឆ្នាំ ២០២៤ ខាងមុខនេះ ។ សាលារៀនផ្តល់ជូនអាហារូបករណ៍រហូតដល់ ៤០% និងធានារ៉ាប់រងគ្រោះថ្នាក់បុត្រធីតា និងការការពារសិក្សារហូតដល់ ៥ ឆ្នាំ ។ លើពីនេះសាលារៀនក៏បន្ថែមនូវវេទិកា និងមធ្យោបាយសិក្សាយ៉ាងសម្បូរបែបជាមួយនឹងប្រព័ន្ធគ្រប់គ្រងសាលារៀន ប្រព័ន្ធគ្រប់គ្រង់ការសិក្សា និងអេបសាលារៀនជូនដល់មាតាបិតាសិស្ស និងសិស្សានុសិស្សក្នុងការគ្រប់គ្រងការសិក្សា និងតាមដានព័ត៌មានសិក្សារបស់បុត្រធីតាផងដែរ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ