ខេត្តតាកែវ ៖ ប្រភពបែកធ្លាយគួរអោយទុកចិត្តបានបញ្ជាក់អោយដឹងថា ដីព្រៃសួនសត្វភ្នំតាម៉ៅដែលជាដីជម្រករបស់សត្វមានប្រមាណរាប់ពាន់ហិកតាត្រូវកាត់ឆ្វៀលប្រហែល៣០០ហិកតា អាចនឹងធ្លាក់ដល់ដៃឈ្មួញក្នុងពេលឆាប់ៗនេះដោយយកលេសអភិវឌ្ឍន៍មិនដឹងអភិវឌ្ឍន៍ស្អីទេ ។ តាមប្រភពបានអោយដឹងទៀតថា បច្ចុប្បន្ននេះ ដីចំនួន៣០០ហិកតាកំពុងមានអ្នករត់ការសុំ ស.ជ.ណ.កាត់ពីដីរដ្ឋទៅជាដីឯកជន…
ខេត្តតាកែវ ៖ ប្រភពបែកធ្លាយគួរអោយទុកចិត្តបានបញ្ជាក់អោយដឹងថា ដីព្រៃសួនសត្វភ្នំតាម៉ៅដែលជាដីជម្រករបស់សត្វមានប្រមាណរាប់ពាន់ហិកតាត្រូវកាត់ឆ្វៀលប្រហែល៣០០ហិកតា អាចនឹងធ្លាក់ដល់ដៃឈ្មួញក្នុងពេលឆាប់ៗនេះដោយយកលេសអភិវឌ្ឍន៍មិនដឹងអភិវឌ្ឍន៍ស្អីទេ ។
តាមប្រភពបានអោយដឹងទៀតថា បច្ចុប្បន្ននេះ ដីចំនួន៣០០ហិកតាកំពុងមានអ្នករត់ការសុំ ស.ជ.ណ.កាត់ពីដីរដ្ឋទៅជាដីឯកជន ឬជាដីក្រុមហ៊ុនឯកជនមួយដែលកំពុងមានឥទ្ធិពល មហាជននៅមិនទាន់បានដឹងនៅឡើយ ព្រោះគម្រោងខាងលើនេះ មិនទាន់ចេញជាសាធារណៈនៅឡើយទេ គឺកំពុងលាក់កាសំងាត់ ។
យោងតាមសម្តីលោកញឹប ស្រ៊ន ប្រធានមន្ទីកសិកម្មរុក្ខាប្រមាញ់ និងនេសាទខេត្តតាកែវ បានអោយដឹងថា ចំពោះព័ត៌មានដែលកាត់ដីរដ្ឋសួនសត្វភ្នំតាម៉ៅ៣០០ហិកតា គឺពិតជាមានមែនព្រោះគេកំពុងរត់ការសុំ ស.ជ.ណពីថ្នាក់លើ ។
លោកបានបន្តទៀតថា លោកគ្រាន់តែដឹងព័ត៌មានត្រឹមនិងទេរឿងកាត់ឆ្វៀលអោយទៅអ្នកណាក្រុមហ៊ុនណាលោកមិនដឹងទេព្រោះរដ្ខបាលខេត្តតាកែវប្រគល់អោយទៅខាងមន្ទីសុរិយោដី និងសំណង់ខេត្តតាកែវជាអ្នកគ្រប់គ្រង ។ មកទល់ពេលនេះ អ្នកយកព័ត៌មានយើងមិនទាន់សុំការបំភ្លឺពីលោកនួន សុធាប្រធានមន្ទីសុរិយោដីនិងសំណង់ខេត្តតាកែវបានឡើយទេដោយលោករវល់ចូលឆ្នាំពេលណាបានព័ត៌មានបន្ថែម យើងនឹងមានផ្សាយជូនបន្តទៀត ។
ចែករំលែកព័តមាននេះ