ឥណ្ឌា ៖ បុរសម្នាក់លក់កូនស្រីយកលុយទិញស្រាផឹក
ដោយ ៖ ប្រុសកោះ
ថ្ងៃពុធ ទី១៨ ខែសីហា ឆ្នាំ២០១០ ម៉ោង ១៧:៣០
គេហទំព័របរទេស
កែវស្រាមួយ
នៅឥណ្ឌាមានបុរសម្នាក់បានលក់កូនស្រីរបស់ខ្លួនដើម្បីបានលុយយកមកទិញស្រាផឹក ។ កូនស្រីរបស់បុរសនេះអាយុ៦ឆ្នាំ ត្រូវឪពុកដាក់លក់ដេញថ្លៃបានតម្លៃត្រឹមតែ១៦,៥០អឺរ៉ូ ប៉ុណ្ណោះ គឺមិនបាន២០អឺរ៉ូផង ហើយប្រាក់នេះឪពុករូបនេះត្រូវយកទៅទិញស្រាផឹក ។ បុរសនេះដែលជួបបញ្ហាហិរញ្ញវត្ថុ ហើយញៀនស្រា រួចរូបគេគ្មានមធ្យោបាយដើម្បីឱ្យបានប្រាក់សំរាប់ទិញស្រាផឹក ក្រៅពីលក់កូនស្រីឱ្យគេឡើយ ។ ពេលគេដើរចូលក្នុងហាង ព្រោះតែគេគ្មានលុយម្ចាស់ហាងបដិសេធមិនលក់អ្វីឱ្យគេឡើយ ។ ពេលនោះបុរសនេះបានមកកាន់តាមដងវិថី ហើយដាក់លក់កូនស្រីដេញថ្លៃ និងលក់កូនស្រីបានត្រឹមតម្លៃ១៦,៥០អឺរ៉ូ ក៏ប៉ុន្តែការដោះដូរគ្នាត្រូវអាក់ខាន ព្រោះតែអន្តរាគមន៍របស់ប៉ូលិស ៕
