ប្រភពព័ត៌មានប៉ូលិសរាយការណ៍ថា មនុស្ស៣៣នាក់បានត្រូវស្លា.ប់ ហើយ៥០នាក់ទៀតត្រូវរបួសក្នុងការវាយប្រហារនានាកាលពីថ្ងៃទី២១ មេសា នៅអុីរ៉ាក់ ។ការវាយប្រហារយ៉ាងបង្ហូរឈាមបំផុតនាថ្ងៃទី២១ មេសា នោះកើតមាននៅខេត្តវ៉ាស៊ីត នាភាគខាងកើតអុីរ៉ាក់ ពេលជនអត្តឃាតម្នាក់ធ្វើឱ្យរថយន្តផ្ទុកគ្រឿងផ្ទុះរបស់គេផ្ទុះប្រឆាំងបុ៉ស្តិ៍ប៉ូលិសមួយស្ថិតនៅជិតទីក្រុងស៊ូវ៉ាអុីរ៉ាហ៍ ចម្ងាយ៥០គីឡូ
ប្រភពព័ត៌មានប៉ូលិសរាយការណ៍ថា មនុស្ស៣៣នាក់បានត្រូវស្លាប់ ហើយ៥០នាក់ទៀតត្រូវរបួសក្នុងការវាយប្រហារនានាកាលពីថ្ងៃទី២១ មេសា នៅអុីរ៉ាក់ ។ការវាយប្រហារយ៉ាងបង្ហូរឈាមបំផុតនាថ្ងៃទី២១ មេសា នោះកើតមាននៅខេត្តវ៉ាស៊ីត នាភាគខាងកើតអុីរ៉ាក់ ពេលជនអត្តឃាតម្នាក់ធ្វើឱ្យរថយន្តផ្ទុកគ្រឿងផ្ទុះរបស់គេផ្ទុះប្រឆាំងបុ៉ស្តិ៍ប៉ូលិសមួយស្ថិតនៅជិតទីក្រុងស៊ូវ៉ាអុីរ៉ាហ៍ ចម្ងាយ៥០គីឡូម៉ែត្រភាគអាគ្នេយ៍ក្រុងបាដាដ បណ្តាលឱ្យមនុស្សស្លាប់១០នាក់ និងរបួស១៧នាក់ ។ ក្នុងចំណោមអ្នកស្លាប់មាននាយទាហាន២នាក់ ប៉ូលិស៥នាក់ និងជនស៊ីវិល៣នាក់ ។
ការវាយប្រហារអត្តឃាតមួយទៀតប្រឆាំងបារ៉ាស់យោធាមួយកើតមាននៅតំបន់អាល់ម៉ាដាអុីន ចម្ងាយ៣០គីឡូម៉ែត្រភាគអាគ្នេយ៍ក្រុងបាដាដ ដោយសម្លាប់ទាហាន២នាក់ ហើយទាហាន៥នាក់ត្រូវរបួស ។ក្នុងខេត្តអានបា កងកម្លាំងសន្តិសុខអុីរ៉ាក់បានប៉ះទង្គិចគ្នាយ៉ាងខ្លាំងជាមួយពួកយុទ្ធជននៃក្រុមរដ្ឋអ៊ិស្លាម អុីរ៉ាក់ និង LEVANT នៅតំបន់អាល់ហ្សាហ្ស៊ីរ៉ា ចម្ងាយប្រមាណជា១១០គីឡូម៉ែត្រភាគខាងលិចក្រុងបាដាដ ។
ពួកបះបោរ៩នាក់បានត្រូវស្លាប់ ហើយ៧នាក់ទៀតត្រូវរបួសក្នុងការប្រយុទ្ធគ្នា តែពុំមានសេចក្តីរាយការណ៍ពីជនរងគ្រោះក្នុងចំណោមកងទាហានអុីរ៉ាក់ឡើយ។នៅខេត្តឌីយ៉ាឡា សមាជិកម្នាក់នៃកងជីវពល SAHWA ស្និទ្ធរដ្ឋាភិបាល បានត្រូវគេបាញ់សម្លាប់ជិតផ្ទះរបស់គេនៅក្រុងបាគូបា ៕
ចែករំលែកព័តមាននេះ