ឃាត់ខ្លួនបានម្នាក់នៅផ្ទះសំណាក់ បែកធ្លាយបន្តបន្ទាប់ទាំងសំបុកកំពុងប្រមូលផ្តុំគ្នាក្នុងបន្ទប់ជួល
- ភ្នំពេញ
រាជធានីភ្នំពេញ ៖ ជនសង្ស័យ លួចយ៉ាងសកម្មភាពមួយក្រុមត្រូវបានកម្លាំង នគរបាលព្រហ្មទណ្ឌកំរិតស្រាលនៃស្នងការនគរបាល
រាជធានីភ្នំពេញ ៖ ជនសង្ស័យមួយក្រុមជាមុខសញ្ញាធ្វើសកម្មភាពលួចកាច់កម៉ូតូយ៉ាងសកម្ម ត្រូវបានកម្លាំងនគរបាលព្រហ្មទណ្ឌកំរិតស្រាលនៃស្នងការនគរបាលរាជធានីភ្នំពេញ ស្រាវជ្រាវឈានទៅឃាត់ខ្លួនដល់បន្ទប់ជួលបានចំនួន៥នាក់ និងដកហូតបានម៉ូតូចំនួន៣គ្រឿង ក្នុងនោះមានម៉ូតូម៉ាកPCXមួយគ្រឿង ដែលជារបស់ជនរងគ្រោះ។
ការឃាត់ខ្លួនក្រុមជនសង្ស័យខាងលើនេះបានធ្វើឡើងកាលពីវេលាម៉ោងប្រមាណ១និង៣០នាទីរសៀលថ្ងៃទី២១ ខែមិថុនា ឆ្នាំ២០២១ នៅចំណុចផ្ទះជួលលេខ១៤ ផ្លូវលេខ១១២ សង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញ។
ក្រុមជនសង្ស័យដែលត្រូវឃាត់ខ្លួនខាងលើរួមមាន ១-ឈ្មោះពៅ រតនា ភេទប្រុស អាយុ៣០ឆ្នាំ ២-ឈ្មោះហេង ណារិទ្ធ ភេទប្រុស អាយុ២៥ឆ្នាំ, ៣-ឈ្មោះភឿន សីហា ភេទប្រុស អាយុ២៧ឆ្នាំ ៤-ឈ្មោះសុខ ឡុង ភេទប្រុស អាយុ២៨ឆ្នាំ និង៥-ឈ្មោះសុខ ជា អាយុ៣៧ឆ្នាំ ស្នាក់នៅផ្ទះជួលជាន់ទី១ ក្នុងភូមិឃុំកើតហេតុខាងលើ ។
ចំណែកម៉ូតូដែលដកហូតបានចំនួន៣គ្រឿងរួមមាន ១-ម៉ូតូមួយគ្រឿងម៉ាកស្កុបពី ពណ៌ខ្មៅ ពាក់ស្លាកលេខ ភ្នំពេញ ១HV-៦១៨៦, ២-ម៉ូតូមួយគ្រឿងម៉ាកហុងដា ពណ៌ខ្មៅ ពាកស្លាកលេខ បាត់ដំបង ១AF-០១១៩ និង៣-ម៉ូតូមួយគ្រឿងម៉ាក PCX ពណ៌ស បាញ់ពណ៌ខ្មៅ ពាក់ស្លាកលេខ ភ្នំពេញ ១GT-៨៨៧៨ ជារបស់ជនរងគ្រោះ។
នគរបាលបានអោយដឹងថា ជនសង្ស័យជាមុខសញ្ញាលួចកាច់កម៉ូតូយ៉ាងសកម្មក្នុងរាជធានីភ្នំពេញ ។ កាលពីថ្ងៃទី១៧ ខែមិថុនា ឆ្នាំ ២០២១ ជនសង្ស័យបានធ្វើសកម្មភាពលួចម៉ូតូម៉ាក PCXមួយគ្រឿងនៅក្នុងមូលដ្ឋាន ខណ្ឌជ្រោយចង្វារ ។ ដោយមានការស្រាវជ្រាវពីនគរបាលព្រហ្មទណ្ឌកំរិតស្រាលនៃស្នងការនគរបាលរាជធានីភ្នំពេញ ក៏ឈានទៅឃាត់ខ្លួនជនសង្ស័យម្នាក់ឈ្មោះហេង ណារិទ្ធ នៅផ្ទះសំណាក់មួយកន្លែង ម្តុំវិហារអ៊ិស្លាម នៅក្នុងសង្កាត់ស្រះចក ។ តាមការសារភាពរបស់ជនសង្ស័យ១រូបនោះ ទើបសមត្ថកិច្ចក៍ឈានទៅឃាត់ខ្លួនបានជនសង្ស័យចំនួន៤នាក់ទៀត ដែលកំពុងតែជួបប្រមូលផ្តុំគ្នានៅក្នុងបន្ទប់ជួល ។ នៅក្នុងការឃាត់ខ្លួន នោះ សមត្ថកិច្ចដកហូតបានម៉ូតូចំនួន៣គ្រឿង ព្រមទាំងវត្ថុតាងមួយចំនួនទៀត ។
ជនសង្ស័យម្នាក់ឈ្មោះ ភឿន សីហា បានសារភាពអោយដឹងថា ខ្លួនពិតជាបានធ្វើសកម្មភាពលួចម៉ូតូម៉ាក PCXមួយគ្រឿង ខាងលើនោះនៅជ្រោយចង្វារ ពិតប្រាកដមែន ។
បច្ចុប្បន្ន ក្រុមជនសង្ស័យ រួមទាំងវត្ថុតាង ត្រូវបាននគរបាលបញ្ជូន ទៅកាន់ការិយាល័យ ដើម្បីសាកសួរ និងចាត់ការតាមច្បាប់៕
ចែករំលែកព័តមាននេះ