ចិនកសាងមហាកំពែងប្រឆាំងកូវីដ តាមបណ្ដោយព្រំដែនជាប់មីយ៉ាន់ម៉ា
នៅតាមព្រំដែនចិន-មីយ៉ានម៉ា ជញ្ជាំងព្រំដែនដ៏ធំមួយកំពុងតែកសាងតាមការផ្ដួចផ្ដើមគំនិតរបស់ចិន
ប្រទេសចិន-មីយ៉ាន់ម៉ា ៖ នៅតាមព្រំដែនចិន-មីយ៉ានម៉ា ជញ្ជាំងព្រំដែនដ៏ធំមួយកំពុងតែកសាងតាមការផ្ដួចផ្ដើមគំនិតរបស់ចិន។
ការកសាងនេះត្រូវបានប្រកាសជាផ្លូវការ ក្នុងគោលបំណងការពារប្រទេស ប្រឆាំងការឆ្លងរាលដាលនៃកូវីដ-១៩ ខណៈការប្រកួតកីឡាអូឡាំពិករដូវរងាក្រុងប៉េកាំង កំពុងតែប្រព្រឹត្តទៅ។ តាមកាសែតអាមេរិក WALL STREET JOURNAL ថា ជញ្ជាំងព្រំដែននេះ មានប្រវែងដល់ទៅជិត៥.០០០គីឡូម៉ែត្រ ដោយដាក់ឈ្មោះថា មហាកំពែងប្រឆាំងកូវីដ។
ទោះបីយ៉ាងណាអ្នកជំនាញការមួយចំនួនយល់ថា ហេតុផលសុខាភិបាលគ្រាន់តែជាលេសមួយ ដើម្បីឲ្យចិនអាចទប់ស្កាត់ការធ្វើអន្តោប្រវេសន៍មកពីមីយ៉ាន់ម៉ាជិតខាង ១ឆ្នាំបន្ទាប់ពីរដ្ឋប្រហារយោធាក្នុងប្រទេសនោះមក។
តាមលោក DAVID BRENNER អ្នកស្រាវជ្រាវនិងជាអ្នកនិពន្ធសៀវភៅមួយ ស្ដីពីព្រំដែនមីយ៉ាន់ម៉ាថា កូវីដ-១៩អាចឲ្យរដ្ឋាភិបាលចិន អនុវត្តបណ្ដាវិធានការ ដែលបានគ្រោងទុកតាំងពីយូរយារណាស់មកហើយ ។ កូវីដ-១៩អាចជាហេតុផលផ្លូវការណ៍ ដែលចិនបានលើកដើម្បីកាសាងមហាកំពែងនោះ។ ប៉ុន្តែចេតនានោះរបស់ចិនពិតជាមានតាំងពីយូរមកហើយ និងបន្ទាប់ពីមានការឆ្លងរាលដាលនៃកូវីដ។
លោកបន្តថា ជញ្ជាំងព្រំដែននោះ ក៏នឹងអាចបណ្ដាលឲ្យមានផលវិបាកខាងបរិស្ថាននានានៅក្នុងតំបន់ ព្រោះការកសាងនឹងនាំឲ្យមានការបំពុលខ្លាំងបំផុត។ លើសពីនេះទៀត ពលរដ្ឋចិននៅតាមព្រំដែនអាចទទួលបានផលប្រយោជន៍ពីសំណង់ដ៏ធំនោះទៀតផង៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ