រាជធានីភ្នំពេញ ៖ លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិប្រាប់ប្រតិភូសភាអាមេរិកថា ដំណើរការកាត់ក្តីលោក កឹម សុខា…
រាជធានីភ្នំពេញ ៖ លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិប្រាប់ប្រតិភូសភាអាមេរិកថា ដំណើរការកាត់ក្តីលោក កឹម សុខា ធ្វើឡើងដោយតម្លាភាពដោយមានអ្នកចូលរួមសរុប៥៨រូប ស្តាប់និងតាមដានដំណើរការក្តីនៅតុលាការ។ លោកឧបនាយករដ្ឋមន្ត្រីប្រាក់ សុខុន រដ្ឋមន្ត្រីបន្តថា អ្នកចូលរួមស្តាប់សវនាការរួមមានសង្គមស៊ីវិល តំណាងស្ថានទូត អ្នកសារព័ត៌មាន ហើយសវនាការនេះ មានភាពច្បាស់លាស់ និងតម្លាភាព ។
ការលើកឡើងនាពេលលោកឧបនាយករដ្ឋមន្ត្រី នៅរសៀលថ្ងៃទី២២ មករា ពេលទទួលជួបគណៈប្រតិភូសមាជិកសភាសហរដ្ឋអាមេរិក ដឹកនាំដោយលោក Sethh Wiibur នៅទីស្តីការក្រសួងការបរទេសកម្ពុជា ។ នាឱកាសនោះដែរ លោកឧបនាយករដ្ឋមន្ត្រី ប្រាក់ សុខុន បានបញ្ជា់ថា បញ្ហានោះគ្រាន់តែជាពាក្យចចាមអារ៉ាមមិនពិតទេ ។ បញ្ហានេះ ក៏បានលោកប្រាប់ទៅរដ្ឋមន្ត្រីការបរទេសអាមេរិកនៅក្នុងកិច្ចប្រជុំនៅថៃដែរ។
លោក ឧបនាយករដ្ឋមន្ត្រី ប្រាក់ សុខុន បានសង្កត់ធ្ងន់ថាកម្ពុជាមានសិទ្ធិការពារអធិបតេយ្យរបស់ខ្លួន ក៏
កម្ពុជាមិនអនុញ្ញាតឲ្យមានកងទ័ពបរទេស នៅលើទឹកដីរបស់ខ្លួនដែរ។ នេះមានន័យថា ច្បាប់រដ្ឋធម្មនុញ្ញ មិនអនុញ្ញាតឲ្យមានកងទ័ពបរទេសលើទឹកដីយើងទេ។ ទន្ទឹមនោះដែរ ភាគីទាំងពីរ ក៏បានលើកឡើងពីទំនាក់ទំនងលើវិស័យទេសចរណ៍ កសិកម្ម សុខាភិបាល អប់រំ ដោះមីនមានលក្ខណៈល្អប្រសើរ ។ ក្នុងនោះវិស័យដោះមីននៅកម្ពុជា អាមេរិកបានផ្តល់ជំនួត៩០លានដុល្លារអាមេរិក ចាប់ពីឆ្នាំ១៩៩៨ ដល់ឆ្នាំ២០១៨។
លោក Sethh Wibur បានថ្លែងជម្រាបជូនលោកឧបនាយករដ្ឋមន្ត្រីប្រាប់ សុខុន ថា សមាជិកសភាអាមេរិក មានបំណងធ្វើទំនាក់ទំនងជាមួយសមាជិកសភាកម្ពុជា ។ ហើយកន្លងរដ្ឋាភិបាល អាមេរិក និងកម្ពុជាធ្វើការងារជាមួយគ្នា។ លោក Sethh Wiburបានលើកឡើងថា មិនត្រឹមតែរដ្ឋាភិបាលអាមេរិកទេ សូម្បី តែសភាអាមេរិកក៏មានចេតនាក្នុងការលើកស្ទួយគ្រប់វិស័យលើទំនាក់ទំនងរវាងកម្ពុជា និងអាមេរិក។ភាគីអាមេរិកបានលើឡើងពីថា អាមេរិកគោរពអធិបតេយ្យកម្ពុជាយ៉ាងខ្លាំង ចំពោះកន្លងមកភាកីអាមេរិកឡើងពីមូលដ្ឋានទ័ពបរទេសនៅកម្ពុជានោះ។
គួរបញ្ជាក់ថា ទំហំពាណិជ្ជកម្មរវាងកម្ពុជានិងអាមេរិកមានចំនួនជាង៤ពាន់លានដុល្លារអាមេរិកនៅឆ្នាំ២០១៨ ប្រៀបធៀបឆ្នាំ២០១៩ មានរហូតដល់ជាង៥ពាន់លានដុល្លារអាមេរិក ។ ចំណែកការវិនិយោគអាមេរិកនៅកម្ពុជា ចាប់ពីឆ្នាំ១៩៩៤ដល់ឆ្នាំ២០១៨ មានជាង១ពាន់៣រយលានដុល្លារអាមេរិក ។
ចែករំលែកព័តមាននេះ