កាលពីដើមសប្ដាហ៍នេះតម្លៃប្រេងកើនឡើងខ្ពស់ជាងមុនដោយសារវិបត្តិនៅអ៊ុយក្រែនឡើងកម្ដៅរហូតមានការវាយប្រហារដែលបណ្ដាលឱ្យមានមនុស្សស្លាប់បាត់បងជីវិត ។ ស្របពេលជាមួយគ្នានោះដែរកិច្ចសន្យាធំៗសម្រាប់ការចែកចាយប្រេងនៅខែឧសភារបស់ទីក្រុងញូវយ៉ក រដ្ឋតិចសាស់ខាងលិចបានបង្កើនតម្លៃ៧%ស្មើនឹង១០៤,៣៧ដុល្លារ ក្នុងមួយបារ៉ែល ។ ចំណែកនៅទីក្រុងឡុងវិញតម្លៃប្រេងឆៅនៅសមុទ្រBrent ខាងជើងសម្រាប់ខែមិថុនាបានកើនឡើង៤២សេនស្មើនឹង១០៩,៦៥ដុល្លារក្នុងមួយបារ៉ែល ។
ទោះជាយ៉ាងណាក៏ដោយអ្នកវិភាគទីផ្សាររបស់ក្រុមហ៊ុនCMC Market នៅក្នុងប្រទេសសិង្ហបុរីថ្លែងថា ក្រុមអ្នកវិភាគបានបង្កើនការព្រួយបារម្ភអំពីព្រឹត្តិការណ៍នៅក្នុងប្រទេសអ៊ុយក្រែនជាខ្លាំង បន្ទាប់ពីមានការបើកការវាយប្រហារបង្ហូរឈាមកាលពីចុងសប្ដាហ៍កន្លងមកនេះ ។ គួររំលឹកថា តម្លៃប្រេងឆៅនៅសមុទ្រBrent របស់អង់គ្លេសកាលពីសប្ដាហ៍មុនបានកើនឡើង២,២០ដុល្លារក្នុងមួយបារ៉ែល ៕
ចែករំលែកព័តមាននេះ