ប្រតិបត្ដិការរុករកនៅបន្ដទៀតសម្រាប់ថ្ងៃទី៧ជាប់ៗគ្នា មួយសប្ដាហ៍ ក្រោយការលិចនាវាដឹកអ្នកដំណើរឈ្មោះ SEWOL ក្នុងដែនទឹកនៃកោះជីនដូ ភាគនិរតីឧបទ្វីបកូរ៉េ ។ មកដល់ម៉ោង៨និង៥០នាទីព្រឹកថ្ងៃទី២២ មេសា ចំនួនអ្នកស្លាប់ដែលស្រង់បានចេញពីទឹកឡើងដល់៩៥នាក់ ។ កងឆ្មាំឆ្នេរសមុទ្រ កងម៉ារីន និងពួកអ្នកមុជទឹកកាលពីថ្ងៃទី២១ មេសា រកឃើញសាកសពមនុស្សសរុប២៨នាក់ទៀត។
ប្រតិបត្ដិការរុករកផ្ដោតនាពេលនេះ លើជាន់ទី៣និងជាន់ទី៤របស់នាវានេះជាកន្លែងមានអ្នកដំណើរជិះច្រើន ហើយពួកគេអាចជាប់នៅក្នុងនោះ ។ ពួកអ្នកជួយសង្គ្រោះនឹងបន្ដការរុករករបស់ពួកគេដោយប្រើនាវាចំនួន២១២គ្រឿង យន្ដហោះ៣៤គ្រឿង និងមនុស្ស៥៥០នាក់ ។ នាវាមុជទឹកទូរបញ្ជា២គ្រឿងក៏ចូលរួមក្នុងប្រតិបត្ដិការរុករកអ្នកបាត់ខ្លួន២០៧នាក់ទៀត ។ មានអ្នកដំណើរដល់ទៅ៤៧៦នាក់ជិះក្នុងនាវានេះ ហើយមនុស្សតែ១៧៤នាក់ប៉ុណ្ណោះក្នុងនោះមានកាពីតែននាវា និងសមាជិកក្រុមនាវិកភាគច្រើនត្រូវបានជួយសង្គ្រោះរួចផុតពីការស្លាប់ ៕
ចែករំលែកព័តមាននេះ